نجی ٹی وی چینل کی سیٹلائٹ وین پر ٹریفک پولیس کو نشانہ بنانے والوں نے ہی حملہ کیا ہے، فارنزک رپورٹ میں انکشاف
بدھ 9 ستمبر 2015 16:27
کراچی(اُردو پوائنٹ اخبار تازہ ترین۔ 09 ستمبر۔2015ء) نجی ٹی وی چینل کی سیٹلائٹ وین پر حملے کی فارنزک رپورٹ میں انکشاف ہوا ہے کہ ٹریفک پولیس کو نشانہ بنانے والوں نے ہی حملہ کیا ہے۔واقعے کا مقدمہ درج کرلیا گیا ہے،پولیس نے قاتلوں کی گرفتار کیلئے شیر پاؤ کالونی میں کارروائی کر کے بعض افراد کو حراست میں بھی لے لیا ہے۔پولیس کے مطابق واقعے کی جگہ کے چارمقامات کی سی سی ٹی وی ویڈیو حاصل کرلی ہے،ویڈیو کے مطابق ملزمان بہادرآباد کے علاقے میں ہی روپوش ہوئے ہیں۔
پولیس کے مطابق گولیوں کے خول کی فارنزک رپورٹ میں انکشاف ہوا ہے کہ نجی ٹی وی کی وین پر حملے میں جو نائن ایم ایم کا پستول استعمال ہوا، اس ہی سے صدر ،گلشن اقبال اور گلبائی میں گزشتہ دنوں ٹریفک پولیس کے اہلکاروں کو نشانہ بنایا گیا تھا ۔(جاری ہے)
اس ضمن میں ڈی آئی جی ایسٹ منیر شیخ نے بتایاکہ موٹرسائیکل پر سوار3 افراد نجی ٹی وی کی ڈی ایس این جی پر حملے میں شامل تھے اور ایک شخص نے موٹر سائیکل سے اترکر فائرنگ کی، جس سے ڈی ایس این جی میں موجود سیٹلائٹ انجینئر ارشدعلی اورڈرائیورزخمی ہوگئے۔
تاہم ڈرائیورانیس چوہان نے زخمی حالت میں ڈی ایس این جی اسپتال پہنچائی۔اسی دوران ارشدعلی زخموں کی تاب نہ لاکرچل بسے ۔پوسٹ مارٹم رپورٹ کے مطابق ارشد علی جعفری کوسر،ہاتھ، جبڑے اور پیٹ میں9گولیاں لگیں۔سینئرایم ایل او ڈاکٹرکلیم کے مطابق 2 گولیاں جسم میں پیوست ہوئیں جب کہ 7 آرپار ہوگئیں۔ڈرائیور کے کندھے پر گولیاں لگیں۔زخمی ڈرائیورکی حالت خطرے سے باہرہے۔پولیس کاکہناہے کہ دو عینی شاہدین کے مطابق تینوں حملہ آوروں نے شلوار قمیص پہنی ہوئی تھی۔واقعے کا مقدمہ 551/2015 انیس کی مدعیت میں بہادر آباد تھانے میں درج کر لیا گیا جس میں انسداد دہشتگردی کی دفعات بھی شامل ہیں۔متعلقہ عنوان :
مزید اہم خبریں
-
پاکستان میں سال 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
اینٹ کا جواب پتھر سے دیا جائیگا،دہشتگردوں سے مذاکرات نہیں ہونگے،اعظم نذیر تارڑ
-
رمضان شوگر مل ریفرنس کیس وزیراعظم شہبازشریف اور حمزہ شہبازکی حاضری سے معافی کی درخواست منظور
-
سپیکر پرلازم ہے کہ وہ آئین اور قانون کی پاسداری کریں،عمر ایوب
-
اقوام متحدہ میں فلسطین کی مکمل رکنیت کی قرارداد کو امریکہ نے ویٹو کر دیا
-
ایران پر اسرائیل کے حملے اور دھماکوں کے بعد پروازیں معطل
-
سٹاک مارکیٹ میں اضافہ غیر ملکی خریداروں کا بڑھتا ہوا رحجان ہے،محمد اورنگزیب
-
روس نے جرمن فاونڈیشن پر پابندی لگا دی
-
چین میں پاکستان کے سفیر کا دارالحکومت بیجنگ میں ہواوے کے نمائشی مرکز کا دورہ ، منصوبوں اور پاکستان کے ساتھ شراکت داری پر تبادلہ خیال
-
آرمی چیف جنرل عاصم منیرسے سعودی عرب کے معاون وزیر دفاع میجر جنرل طلال بن عبداللہ الاوطیبی کی ملاقات
-
ایران : اصفہان میں دھماکوں کی آوازیں اسرائیل نے میزائل حملہ کیا‘امریکی میڈیا کا دعوی
-
پاکستان کی معیشت 2047 تک تین ٹریلین ڈالرتک بڑھنے کی صلاحیت رکھتی ہے، سعودی سرمایہ کاروں کے لیے بینکاری اور سرمایہ کاری کے قابل منصوبے پیش کر یں گے، وزیرخزانہ محمداورنگزیب کی واشنگٹن میں ملاقاتوں ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.