سابق آسٹریلوی کپتان سٹیووا اور ویسٹ انڈین فاسٹ باولر مائیکل ہولڈنگ نے ٹیسٹ میچز میں ٹاس ختم کرنے کی حمایت کر دی
جمعہ 4 ستمبر 2015 11:10
سڈنی (اردو پوائنٹ تازہ ترین اخبار4ستمبر ۔2015ء ) آسٹریلیا کے سابق کپتان سٹیووا کا کہنا ہے کہ ٹاس اور بیرون ملک کنڈیشنز کا میچ کے نتیجے پر بہت دارومدار ہوتا ہے۔ حکام دیگر تجاویز پر بھی غور کرتے ہیں تو میں ہرگز اس کی مخالفت نہیں کروں گا ۔ سابق آسٹریلین کپتان رکی پونٹنگ نے برطانیہ اور آسٹریلیا کے درمیان جاری حالیہ ایشز ٹیسٹ سیریز کے دوران تجویز پیش کی تھی کہ بیرون ملک کھیلنے والی یا مہمان ٹیم کو پہلے بائولنگ یا بیٹنگ کا اختیار دینا چاہیے تا کہ وہ ہوم ٹیم کی جانب سے اپنی مرضی کی وکٹ بنا کر حاصل کئے گئے فائدے کا مقابلہ کر سکیں۔
اسی بات کی حمایت کرتے ہوئے سٹیووا نے کہا کہ وہ اس تجویز کی حمایت کرتے ہیں۔ ان کا کہنا ہے کہ انکے خیال میں یہ بری تجویز نہیں ہے ۔(جاری ہے)
ٹاس اور بیرون ملک کنڈیشنز کا ٹیسٹ میچ کے نتیجے پر بہت حد تک دارومدار ہوتا ہے ۔ اگر حکام دیگر تجاویز پر بھی غور کرتے ہیں تو وہ اسکی مخالفت نہیں کریں گے ۔ ادھر سابق ویسٹ انڈین فاسٹ بولر مائیکل ہولڈنگ بھی اس تبدیلی کے حامی نظر آئے جس کی وجہ ایشز سیریز کے درمیان گرائونڈ سٹاف کو دی جانے والی تجاویز تھیں جس میں ان سے کہا گیا تھا کہ وہ بالکل مردہ وکٹیں تیار کریں تا کہ آسٹریلین بائولنگ اٹیک سے نمٹا جا سکے ۔
انہوں نے کہا کہ متعلقہ حکام کو رکی پونٹنگ کی تجویز پر غور کرنا چاہیے اور اب مزید ٹاس نہیں ہونے چاہیں ۔ ہولڈنگ نے کہا کہ میرے خیال میں ٹاس کی اہمیت ٹیلیویژن کی حد تک بہت زیادہ ہے جہاں ہر کسی کی نظریں ہوا میں موجود ٹاس کے سکے پر مرکوز ہوتی ہیں اور پھر اس کے بعد وہ ٹاس جیتنے والے کپتان کے فیصلے کے منتظر ہوتے ہیں۔ ان کا کہنا تھا کہ اب وقت بدل چکا ہے اور ٹیسٹ کرکٹ میں دلچسپی ختم ہوتی جا رہی ہے ۔ اب ہمیں اس بات کو یقینی بنانے کی کوشش کرنی چاہیے کہ گیند اور بلے کے درمیان توازن برقرار رہے اور اسکے لیے ضروری ہے کہ ٹاس نہ ہو ۔ ہولڈنگ کے مطابق مہمان کپتان کو وکٹ کے معائنے کے بعد اس بات کا فیصلہ کرنے کی اجازت ہونی چاہیے کہ وہ کیا کرنا چاہتا ہے ۔مزید کھیلوں کی خبریں
-
صرف 2 گیندوں بعد ہی میچ ختم
-
راولپنڈی میں بارش رک گئی، پاک نیوزی لینڈ میچ چند اوورز تک محدود کر دیا گیا
-
کس وقت تک بارش نہ رکی تو پاک نیوزی لیند میچ منسوخ کر دیا جائے گا؟
-
راولپنڈی میں بارش، پاک نیوزی لینڈ میچ دوبارہ شروع ہو سکے گا یا نہیں؟
-
کیویز کیخلاف پہلے میچ کیلئے 2 پاکستانی کھلاڑیوں کا ڈیبیو
-
ویسٹ انڈیزویمینز ٹیم نے پاکستان ویمینز ٹیم کو پہلےایک روزہ بین الاقومی میچ میں 113 رنز سے شکست دے دی
-
سیریز کا پہلا ٹی ٹوئنٹی میچ، نیوزی لینڈ نے پاکستان کیخلاف ٹاس جیت لیا
-
راولپنڈی میں پاک نیوزی لینڈ میچ ہو سکے گا یا نہیں؟ اپ ڈیٹ جاری کر دی گئی
-
آئی سی سی ایونٹ میں شرکت، ونواٹو کی ٹیم چندہ جمع کرنے پر مجبور
-
بارسلونا اوپن ، مارشل گرانولرزاورہوراشیوزیبالوس کوارٹرفائنل میں پہنچ گئے
-
سابق آسٹریلوی کرکٹرمائیکل سلیٹرجیل منتقل
-
سیف گیمز کے انعقاد سے دنیا میں پاکستان کا سافٹ امیج اجاگر ہوگا، رانا مشہود
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.