میچ فکسنگ کی بار ہا نشاندہی کی لیکن کسی نے بات نہیں مانی ، جاوید میانداد
بدھ 9 ستمبر 2015 15:07
کراچی (اردو پوائنٹ تازہ ترین اخبار9ستمبر ۔2015ء ) پاکستان کرکٹ ٹیم کے سابق کپتان، کوچ اور سابق ڈائریکٹر جنرل جاوید میاں داد کا کہنا ہے کہ 1999ء میں میچ فکسنگ کا ناسور پاکستان کرکٹ کی جڑیں کھوکھلی کررہا تھا ۔ کرکٹرز کھلے عام غلط کاموں میں مصروف تھے جس کے بعد انہوں نے پانی سر سے اونچا ہوتا دیکھ کر ضمیر کی آواز پر کوچ کا عہدہ چھوڑدیا ۔ انہوں نے اسوقت کے چیئر مین خالد محمود کو یہ کہہ کر استعفی دیا تھا کہ پاکستان کرکٹ کنویں کی طرف دھکیلی جارہی ہے اور آج سولہ سال بعد انکی بات درست ثابت ہورہی ہے ۔
ایک انٹرویو میں سابق کپتان جاوید میانداد نے خالد محمود کے اس دعوے کو غلط قرار دیا کہ انہیں سلیکشن میں صوابدیدی اختیارات مانگنے پر ورلڈ کپ سے قبل کوچنگ سے ہٹایا گیا تھا ۔(جاری ہے)
124 ٹیسٹ اور233 ون ڈے انٹرنیشنل کھیلنے والے 58 سالہ میانداد نے کہا کہ انہوں نے خالد محمود کو کہا تھا کہ کرکٹرز میچوں کے نتائج تبدیل اور جان بوجھ کر ہار رہے ہیں لیکن انہوں نے انکی بات پر یقین نہیں کیا ۔
میانداد کے مطابق انہیں اطلاعات ملتی رہی تھیں کہ لڑکے چیئرمین سے گھر جا کر ملتے تھے اور غلط کاموں میں رکاوٹ بننے پر میرے خلاف کھلاڑیوں کا گروپ متحرک تھا ۔ اس واقعے کے کئی سال بعد سعید انور نے آکر ان سے معافی مانگ کر کہا کہ وہ اور دیگر سینئر کرکٹرز ان کے خلاف جونیئرز کو ورغلاتے تھے ۔ انہوں نے کہا شارجہ کے ٹورنامنٹ میں انہوں نے جو کچھ دیکھا اس کے بعد عہدہ چھوڑ دیا ۔ ورلڈ کپ میں انہی لڑکوں نے پاکستان کو بنگلہ دیش کیخلاف شکست سے دوچار کرایا اور پھر فائنل میں جو ہوا وہ سب تاریخ کا حصہ ہے ۔ بھارت کے خلاف سیریز میں جب پاکستان تین تین سو رنز کرکے ون ڈے میچ ہارا تو وہ رو پڑے تھے ۔ وہ جن باتوں کی نشاندہی کررہے تھے اسکا پنڈورا ملک قیوم نے کھول دیا اور ملک کو بے توقیر کرنے اور وقار مجروح کرنے والے کھلاڑی بے نقاب ہوگئے ۔ میانداد کے مطابق اگر 1999ء کے حکمران ہوش کے ناخن لیتے تو یہ سیاہ باب رقم نہ ہوتا۔ سلمان بٹ، عامر اور آصف نے ملک کا سودا کیا ہے جس کے بعد انہیں پاکستان ٹیم میں شامل نہیں کیا جانا چاہیے ۔مزید کھیلوں کی خبریں
-
لندن،انگلش پریمیئر لیگ کے دلچسپ مقابلے جاری،لیگ میں کل مزید 7 میچوں کا فیصلہ ہوگا
-
آئی پی ایل 2024ء: وریندر سہواگ نے ایم ایس دھونی کو ’بزرگ‘ کہہ دیا
-
افغان سپنر مجیب الرحمان انجری کے باعث آئی پی ایل سے باہر
-
کبھی کبھی سوچتا ہوں کیا آئی پی ایل کرکٹ بھی ہے؟، روی ایشون کی اشتہاری شوٹ کرنے والے کھلاڑیوں پر تنقید
-
کپتان کی ممکنہ تبدیلی، پی سی بی نے شاہین آفریدی کو اندھیرے میں رکھا
-
پی سی بی کا ریڈ اور وائٹ بال کرکٹ کیلئے الگ الگ کوچ مقرر کرنے کا فیصلہ
-
بابر اعظم کو ایک بار پھر قومی ٹی ٹونٹی ٹیم کی کپتانی سونپنے کا فیصلہ
-
پاکستان کے دورہ آئرلینڈ کے ٹی ٹونٹی میچز کے شیڈول کا اعلان
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی
-
بنگلہ دیش اور سری لنکا کی کرکٹ ٹیموں کے درمیان دوسرا اورآخری ٹیسٹ میچ 30 مارچ سے شروع ہوگا
-
پاکستان نیوزی لینڈ ٹی ٹوئنٹی سیریزکی ٹکٹوں کی فروخت جمعہ سے شروع ہوگی۔
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.