مضبوط فوج کے کردار سے ہی پاکستان موجودہ مشکلات سے نکل سکتا ہے‘ چودھری شجاعت حسین
پاک فوج اور عوام ایک ہیں، آج بھی بھارت کو 65ء کے جذبہ سے جواب دیں گے، دفاع وطن کیلئے جانیں قربان کرنیوالوں کو سلام کرتا ہوں کسی ملک میں اپنی فوج پر تنقید کی مثال نہیں، یہاں وزیردفاع بھی نہیں بخشتا‘ لانس نائیک محفوظ شہید نشان حیدر کے مزار پر چادر پوشی کے بعد گفتگو
اتوار 6 ستمبر 2015 15:56
اسلام آباد/لاہور(اُردو پوائنٹ اخبار تازہ ترین۔ 06 ستمبر۔2015ء) پاکستان مسلم لیگ کے صدر و سابق وزیراعظم چودھری شجاعت حسین نے کہا ہے کہ پاک فوج اور عوام پاکستان پر حملہ کرنے پر بھارت کو آج بھی 1965ء والے جذبہ اور جرأت سے جواب دیں گے اور پاکستان کی طرف بڑھنے والا ہر ہاتھ کاٹ دیا جائے گا، مضبوط فوج کے کردار سے ہی پاکستان اپنے موجودہ مسائل و مشکلات پر قابو پا سکتا ہے، میں یوم دفاع کے موقع پر ان شہیدوں کو سلام پیش کرتا ہوں جنہوں نے ملکی سرحدوں کی حفاظت اور دفاع کیلئے اپنی جانوں کے نذرانے پیش کیے۔
وہ محمد بشارت راجہ اور دیگر مسلم لیگی رہنماؤں کے ہمراہ اسلام آباد کے مضافاتی گاؤں محفوظ آباد (پنڈ ملکاں) میں لانس نائیک محمد محفوظ شہید (نشان حیدر) کے مزار پر چادر پوشی اور فاتحہ خوانی کے بعد میڈیا سے گفتگو کر رہے تھے۔(جاری ہے)
انہوں نے کہا کہ ہر آڑے وقت میں ہماری افواج کا کردار مثالی رہا ہے، مضبوط فوج مضبوط پاکستان کی ضمانت ہے، دنیا بھر میں کسی بھی ملک کی مثال نہیں ملتی جہاں اپنی افواج پر تنقید کی جاتی ہو، لیکن ہماری بدقسمتی ہے کہ وزیردفاع بھی فوج کو نہیں بخشتے۔
چودھری شجاعت حسین نے کہا کہ آج ہمارا ملک جس دور سے گزر رہا ہے اور جن مسائل کا ہمیں سامنا ہے ان سے مضبوط فوج کا کردار ہی ہمیں نجات دلا سکتا ہے، سانحہ پشاور سے لے کر سانحہ کراچی تک درجنوں واقعات سے نبرد آزما ہونا صرف فوج کا ہی کام ہے، آج یوم دفاع کے حوالے سے ہمیں اس عزم کا اعادہ کرنا چاہئے کہ ہمیں متحد ہو کر مادرِ وطن کا دفاع کرنا ہے، ملک کی سلامتی کی ضامن افواج پاکستان کو مضبوط کرنا ہے اور ہر اندرونی و بیرونی سازش سے اسے بچانا ہے، ہم ہر سازش کیخلاف پاک افواج کا شانہ بشانہ ساتھ دیں گے اور عوام کے ساتھ مل کر اس کی عزت و وقار کی جانب بڑھنے والا ہر ہاتھ اور زبان کاٹ دیں گے۔ امتیاز رانجھا اور راجہ ناصر بھی ان کے ہمراہ جانے والے رہنماؤں میں شامل تھے۔مزید اہم خبریں
-
عمران خان کو ریاستی اداروں کے خلاف بیانات سے اجتناب برتنے کے حکم پر تنقید و سوالات
-
وزیردفاع کی شنگھائی تعاون تنظیم کے سالانہ اجلاس میں شرکت ، فاعی تعاون کے اقدامات سمیت علاقائی سلامتی کے امورکا جائزہ لیا
-
وزیراعلی مریم نواز نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
گھریلو اور کمرشل سولر پینل لگانے والوں پر ٹیکس لگانے کی تجویز سامنے آگئی
-
پاکستان کی امریکا سے درآمدات پرانحصار میں بڑی کمی
-
پاکستان اہم ترین شراکت داروں میں سے ایک ہے، امریکا
-
بانی پی ٹی آئی کا ڈی چوک کا دھرنا دو ججوں نے واپس کرایا، فیصل واوڈا
-
غزہ سیز فائر مذاکرات، مصری وفد اسرائیل میں
-
مہنگائی میں 1 فیصد سے زائد کمی کے باوجود بیشتر اشیاء مہنگی ہو گئیں
-
سینئر صوبائی وزیر مریم اورنگزیب کی ورلڈ فوڈ پروگرام کی کنٹری ڈائریکٹر کوکویوشییامہ سے ملاقات
-
حکومت گندم خریداری سے ہاتھ کھینچ چکی، کسان کو3900 روپے فی من قیمت نہیں مِل رہی
-
سعودی عرب کی پہلی بار ’مس یونیورس‘ مقابلے میں ممکنہ شرکت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.