عبدالحفیظ پیرزادہ، ماہر آئین و قانون،پیپلز پارٹی کے بانی رکن اور ذوالفقار علی بھٹو کے قریبی ساتھی تھے ،روپورٹ
بدھ 2 ستمبر 2015 11:40
لندن/ اسلام آباد (اُردو پوائنٹ اخبار تازہ ترین۔ 02 ستمبر۔2015ء ) عبد الحفیظ پیرزادہ سپریم کورٹ کے کامیاب وکیل ،ملک کے ممتاز ماہر قانون ، پاکستان پیپلز پارٹی کے اولین ارکان میں سے ایک، ذوالفقار علی بھٹو کے قریبی ساتھی اور معتمد تھے ، بھٹو صاحب کیخلاف قتل کے مقدمے میں اْن کی قانونی ٹیم کے رکن رہے۔عبد الحفیظ پیرزادہ ایک ممتاز سندھی خانوادے سے تعلق رکھتے تھے ،وہ سندھ کے سابق وزیر اعلیٰ عبد الستار پیرزادہ کے صاحبزادے تھے۔
عبد الحفیظ پیرزادہ نے پیشہ ورانہ کیرئر کا آغاز سندھ ہائیکورٹ میں وکالت سے کیا۔ وہ اْن 30 بنیادی ارکان میں سے تھے، جنہوں نے ذوالفقار علی بھٹو کے ساتھ 30نومبر 1967 کو پاکستان پیپلز پارٹی کی بنیاد رکھی۔ انہوں نے سیاسی کیرئر کا آغاز بھٹو صاحب کے قانونی مشیر کے طور پر کیا۔(جاری ہے)
وہ ذوالفقار علی بھٹو کے انتہائی قریبی ساتھی رہے اور انہیں پیچیدہ اور اہم قانونی مسائل پر مشورہ دیتے رہے۔
1970میں قومی اسمبلی کا رکن منتخب ہونے کے بعد حفیظ پیرزادہ نے وزارت تعلیم کا قلمدان سنبھالا اور ذوالفقار علی بھٹو کی تعلیمی پالیسیوں کو تیز کرنے اور آگے بڑھانے میں مددکی۔1973 میں وزیر قانون اور انصاف بنے۔اس دوران انہوں نے بھٹو کی اہم اور پیچیدہ مسائل میں رہنمائی کی۔ وزیر قانون کی حیثیت سے عبد الحفیظ پیرزادہ اْس کمیٹی کے سرکاری رکن تھے ،جس نے 1973 کے آئین کا مسودہ تیار کیاتھا۔1977میں وہ ملک کے وزیر خزانہ بنائے گئے۔ اْسی سال وہ منتخب رکن قومی اسمبلی کے طور پر حکومت کی اْس سہ رکنی ٹیم کے اہم رکن تھے ،جس نے حزب اختلاف کے گروپ پی این اے سے ناکام مذاکرات کئے تھے۔ملک میں مارشل لاء کے نفاذ کے بعد 17ستمبر 1977کو انہیں گرفتار کرلیا گیا ،تاہم 1978میں انہیں رہا کردیا گیا۔انہوں نے ذوالفقار علی بھٹو کیخلاف قتل کے مقدمے میں بھٹو صاحب کی جانب سے وکالت کی۔ ذوالفقار علی بھٹو کی پھانسی کے بعد ان کے پارٹی کی اعلیٰ قیادت سے اختلافات ہوگئے اور انہوں نے برطانیہ میں جلاوطنی اختیار کر لی۔1980 کے عشرے میں عبد الحفیظ پیرزادہ وطن واپس آگئے اور سیاست کو خیر آباد کہ کر مکمل طور قانونی شعبہ اختیار کرلیا۔وہ پاکستان کے کامیاب ترین وکلا میں شمار کئے جاتے تھے۔متعلقہ عنوان :
مزید اہم خبریں
-
یوکرین کے وزیر خارجہ بھارت کے دورے پر نئی دہلی پہنچ گئے
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، صدر مملکت
-
وزیراعلیٰ مریم نوازشریف کا صبح سویرے لاہورایس ایل تھری کا دورہ، جلد تکمیل کا حکم
-
مراکز صحت کی اپ گریڈیشن شروع، بی ایچ یو شامکے بھٹیاں پائلٹ پراجیکٹ ایک ہفتے میںمکمل،وزیر اعلیٰ مریم نواز شریف معائنہ کرنے پہنچ گئیں
-
گزشتہ دور حکومت کے دوران پنک راک سالٹ مائنز کی غیر قانونی الاٹمنٹ پر کیس نیب میں بھیجنے کا فیصلہ
-
ملک دشمن عناصر بزدلانہ کارروائیوں سے پاکستانی قوم کے عزم کو شکست نہیں دے سکتے،وفاقی وزیر داخلہ محسن نقوی کا وزیر اعلی ہائوس پشاور میں اعلیٰ سطحی اجلاس سے خطاب
-
تحریک انصاف کا اتوار کو پشاور میں ریلی نکالنے کا اعلان
-
وزیر اعلیٰ پنجاب مریم نواز شریف کی ہدایت پر ستھرا پنجاب مہم کا آخری مرحلہ بھرپور انداز میں جاری
-
قومی ائیر لائن پی آئی اے کی نجکاری میں بڑی رکاوٹ دور ہوگئی
-
صدرمملکت سے برطانوی ہائی کمشنر کی ملاقات ، دوطرفہ تعلقات پر گفتگو
-
وفاقی حکومت کا ججزکے خط پر انکوائری کمیشن بنانے کااعلان
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، ویلیو ایڈڈ مصنوعات کی برآمد سے قیمتی زرمبادلہ کمانے میں مدد مل سکتی ہے، صدر مملکت آصف علی زرداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.