لوئزے مارٹن کامن ویلتھ گیمز فیڈریشن کی پہلی خاتون صدر منتخب

جمعرات 3 ستمبر 2015 11:48

آکلینڈ(اُردو پوائنٹ اخبار تازہ ترین۔ 03 ستمبر۔2015ء)جنوبی افریقہ کے شہر ڈربن کو دو ہزار بائیس کے کامن ویلتھ گیمز کا میزبان منتخب کرلیا گیا جبکہ برطانیہ کی لوئزے مارٹن کامن ویلتھ گیمز کی پہلی خاتون صدر چن لی گئیں۔جنوبی افریقہ کے شہر ڈربن کامن ویلتھ گیمز دو ہزار بائیس کا میزبان ہوگا۔ کامن ویلتھ گیمز فیڈریشن کی جنرل اسمبلی نے آکلینڈ نیوزی لینڈ میں منعقدہ اجلاس میں ڈربن کی میزبانی کی منظوری دی۔

فروری میں کینیڈا کا شہر ایڈمنٹن ملٹی اسپورٹس ایونٹ کی میزبانی سے دستبردار ہوگیا تھا جس کے بعد ڈربن سات سال بعد ہونے والے گیمز کی میزبانی کا واحد امیدوار تھا۔ دو ہزار اٹھارہ کے اگلے دولت مشترکہ کھیل آسٹریلیا کے شہر گولڈ کوسٹ میں منعقد ہوں گے۔برطانیہ اسپورٹس ایڈمنسٹریٹر لوئزے مارٹن جنرل اسمبلی میں فیڈریشن کی پہلی خاتون صدر منتخب ہوگئیں۔

(جاری ہے)

صدر کے انتخاب کے لیے لوئزے مارٹن نے کامن ویلتھ گیمز میں دنیا کے بہترین ایتھلیٹس کو واپس لانے اور ٹورنامنٹ کو مالی طور پر کامیاب بنانے کا وعدہ کیا ہے۔ انہوں نے عہدے کے لیے ملائیشیا کے پرنس تنکو عمران کو شکست دی۔حالیہ برسوں میں صف اول کے ایتھلیٹس کے کامن ویلتھ گمیز میں شرکت نہ کرنے اور بجٹ سے زیادہ اخراجات کی وجہ سے مختلف ممالک کی دلچسپی میزبانی حاصل کرنے میں کم ہوئی ہے۔

Facebook Twitter Google + Share on Whatsapp

لوئزے مارٹن کامن ویلتھ گیمز فیڈریشن کی پہلی خاتون صدر منتخب

مزید کھیلوں کی خبریں