برطانیہ میں اسلامو فوبیا کے تحت مسلمانوں کے خلاف جرائم میںبتدریج اضافہ ہو رہا ہے
سمیرا فقیرحسین منگل 8 ستمبر 2015 13:39
برطانیہ (اُردو پوائنٹ تازہ ترین اخبار. 08 ستمبر 2015 ء) : لندن میں اسلاموفوبیا کے تحت مسلمانوں کے خلاف نفرت پر مبنی جرائم میں گزشتہ برس اضافہ ہوا ہے۔ اس سے متعلق حال ہی میں منظر عام پر آنے والے اعداد و شمار کو دنیا بھر میں رونما ہونے والے واقعات کے تناظر میں دیکھا جا رہا ہے.پولیس نے گذشتہ برس جولائی سے اب تک یعنی 12 ماہ کے دوران اسلامو فوبیا کی وجہ سے ہونے والے 816 حملے ریکارڈ کیے ہیں۔
سرکاری ذرائع کے مطابق یہ شرح اس سے پہلے 2013ء کے مقابلے میں قریب 70 فیصد زیادہ بنتی ہے اور اِسی برس کے 12 ماہ کے اندر ایسی 478 وارداتوں کا اندراج کیا گیا تھا۔لندن کی میٹرپولیٹن پولیس کے بقول،’’دنیا بھر میں رونما ہونے والے واقعات بھی ان جرائم میں اضافے کی وجہ ہو سکتے ہیں جبکہ اس قسم کے جرائم کے واقعات خاص طور سے اُن مقدس دنوں میں رونما ہوئے جب مسلمان برادری زیادہ فعال نظر آ رہی تھی‘‘۔(جاری ہے)
اسکاٹ لینڈ یارڈ کے ایک ترجمان کے بقول،’’حالیہ دنوں میں دنیا میں ہونے والے واقعات کے تناظر میں ہمیں اس کا اندازہ ہوا ہے کہ لندن میں عوام خاصے پریشان ہیں‘‘۔
برطانوی پولیس نے کہا ہے کہ مقامی علاقوں اور محلوں میں پولیس ٹیمیں اہم ترین مقامات اور اہداف پر بروقت پہنچ کر ممکنہ وارداتوں کو ناممکن بنانے میں کامیاب ہورہی ہیں۔ خاص طور سے اسکولوں کے اوقات، تعطیلات اورعبادتوں کے اوقات میں عوام کو تحفظ فراہم کرنے کی ممکنہ کوششیں کی جاتی ہیں۔اسلاموفوبیا پر نظر رکھنے والی ایک مسلم آرگنائزیشن Tell Mama سے تعلق رکھنے والے فیاض مُغل کا کہنا ہے کہ اس طرح کے حملوں یا جرائم کے شکار ہونے والے افراد میں 60 فیصد حجاب پہننے والی خواتین شامل ہیں۔میٹروپولیٹن پولیس کمانڈر ماک چشتی نے لندن کے رہائشیوں کو یقین دلایا ہے کہ نفرت کی بنیاد پر کیے جانے والے جرائم کے بارے میں درج کروائی جانے والی ہر رپورٹ کو نہا یت سنجیدگی سے لیا جاتا ہے۔ اُن کے بقول،’’ہمارے پاس 900 سے زائد ماہر پولیس افسر لندن بھر میں تحفظ کے عمل کی نگرانی کر رہے ہیں جنہوں نے خود کو نفرت کی بنیاد پر ہونے والے جرائم کی روک تھام کے لیے وقف کر رکھا ہے‘‘۔متعلقہ عنوان :
مزید بین الاقوامی خبریں
-
یوکرینی صدر کو قتل کرنے کی سازش پکڑی گئی؛ 2 کرنل گرفتار
-
آسٹریلیا نے اسٹوڈنٹ ویزا کی مالی شرائط سخت کردیں، بھارت سب سے زیادہ متاثر
-
ہزاروں مظاہرین کا نیتن یاہو سے جنگ بندی معاہدہ قبول کرنے کا مطالبہ
-
رفح پر اسرائیلی حملے کی طرف پیش قدمی، راہداری کا آپریشن اسرائیلی فوج نے سنبھال لیا
-
حماس جنگ بندی تجاویزہمارے مطالبات کے مطابق نہیں، اسرائیل
-
یمن میں شاہ سلمان سینٹر کی جانب سے 3 روزمیں دل کے 80 آپریشن کیے گئے
-
ایران ملائیشیا کے ذریعے تیل پابندیوں کی خلاف ورزی کررہا ہے،امریکہ
-
رفح پراسرائیلی ٹینکوں کی یلغار،ہسپتالوں کے ڈاکٹر اور طبی عملے کے ارکان علاقہ چھوڑنے لگے
-
ٹویوٹا کمپنی کو گزشتہ سال 31.82 بلین ڈالر کا ریکارڈ منافع
-
رفح پراسرائیلی حملہ لاکھوں زندگیاں خطرے میں ڈال دے گا ، اقوام متحدہ
-
بھارتی کرکٹ ٹیم میں مسلمانوں کے انتخاب کو روکنے کیلئے بی جے پی کو 400 سیٹیں چاہیے، مودی
-
مشرق وسطیٰ کی صورت حال پر چین فرانس مشترکہ بیان انسانی ضمیرکی آواز ہے، چینی میڈیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.