سپریم کورٹ کے فیصلے کی روشنی میں ایف آئی اے کو گریڈ 21 کے افسر کے خلاف کارروائی کیلئے کسی سے اجازت لینے کی ضرورت نہیں، چوہدری رشید کی ایف آئی اے میں درج مقدمہ خارج کرانے کی درخواست پرسرکاری وکیل کاموقف
منگل 8 ستمبر 2015 20:51
اسلام آباد ( اُردو پوائنٹ اخبار تازہ ترین۔ 08 ستمبر۔2015ء ) سابق چیئرمین پیمرا چوہدری رشید کی جانب سے ایف آئی اے میں درج مقدمہ خارج کرانے کی درخواست کی سماعت کے دوران سرکاری وکیل نے اسلام آباد ہائی کورٹ کو بتایا کہ سپریم کورٹ کے فیصلے کی روشنی میں ایف آئی اے کو گریڈ 21 کے افسر کے خلاف کارروائی کے لئے کسی سے اجازت لینے کی ضرورت نہیں۔ عدالت عالیہ کے جسٹس نور الحق این قریشی نے سرکاری وکیل کو سپریم کورٹ کے فیصلے کی نقل جمع کرانے کی ہدایت کرتے ہوئے سماعت 10 ستمبر تک ملتوی کر دی۔
منگل کو سماعت کے موقع پر درخواست گزار کی جانب سے وسیم سجاد نے موقف اپنایا کہ سابق چیئرمین پیمرا چوہدری رشید نے ٹینڈر پاس کیا جس پر اے جی پی آر نے ضروری کارروائی کے بعد چیک جاری کیا۔ انہوں نے عدالت کو بتایا کہ یہ 11 لاکھ روپے کا معاملہ ہے جس کا الزام صرف درخواست گزار پر ہی نہیں بلکہ 13 افراد پر ہے۔(جاری ہے)
اس موقع پر جسٹس نورالحق این قریشی نے ریمارکس دئیے کہ پھر آپس میں سب نے شیئر بانٹا ہو گا۔
فاضل جج نے استفسار کیا کہ ایف آئی اے نے21ویں گریڈ کے افسرکے خلاف انکوائری کی اجازت کس سے لی؟ اس پر سرکاری وکیل راجہ خالد نے کہا کہ حج اسکینڈل میں سپریم کورٹ کے فیصلے کی روشنی میں انکوائری کے لئے اجازت کی ضرورت نہیں۔ سرکاری وکیل کی جانب سے فیصلے کی نقل عدالت میں پیش نہ کرنے پر فاضل جسٹس نے کہا کہ زبانی کلامی کام نہیں چلے گا ، فیصلے کی نقل پیش کریں ، لگتا ہے آپ تیاری کر کے نہیں آئے ، تیاری کر کے آئیں پھر تکنیکی معاملے پر دلائل دیں۔ سرکاری وکیل راجہ خالد نے سپریم کورٹ کے فیصلے کی نقل پیش کرنے کے لئے عدالت سے مہلت طلب کی جس پر فاضل عدالت نے سماعت 10 ستمبر تک ملتوی کر دی۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.