بلاول بھٹو زرداری اپنی ہمشیرہ بختاو بھٹو زرداری کے ہمراہ ایک ہفتے کے دورہ پر لاہور پہنچ گئے
بلاول بھٹو ہمشیرہ کے ہمراہ ہیلی کاپٹر کے ذریعے بلاول ہاؤس پہنچے ،منظور وٹو،مخدوم احمد محمود، تنویر اشرف کائرہ اور دیگر نے استقبال کیا پارٹی رہنماؤں سے ملاقات میں ملک کی مجموعی ،پنجاب میں پارٹی کی صورتحال ، ضمنی اور بلدیاتی انتخابات بارے تبادلہ خیال کیا گیا
ہفتہ 5 ستمبر 2015 18:43
لاہور (اُردو پوائنٹ اخبار تازہ ترین۔ 05 ستمبر۔2015ء) پاکستان پیپلز پارٹی کے چیئرمین بلاول بھٹو زرداری اپنی ہمشیرہ بختاو بھٹو زرداری کے ہمراہ ایک ہفتے کے دورہ پر لاہور پہنچ گئے ۔بلاول بھٹو اپنی ہمشیرہ کے ہمراہ خصوصی ہیلی کاپٹر کے ذریعے بلاول ہاؤس لاہور پہنچے جہاں پیپلزپارٹی پنجاب کے صدر میاں منظور وٹو،جنوبی پنجاب کے صدر مخدوم احمد محمود، پنجاب کے جنرل سیکرٹری تنویر اشرف کائرہ، عبد القادرہ شاہین ،شوکت بسرا سمیت دیگر پارٹی رہنماؤں نے استقبال کیا ۔
بلاول بھٹو کی ذاتی سکیورٹی نے ان کی آمد سے دو روز قبل بلاول ہاؤس پہنچ کر سکیورٹی انتظامات اپنے ہاتھ میں لے لئے تھے ۔ بلاول ہاؤس آمد کے بعد پارٹی رہنماؤں سے ملاقات میں ملک کی مجموعی خصوصاً پنجاب میں پارٹی کی صورتحال ، پنجاب میں ہونے والے ضمنی اور بلدیاتی انتخابات کے بارے تبادلہ خیال کیا گیا ۔(جاری ہے)
علاوہ ازیں چیئرمین سینیٹ میاں رضا ربانی ،سابق وزیر اعظم یوسف رضا گیلانی کے صاحبزادے علی موسیٰ گیلانی اورسابق گورنر پنجاب سلمان تاثیر مرحوم کے صاحبزادے شہریار تاثیر نے بھی بلاول ہاؤس لاہور میں بلاول بھٹو زرداری سے ملاقات کر کے پارٹی امور پر تبادلہ خیال کیا ۔
بلاول ہاؤس کے ذرائع کے مطابق آج اتوار کو یوم دفاع کے حوالے سے تقریب منعقد ہو گی جس میں پرچم کشائی کی جائے گی ۔ علاوہ ازیں بلاول بھٹو آج اتوار کو ایک بجے سے سہ پہر تین بجے تک وہاڑی اور چار سے چھ بجے تک ضلع لودھراں میں بلدیاتی پارلیمنٹری بورڈ کے ارکان ٹکٹ ہولڈرز،تحصیل و ضلعی عہدیداروں سے ملاقاتیں کرینگے ساڑھے چھ بجے سے آٹھ بجے تک جنوبی پنجاب کے تمام اضلاع کے صدور،جنرل سیکرٹری و انفارمیشن سیکرٹریوں سمیت الائیڈ ونگز کے صوبائی صدر و جنرل سیکرٹری ملاقات کرینگے ۔مزید اہم خبریں
-
برطانیہ اور یورپی یونین کو ادویات کی شدید قلت کا سامنا، رپورٹ
-
پاکستان اور چین کے درمیان معاشی اور ثقافتی تعلقات تیزی سے فروغ پا رہے ہیں ،وزیرِ اعظم شہباز شریف کا چینی زبان کے عالمی دن پر پیغام
-
امریکہ نے پاکستان کے بیلسٹک میزائل پروگرام میں معاونت کے الزام میں چار بین الاقوامی کمپنیوں پر پابندیوں کا اعلان کردیا
-
آئی ایم ایف نے 6 سے 8 ارب ڈالر نئے بیل آؤٹ پیکج کی درخواست منظور کرلی
-
پاکستان نے آئی ایم ایف سے اگلے بیل آﺅٹ پیکج کیلئے باضابطہ درخواست کر دی
-
آئی ایم ایف بورڈ کا 29 اپریل تک کا شیڈول جاری، پاکستان ایجنڈے میں شامل نہیں
-
21 اپریل کو آنے والا رزلٹ عمران خان اور شاہ محمودقریشی کی رہائی کا آرڈر ہو گا،زین قریشی
-
فواد چوہدری کو مزید 4 مقدمات میں ریلیف مل گیا
-
ضمنی الیکشن کے دوران موبائل اور انٹرنیٹ سروس بند رہنے کا امکان
-
وزیرخزانہ کی ورلڈ بینک کے علاقائی نائب صدر برائے جنوبی ایشیا مسٹر مارٹن رائزر سے ملاقات
-
ضمنی الیکشن کے دوران دفعہ 144 کا نفاذ عدالت میں چیلنج
-
نارووال میں نوجوان کی ہلاکت پر پنجاب حکومت نے وضاحتی بیان جاری کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.