لاہور اورنج لائن میٹروٹرین کے منصوبے کی تعمیر کا آغاز ہو گیا ،باقاعدہ سنگ بنیاد وزیراعظم محمد نوازشریف رکھیں گے ، لاہور اورنج لائن میٹروٹرین کامنصوبہ ٹرانسپورٹ کے شعبہ میں ایک بڑا انقلاب ثابت ہوگا ، منصوبے پر دن رات کام کیا جائیگا،عظیم الشان منصوبے کی تکمیل کے بعد روزانہ اڑھائی لاکھ افراد میٹروٹرین کے ذریعے منزل مقصود تک پہنچیں گے، وزیراعلیٰ پنجاب شہباز شریف کی گفتگو
منگل 8 ستمبر 2015 20:29
لاہور ( اُردو پوائنٹ اخبار تازہ ترین۔ 08 ستمبر۔2015ء ) وزیراعلیٰ پنجاب محمد شہباز شریف نے کہا ہے کہ صوبائی دارالحکومت میں لاہور اورنج لائن میٹروٹرین کے منصوبے کی تعمیر کا آغاز ہوگیا ہے اور اس شاندار منصوبے کے تعمیراتی کام کاباقاعدہ سنگ بنیاد وزیراعظم محمد نوازشریف رکھیں گے ،پاکستان کے عوام کے لئے اس عظیم تحفے پر چینی قیادت کے شکر گزار ہیں ، لاہور اورنج لائن میٹروٹرین کامنصوبہ ٹرانسپورٹ کے شعبہ میں ایک بڑا انقلاب ثابت ہوگا ، منصوبے پر دن رات کام کیا جائے گا- انہوں نے کہاکہ مزدور ، محنت کش، طلبا وطالبات، ڈاکٹر ، وکلاء، کسان، تاجر اور زندگی کے ہر شعبہ سے تعلق رکھنے والے افراد اس عظیم الشان میٹروریل پر باوقارانداز سے سفر کریں گے اور منصوبے کی تکمیل کے بعد روزانہ اڑھائی لاکھ افراد میٹروٹرین کے ذریعے منزل مقصود تک پہنچیں گے- انہوں نے کہاکہ لاہور اور راولپنڈی اسلام آباد میں میٹروبس سروس کے کامیاب آغاز اور ملتان میں میٹروبس کے زیر تکمیل منصوبے کے بعد صوبائی دارالحکومت میں پاکستان کی پہلی میٹروٹرین کا منصوبہ عوام کو سفر اور آمدورفت کی معیاری ،تیز رفتاراور آرام دہ سہولت فراہم کرنے کی جانب ایک انقلابی اقدام ہے- میٹروٹرین اور میٹروبس کے باہم امتزاج کے بعد وہ دن دور نہیں جب پاکستان کے شہری بین ا لاقوامی معیار کی ائیر کنڈیشنڈ میٹروٹرین پر سفر کر کے اپنے پاکستانی ہونے پر فخر کریں گے اور انہیں نہ صرف ٹرانسپورٹ کے انتظار کی زحمت سے نجات ملے گی بلکہ کرائے کے حوالے سے بحث و تکرار بھی نہیں کرنا پڑے گی-وزیراعلیٰ نے کہا کہ یہ تمام منصوبے ان کروڑوں عوام کی حالت زار کے پیش نظر تیار کئے گئے ہیں جو تیز دھوپ ، گرمی اور سردی میں دھواں چھوڑتی بسوں پر سفر کرنے پر مجبور ہیں- انہوں نے کہاکہ 27کلو میٹر طویل میٹروٹرین کا 24.3کلو میٹر حصہ زمین سے 6میٹر کی بلندی پر تعمیر کیاجائے گا جبکہ 1.7کلو میٹر زیر زمین ہوگا-ٹرین کے روٹ پر 26سٹیشن تعمیر ہو ں گے اور ایک ڈپو بھی بنے گا اور میں خود تعمیراتی کام پر ہونے والی پیشرفت کا باقاعدگی سے جائزہ لوں گا-انہوں نے کہا کہ میٹرو بس سروس کے ذریعے پاکستان میں سفر کے نئے کلچر کو فروغ دیا ہے اور روزانہ لاکھوں افراد میٹرو بسوں کے ذریعے اپنی منزل مقصود تک پہنچتے ہیں،اسی طرح لاہو راورنج لائن میٹرو ٹرین کا منصوبہ بھی ٹرانسپورٹ کے نظام میں انقلابی تبدیلیاں لائے گا-انہوں نے کہاکہ پنجاب حکومت نے انفراسٹرکچر کی بہتری اور عوام کو ٹرانسپورٹ کی معیاری و جدید سہولتوں کی فراہمی کے حوالے سے ٹھوس حکمت عملی اپنائی ہے ۔
(جاری ہے)
متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.