تاریخ کاپست قامت ترین انسان چندرا بہادر ڈانڈی 75 سال کی عمر میں وفات پاگیا
فہد شبیر اتوار 6 ستمبر 2015 17:43
پاگوپاگو(اُردو پوائنٹ اخبارتازہ ترین۔6ستمبر۔2015ء)تاریخ کا پست قامت ترین انسان چندرا بہادر ڈانڈی 75 سال کی عمر میں نمونیہ کے باعث وفات پا گیا۔نیپال سے تعلق رکھنے والے چندرا بہادر کاقدبالغ ہونے کے بعد21.5 انچ تھا۔اسے 2012 میں گینیز بک آف ورلڈ ریکارڈ کی طرف سے دنیا کے پست قامت ترین انسان کا اعزاز حاصل ہوا۔اس نے امریکن ساموا کے شہر پاگو پاگو کے لنڈن بی جانس ٹروپیکل میڈیکل سنٹر میں مختصر علالت کے بعد وفات پائی۔
اس کے دوست اور انڈیا کی مشہور سرکس ریمبو سرکس کے مالک سجیت دلیپ نے کہا کہ آج دنیا کے سب سے چھوٹے آدمی کو کھو کر ہمارے سرکس میں آنسوؤں کا سیلاب آیا ہواہے، ہم اسے پیار سے پرنس چندرا کہتے تھے۔ چندرا بہادر کا علاج نیپال میں جاری تھا کہ وہ ایک شو کے لیے 7,500میل دور امریکن ساموا آگیا۔(جاری ہے)
بیماری زیادہ بڑھی تو اسے ہسپتال میں داخل کرا دیا گیا۔
گینیز ورلڈ ریکارڈ میں نام درج کرانے کے بعد چندرا بہادر مقامی ہیرو بن گیا۔ وہ ساری دنیا میں سفر کرنے لگا اور پیسے کما کر اپنے گھر والوں کو گاؤں میں بھیجنے لگا۔ چندرا بہادر کا گاؤں ریم کوہلی کھٹمنڈو سے 335 کلومیٹرجنوب مشرق میں ہے۔اس سے پہلے وہ چٹائیاں اور رسیاں بنایا کرتا تھا۔ چندرا بہادر سے پہلے دنیا کے سب سے چھوٹے شخص کا اعزاز نیو دہلی کے گل محمد کے پاس تھا جو 1997 میں 40 سال کی عمر میں انتقال کر گیا۔گل محمد کا قد 22.5انچ تھا۔چندرا بہادر کے دو اور بھائیوں کا قد بھی چار فٹ سے کم ہے جبکہ دو بھائی اور دوبہنوں کے قد اوسط ہی ہے۔چندرا بہادر کی موت پر گنینیز ورلڈ ریکارڈ نے بھی افسوس کا اظہار کیا ہے۔ پچھلے دنوں انٹرنیٹ پر ایک تصویر کافی مشہور ہوئی تھی جس میں چندرا بہادر کو دنیا کے سب سے بڑے شخص، ترکی کے 8فٹ 1 انچ کے سلطان کوسین ، کے ساتھ کھڑے ہوئے دکھایا ہے۔یہ تصوہر ہاؤس آف پارلیمنٹ کے باہر لی گئی تھی۔مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.