حکومت نے ملک سے پولیو کا وائرس ختم کرنے کا عزم کر رکھا ہے ، محمد نواز شریف
مقصد کیلئے صوبوں کے تعاون سے چلائی جانیوالی مہم کامیاب رہی ہے ، کم از کم وقت میں یہ کام مکمل کر لیں گے، وزیراعظم
جمعرات 10 ستمبر 2015 20:52
اسلام آباد(اُردو پوائنٹ اخبار تازہ ترین۔ 10 ستمبر۔2015ء) وزیراعظم محمد نواز شریف نے کہا ہے کہ حکومت نے ملک سے پولیو کا وائرس ختم کرنے کا عزم کر رکھا ہے اس مقصد کیلئے صوبوں کے تعاون سے چلائی جانیوالی مہم کامیاب رہی ہے اور ہم کم از کم وقت میں یہ کام مکمل کر لیں گے ۔ اس مقصد کیلئے تمام تر سیاسی اور مالی امداد میں کوئی کسر نہیں چھوڑیں گے ۔ وہ جمعرات کو یہاں وزیراعظم ہاؤس میں پولیو کے خاتمے کے بارے میں قائم کی گئی قومی ٹاسک فورس کے اجلاس کی صدارت کر رہے تھے ۔
اجلاس میں چاروں صوبوں کے وزرائے اعلیٰ وزیراعظم آزاد کشمیر وزیراعلیٰ گلگت بلتستان اور ٹاسک فورس کی فوکل پرسن سمیت اعلیٰ حکام نے شرکت کی ۔ وزیراعظم نے کہا کہ پولیو کے خاتمے کی مہم میں اہم کامیابی حاصل ہوئی ہے اس ضمن میں قومی ٹاسک فورس کے اقدامات کے اچھے نتائج نکلے ہیں ۔(جاری ہے)
انہوں نے پولیو کیخلاف بین الاقوامی شراکت داروں کے تعاون کو بھی سراہا اس موقع پر وزرائے اعلیٰ نے اپنے اپنے صوبوں میں پولیو کے خاتمے کیلئے جاری مہم کو کامیاب بنانے کیلئے کئے گئے اقدامات سے آگاہ کیا ۔
ٹاسک فورس کی فوکل پرسن سینیٹر عائشہ رضا فاروق نے بتایا کہ 2014 ء کے مقابلے میں 2015 ء میں پولیو کے کیسوں کی تعداد 82 فیصد کم ہوئی ہے بہتر پروگرام اور اعلیٰ معیار کی ویکسین کے استعمال سے پنجاب اور سندھ میں دسمبر 2014 ء کے بعد سے کوئی کیس سامنے نہیں آیا۔ اجلاس میں بتایا گیا کہ خیبر پختونخوا کے جنوبی علاقوں میں مسائل درپیش ہیں تاہم اب صورتحال بہتر ہو رہی ہے ۔ اجلاس کو بتایا گیا کہ 2014 ء اور 2015 ء کے چھ ماہ میں 28 کروڑ 20 لاکھ بچوں کو ویکسین دینے کا پروگرام بنایا گیا جبکہ 26 کروڑ 70 لاکھ کا ہدف حاصل کر لیا گیا۔متعلقہ عنوان :
مزید اہم خبریں
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.