میری کامیابی کے پیچھے ہزاروں لوگوں کی محنت کارفرما ہے‘ سلمان خان

جمعرات 10 ستمبر 2015 13:11

ممبئی(اُردو پوائنٹ اخبار تازہ ترین۔ 10 ستمبر۔2015ء) بالی ووڈ کے دبنگ خان کہتے ہیں کہ آج انہیں جو کامیابی ملی ہے درحقیقت یہ ان کی نہیں بلکہ ان سے منسلک ہزاروں لوگوں کی محنت کا نتیجہ ہے جو سامنے نہیں آتے ۔اپنے ایک انٹرویو میں سلمان خان کا کہنا تھا کہ وہ ایک فلمی ستارے کی حیثیت سے حاصل ہونے والی شہرت کو سنجیدگی سے نہیں لیتے، وہ ایک عام انسان کی طرح زندگی گزارتے ہیں، وہ 550 روپے کی ٹی شرٹ پہنتے ہیں، ان کے زیر استعمال کئی جینز 15 سال اور جوتے 20 سال پرانے ہیں۔

(جاری ہے)

سلمان خان نے کہا کہ انہوں نے اپنے فلمی کیرئیر کے دوران بے شمار ہدایت کاروں اور مصنفین کے ساتھ کام کیا اوران سے ہی انہوں نے فلموں کے انتخاب کا طریقہ سیکھا ، آج وہ جس مقام پر ہیں اس میں ان کا اپنا نہیں بلکہ ان کہانیوں اورکرداروں کا ہاتھ ہے جو انہوں نے ادا کئے اوراس میں ہزاروں لوگوں کی محنت پوشیدہ ہے، جن میں ان کے والد سلیم خان، ہدایت کار سورج برجاتیا، دیپک بہری جیسے لوگ شامل ہیں۔دبنگ خان کا کہنا تھا کہ وہ اس وقت تک اپنے اوپر ہونے والی تنقید کو سنجیدگی سے نہیں لیتے جب تک وہ ان کے کسی قریبی دوست یا ایسے شخص کی جانب سے نہ کی گئی ہو جو انہیں اچھی طرح جانتا ہو۔ لوگ ان پر تنقید کرسکتے ہیں لیکن بالآخر انہیں ایک دن احساس ہوگا کہ وہ غلط تھے-

Facebook Twitter Google + Share on Whatsapp

میری کامیابی کے پیچھے ہزاروں لوگوں کی محنت کارفرما ہے‘ سلمان خان

مزید فن و فنکار کی خبریں