گوگل نے سرچ انجن میں ویب سائٹوں کی درجہ بندی میں اپنی اجارہ داری کا غلط استعمال کیا ہے،بھارت کا الزام
بدھ 2 ستمبر 2015 11:53
نئی دہلی(اُردو پوائنٹ اخبار تازہ ترین۔ 02 ستمبر۔2015ء) بھارت کے حکام نے انٹرنیٹ کی دنیا کے بے تاج بادشاہ گوگل پر الزام لگایا ہے کہ اس نے سرچ انجن میں ویب سائٹوں کی درجہ بندی میں اپنی اجارہ داری کا غلط استعمال کیا ہے۔پچھلے تین سال کے دوران کی جانے والی تفتیش کا محور مختلف ویب سائٹوں کی جانب سے کی جانے والی شکایات ہیں جن میں کہا گیا ہے کہ گوگل نے اپنی تلاش کے نتائج میں اپنی ہی سروسز کے اشتہارات دے رکھے ہیں، جو ناجائز ہے۔
اس سے پہلے امریکہ اور یورپ میں بھی گوگل کو اس طرح کے الزامات کا سامنا کرنا پڑا تھا۔تاہم گوگل نے یقین ظاہر کیا ہے کہ وہ بھارت کے لگائے گئے اس الزام سے بری ہو جائے گا۔ کمپنی کے پاس انڈین کمپٹیشن کمیشن کی رپورٹ کا جواب دینے کے لیے دس دن کا وقت ہے۔(جاری ہے)
گوگل کو پہلے ہی یورپ میں اس الزام کا سامنا ہے کہ وہ اپنے سرچ انجن پر شاپنگ ویب سائٹوں کے نتائج میں اپنا اثر و رسوخ استعمال کرتی ہے تاکہ اپنی مخالف کمپنوں کو نقصان پہنچایا جا سکے۔
یورپی ضابطہ کار اس بات کی تحقیق کر رہے ہیں کہ کیا واقعی گوگل تلاش کے نتائج میں ہیرا پھیری کر کے اپنی مخالف ویب سائٹوں کو نقصان پہنچانے کی کوشش کرتا ہے جس سے دوسری کمپنیوں کی اشتہاراتی آمدنی کم ہو سکتی ہے۔گوگل نے ان تمام الزامات کی تردید کی ہے، تاہم اگر وہ یورپ میں کیس ہار گیا تو اسے کئی ارب ڈالر کا جرمانہ ادا کرنا پڑے گا۔ امریکی ضابطہ کاروں 2013 میں گوگل کی ان بے قاعدگیوں کی تفتیش مکمل کی تھی جس میں فیصلہ کیا گیا تھا کہ کمپنی کو ویب سائٹوں کی درجہ بندی میں کوئی خاص ردوبدل کرنے کی ضرورت نہیں ہے۔مزید بین الاقوامی خبریں
-
امریکی سینیٹ نے ٹک ٹاک پر پابندی کے لئے قانون سازی کی منظوری دے دی
-
ٹیسلا نے 4 ماہ قبل بنائی گئی یو ایس گروتھ ٹیم کو فارغ کردیا
-
ایپل کا آن لائن ایونٹ کے انعقاد کا اعلان
-
شہزادہ ولیم اور کیٹ مڈلٹن کو نئی شاہی ذمہ داریاں سونپ دی گئیں
-
ایرانی صدر ابراہیم رئیسی پاکستان سے سری لنکا کے دورے پر پہنچ گئے
-
بھارت کا میڈیا عوام کے مسائل اجاگر کرنے کے بجائے مودی کے گن گاتا ہے،راہول گاندھی
-
تارکین وطن کے حوالہ سے صورتحال پر مغرب میں خانہ جنگی کا خدشہ ہے، ایلون مسک
-
اقوام متحدہ کا غزہ کےہسپتالوں میں دریافت ہونے والی اجتماعی قبروں بارے شفاف تحقیقات کا مطالبہ،امریکا نے بھی اسرائیل سے معلومات طلب کرلیں
-
11 سال سے زائد افغان لڑکیاں تعلیم سے محروم ہیں، برطانوی اخبار
-
ٹرمپ سے عالمی رہنمائوں کی ملاقاتوں پر بائیڈن انتظامیہ پریشان
-
بھارتی میڈیا مسائل اجاگر کرنے کے بجائے مودی کے گن گاتا ہے، راہول گاندھی
-
ایران چند ہفتوں میں جوہری ہتھیار تیار کرسکتا ہے،آئی اے ای اے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.