مشرق وسطیٰ میں دہشت گردی پر ایران کے اربوں ڈالر خرچ
پیر 7 ستمبر 2015 11:44
دبئی(اُردو پوائنٹ اخبار تازہ ترین۔ 07 ستمبر۔2015ء)اسلامی جمہوریہ ایران پر مشرق وسطیٰ میں دہشت گردوں کی مالی سرپرستی کا بار ہا الزام عائد کیا جاتا رہا ہے۔ ایک تازہ رپورٹ میں ایران کے مشرق وسطیٰ کے عرب ممالک میں دہشت گردی کے فروغ پر ہونے والے اخراجات کے چشم کشا اعدادو شمار سامنے آئے ہیں۔ امریکی اخبار "واشنگٹن ٹائمز" نے اپنی رپورٹ میں دعویٰ کیا ہے کہ یمن، شام، لبنان اور غزہ کی پٹی میں ایران اپنے حامی جنگجوؤں کو سالانہ کھربوں ڈالر کی امداد مہیا کرتا ہے۔
امریکی اخبار نے یہ اعدادو شمار اپنی جانب سے جاری نہیں کیے بلکہ یہ تمام حقائق حال ہی میں امریکی سینٹر مارک کیرک کی تیار کردہ ایک رپورٹ میں بیان کیے جا چکے ہیں۔العربیہ ڈاٹ نیٹ کے مطابق رپورٹ میں بتایا گیا ہے کہ ایرانی وزارت دفاع کا سالانہ بجٹ 14 سے 30 ارب ڈالر کے درمیان ہے جس کا ایک بڑا حصہ بیرون ملک مسلح دہشت گرد گروپوں بالخصوص مشرق وسطیٰ میں سرگرم تنظیموں کو پہنچایا جاتا ہے۔(جاری ہے)
بعض علاقائی مبصرین کا خیال ہے کہ ایرانی وزارت دفاع کے تیس ارب ڈالر کے بجٹ میں بیرون ملک سرگرم ایران نواز گروپوں کی انٹیلی جنس سرگرمیوں پر ہونے والے اخراجات شامل نہیں۔ حکومت کے علاوہ ایران کی نجی تنظیمیں اور این جی اوز بھی مسلح گروپوں کی مالی مدد کرتی ہیں۔ ان اداروں کی جانب سے مدد کی رقم بھی شامل کی جائے ایران کی جانب سے سالانہ مشرق وسطیٰ میں خرچ ہونے والی رقوم تیس ارب ڈالر سے کہیں زیادہ ہوسکتی ہیں۔
مثال کے طور پر ایرانی پاسدران انقلاب وزارت دفاع سے ہٹ کراپنے طورپر بھی بجٹ بناتا اور بیرون ملک تنظیموں پر خرچ کرتا ہے۔ حزب اللہ کو ایران کی جانب سے سالانہ 100 سے 200 ملین ڈالر کی امداد فراہم کی جاتی ہے۔ بشارالاسد کو سالانہ 3.5 ارب ڈالر سے 15 ارب ڈالر تک امداد ملتی ہے، شام اور عراق میں شیعہ ملیشیا کو 12 سے 26 ارب ڈالر کی امداد جاری کی جاتی ہے۔ یمن میں ایران کی جانب سے حوثیوں کو 10 سے 20 ملین ڈالر اور بیسیوں ملین ڈالر اسرائیل کے خلاف سرگرم فلسطینی تنظیم 'حماس' کو دیے جاتے ہیں۔امریکی رکن کانگریس کی جانب سے ایران کی مشرق وسطیٰ میں مالی معاونت سے متعلق یہ رپورٹ ایک ایسے وقت میں سامنے آئی ہے جب صدر باراک اوباما تہران کے ساتھ کیے گئے سمجھوتے پر کانگریس کی حمایت کے حصول کی کوششیں کررہے ہیں۔ اگرچہ صدر کو کانگریس کی طرف سے حمایت می مثبت اشارے ملے ہیں مگر اس طرح کی رپورٹس ایک نیا تنازع پیدا کرسکتی ہیں۔مزید بین الاقوامی خبریں
-
دبئی میں ہوٹلوں کے کرایوں میں ہوشربا اضافہ
-
ایمریٹس کی دبئی کی کنکٹنگ فلائٹس کا سفری طریقہ کار معطل
-
اسلام سے نفرت کرنے والا امریکی فوجی اسلام کی تبلیغ کرنے لگا
-
ایک ہفتے میں 55 لاکھ سے زائد زائرین کی مسجد نبویﷺ آمد
-
آسٹریلیا کی شہریوں کو تو اسرائیل اور فلسطینی علاقوں کو چھوڑ نے کی ہدایت
-
امریکا نے اقوام متحدہ کی مکمل رکنیت کی فلسطینی درخواست کو ویٹو کردیا، فلسطین کی شدید مذمت
-
اسرائیلی وزیراعظم کے وارنٹ گرفتاری جاری ہونے کا امکان
-
فلسطین کی اقوام متحدہ کی رکنیت، امریکا نے درخواست ویٹو کردی
-
فلسطینی صدر نے امریکی ویٹو کی مذمت کردی
-
اسرائیلی حملے پرمزید فیصلہ کن اورمناسب جواب دیا جائے گا، ایران
-
عالمی منڈی میں تیل کی قیمتوں میں 4 فیصدسے زائد کا اضافہ ریکارڈ، بٹ کوئن اور سونا بھی متاثر
-
ناسا کے سربراہ کا خلا میں چینی فوج کی موجودگی کا دعویٰ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.