وزیر مملکت پانی وبجلی عابد شیرعلی نے ناقص کارکردگی پر ایگزیکٹو انجنئیر سمندری ڈویژن محمد امجد کومعطل کردیا
اتوار 13 ستمبر 2015 17:12
فیصل آباد (اُردو پوائنٹ اخبار تازہ ترین۔ 13 ستمبر۔2015ء) وفاقی وزیر مملکت برائے پانی وبجلی عابد شیرعلی کی ہدایت پر چیف ایگزیکٹو فیسکو رشید احمد اسلم نے ناقص کارکردگی پر ایگزیکٹو انجنئیر سمندری ڈویژن محمد امجد کومعطل کردیا ۔اور فیلڈ افسران کو کہا ہے کہ وہ ریکوری اور لائن لاسز کے اہداف کو ہرصورت پورا کریں ۔بصورت دیگر ان کے خلاف سخت تادیبی کارروائی عمل میں لائی جائے گی ۔
وہ فیسکو ہیڈکوارٹرز میں منعقدہ چاروں سرکلز کے جائزہ اجلاس میں افسران سے خطاب کررہے تھے ۔انھوں نے ملازمین پر زور دیا کہ وہ خلوص نیت سے صارفین کی خدمت کو اپنا شعار بنائیں کیونکہ صارفین کا اطمینان ہی ادارے کی ترقی کا عکاس ہوتا ہے ۔ صارفین کو بے جا تنگ کرنے والے عناصر کو ہرگز برداشت نہیں کیا جائے گا۔(جاری ہے)
صارفین کے مسائل کا فوری اور یقینی حل ان کی اولین ترجیح ہونی چاہئے۔
اگر صارفین مطمئن ہوں گے تو کمپنی کو ترقی کی منازل طے کرنے سے کوئی نہیں روک سکتا۔ چیف ایگزیکٹو نے بجلی چوری کی بیخ کنی کیلئے ٹاس فورسز کو مزید متحرک کرنے پر زور دیا اور کہا کہ کسی بھی رعایت کے بغیر بلاامتیاز بجلی چوری میں ملوث عناصر کے خلاف سخت کارروائی عمل میں لائی جائے۔ بجلی چوری جیسے قومی جرم کے خلاف ٹیموں کو مزید فعال کریں ۔ بجلی چوروں کو پکڑ یں اور بے نقاب کریں ۔ انھوں نے کہاکہ ڈیڈ ڈیفالٹر زسے ریکوری کو مزید بہتر کیا جائے اوربل کی ادائیگی نہ کرنے والے صارفین کے کنکشن کو فوری طورپرمنقطع کر دیا جائے۔سرکاری اورپرائیویٹ نادہندہ اداروں کے کنکشن کاٹیں اور میڈیا میں اس کی تشہیر بھی کریں۔ انہوں نے حادثات کی شرح کوکم کرنے کیلئے سیفٹی کومزید بہتر بنانے پرزوردیا اور ٹی اینڈ پی (T&P)کے استعمال کویقینی بنانے کے احکامات بھی دئیے۔قبل ازیں چاروں سرکلز کے سپرنٹنڈنگ انجنئیرزنے چیف ایگزیکٹو کو اپنے اپنے سرکل کی کارکردگی کے متعلق تفصیلی بریفنگ دی ۔اجلاس میں چاروں سرکلز کے ایگزیکٹو انجنئیرز،ڈی سی ایم اور ایس ڈی اوزنے شرکت کی ۔متعلقہ عنوان :
مزید قومی خبریں
-
معروف عالم دین ڈاکٹر اسرار احمد کا یوم پیدائش 26 اپریل کو منا یاجائے گا
-
دریائوں اور آبی ذخیروں میں پانی کی صورتحال
-
وزیراعلٰی بلوچستان کاصوبے میں اپنی نوعیت کی پہلی پیپلز ائیر ایمبولینس سروس شروع کرنے کا اعلان
-
وزیراعلی نے حالیہ سیلاب متاثرین کیلئے بھروقت اقدامات کرکے اپنی مخلصی اور عوام دوستی کا واضع ثبوت دے دیا،صادق سنجرانی
-
نوازشریف 5 روزہ نجی دورے پر چین روانہ ہو گئے
-
وزیراعلیٰ مریم نوازنے پاکستان کے پہلے ورچوئل ویمن پولیس اسٹیشن ’’میری آواز،مریم نواز‘‘کا افتتاح کردیا
-
ورکرزکنونشن، جلسے کروں گا، مطالبات رکھوں گا، دیکھتا ہوں کون روکتا ہے، علی امین گنڈاپور
-
بجلی کے 200 یونٹ سے کم استعمال کرنے والے صارفین کو بھی پھر زائد نرخ اداکرنا پڑھ رہے ہیں
-
پاکستان سمیت دنیا بھر میں کتب کا عالمی دن 23اپریل بروز منگل منایا جائے گا
-
چیئرمین سینیٹ سید یوسف رضا گیلانی نے پارلیمنٹ کے سبزہ زار میں پودا لگایا
-
رونا پارٹی ملک میں انتشار پھیلانا جانتی ہے : عظمیٰ بخاری
-
دینی طلبہ کابنیادی مقصد رضائے الٰہی کاحصول ہونا چاہی:ڈاکٹرراغب نعیمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.