یو ایس ایڈ کی امداد،اسلام آباد کے سرکاری اسکول میں ”پاکستان ریڈنگ پراجیکٹ“ کے تحت چار نئی موبائل لائبریریوں کا افتتاح
بدھ 9 ستمبر 2015 11:20
اسلام آباد(اُردو پوائنٹ اخبار تازہ ترین۔ 09 ستمبر۔2015ء) امریکہ پاکستان کے شعبہ تعلیم کو بہتر بنانے کے لیے معاونت کرتا چلا آ رہا ہے اور اسی سلسلے میں اس نے موبائل لائبریری کی صورت میں مزید سہولت بھی فراہم کی ہے۔گزشتہ روز امریکی ادارہ برائے بین الاقوامی ترقی "یو ایس ایڈ" کی نائب مشن ڈائریکٹر کیتھی مور نے خواندگی کے عالمی دن کی مناسبت سے اسلام آباد کے سرکاری اسکول میں "پاکستان ریڈنگ پراجیکٹ" کے تحت چار نئی موبائل لائبریریوں کا افتتاح کیا۔
امریکی سفارتخانے سے جاری ایک بیان میں بتایا گیا کہ موبائل لائبریریوں کے تحت چار نئی بسیں پاکستان کے 300 سے زائد علاقوں تک کتب کی رسائی ممکن بنائیں گی جن میں صرف اسلام آباد ہی کے ایک سو پرائمری اسکولوں کے 2500 سے زائد طلبا مستفید ہوں گے۔(جاری ہے)
علاوہ ازیں ملک کے کئی دیہی علاقے جہاں روایتی لائبریری یا اس کے ذرائع موجود نہیں وہاں بھی بچے اس سے استفادہ کر سکیں گے۔
کیتھی مور نے اپنے خطاب میں کہا کہ امریکی ادارہ برائے بین الاقوامی ترقی کے پاکستان ریڈنگ پراجیکٹ کا یہ پروگرام پاکستان میں تعلیمی نظام کی بہتری اور مطالعے کے فروغ کے لیے امریکی روایت کا تسلسل ہے۔ان کے بقول موبائل لائبریریز کے ذریعے بہت سے علاقوں تک کتابیں اور دیگر رسائل براہ راست پہنچ سکیں گے۔سفارتخانے کے بیان کے مطابق ان بسوں میں لائبریری کا تربیت یافتہ عملہ موجود ہوگا جو بچوں اور طلبا و طالبات کے لیے کہانیاں سنانے کی نشستوں کے علاوہ دیگر افراد کے ساتھ خواندگی کی اہمیت پر گفتگو بھی کرے گا۔ امریکی ادارہ برائے بین الاقوامی ترقی کا "پاکستان ریڈنگ پراجیکٹ" 16 کروڑ پچاس لاکھ ڈالر کی لاگت سے ملک بھر میں پرائمری اسکول کے بچوں کے مطالعے کی عادت کی حوصلہ افزائی کے لیے صوبائی اور علاقائی محکمہ تعلیم کی معاونت کا منصوبہ ہے۔بیان کے مطابق یہ پروگرام بنیادی تعلیم کے تین مربوط شعبوں، مطالعے کے لیے کلاس روم کے ماحول میں بہتری، بہتر پالیسیوں اور نظام کا قیام اور مختلف علاقوں کی سطح پر مطالعے کے فروغ کے اقدامات کو بروئے کار لا کر وضع کیا گیا ہے۔متعلقہ عنوان :
مزید اہم خبریں
-
پاکستان عالمی ملیریا پروگرام کے تحت نئے اقدامات پر عمل درآمد کیلئے پرعزم ہے، صدر مملکت
-
ملیریا پرقابو پانے کیلئے مشترکہ کوششوں کی ضرورت ہے،چیئر مین سینٹ
-
پاکستان کی بہترین جامعات کو مانیٹرنگ کے موثر نظام کے ذریعے عالمی معیار کی جامعات میں شامل کرنا چاہتے ہیں، احسن اقبال
-
امریکہ نے یوکرین کو خفیہ طور پر بیلسٹک میزائل فراہم کیے
-
’ان کرداروں کو اکٹھا دیکھ کر عوام کی نفرت میں اضافہ ہی ہوتا ہے‘
-
وزیراعظم شہباز شریف کل شہید کسٹمز انسپکٹر سید حسنین علی ترمذی کے اہل خانہ سےملاقات کے لئے ایبٹ آباد جائیں گے
-
شیر افضل مروت کی حفاظتی ضمانت منظور،پنجاب پولیس کو گرفتاری سے روک دیاگیا
-
سولر پینلز کی بے تحاشا انسٹالیشن،حکومت نے نیٹ میٹرنگ نرخ گرانے کی تیاری کرلی
-
مرد ڈاکٹرز کے مقابلے خواتین ڈاکٹرز بہتر اور بر وقت علاج کرتی ہیں
-
6 ماہ سے غزہ کے فلسطینیوں پرمظالم دیکھ کرشدید غصہ اور مایوسی ہے،۔ ملالہ
-
پاکستان کے ساتھ انسانی حقوق کا معاملہ اٹھاتے رہیں گے، امریکہ
-
وزیر اعظم نے چیف کمشنر اسلام آباد کیپٹن (ر) انوارالحق کو عہدے سے ہٹا دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.