اسلام آباد ہائی کورٹ نے گوانتاناموبے میں پاکستانی قیدیوں کو واپس لانے کیلئے بنائی گئی کمیٹی کی کارکردگی کی رپورٹ سٹینڈنگ قونصل سیطلب کرلی ہے
اگلے ہفتے وزارت داخلہ سے معلوم کرکے بتائیں گے کمیٹی کیا کام کررہی ہے؛عدالتِ عالیہ
پیر 14 ستمبر 2015 16:47
اسلام آباد(اُردو پوائنٹ اخبار تازہ ترین۔ 14 ستمبر۔2015ء) اسلام آباد ہائی کورٹ نے گوانتاناموبے میں پاکستانی قیدیوں کو واپس لانے کیلئے بنائی گئی کمیٹی کی کارکردگی کے حوالے سے سٹینڈنگ قونصل سے آئندہ ہفتے رپورٹ طلب کرلی ہے ۔عدالت نے کہا ہے کہ اگلے ہفتے وزارت داخلہ سے معلوم کرکے بتائیں گے کمیٹی کیا کام کررہی ہے ۔ہائی کورٹ کے دو رکنی بینچ نے جسٹس نور الحق قریشی کی سربراہی میں کیس کی سماعت کی ۔
درخواست گزار مرزا شہزاد ایڈووکیٹ نے درخواست دائر کی تھی کہ پاکستانی باشندے غلام احمد ربانی گوانتاناموبے میں دو ہزار چار سے قید ہیں ان کی رہائی نہیں ہوسکی ہے ۔(جاری ہے)
درخواست گزار سے عدالت نے پوچھا کہ آپ کا مطلوبہ آدمی گیارہ سال سے لاپتہ ہے آپ کو اب خیال آیا جس پر وکیل نے بتایا کہ پانچ سال تک ہمیں معلوم نہیں ہوسکا کہ ہمارا آدمی کہا ہے لیکن امریکن سینٹ نے ایک رپورٹ پیش کی جس سے معلوم ہوا کہ غلام احمد ربانی گوانتاناموبے میں قید ہیں ہم سے چار سال تاخیر ہوئی لاہور ہائی کورٹ کے فیصلے کے مطابق ہم نے مذکورہ شخص کی رہائی کیلئے حکومت اور وزارت داخلہ سے درخواست کی کہ اسے آزاد کروایا جائے لیکن ابھی تک کوئی کارکردگی سامنے نہیں آرہی ہے وکیل نے کہا کہ پاکستانی قیدیوں کو گوانتاناموبے بھیجنے کے لئے حکومت پاکستان کا ہاتھ ہے اس پر عدالت نے پوچھا کہ آپ ملک کی سکیورٹی ایجنسی پر کیوں الزام لگا رہے ہیں تو وکیل نے جواب دیا کہ امریکی سینٹ رپورٹ میں پاکستانی حکام کا نام درج ہے جس کا واضح مطلب خفیہ ایجنسی آئی ایس آئی سے ہے اس پر عدالت نے مقدمے کی سماعت کو اگلے ہفتے تک ملتوی کرتے ہوئے سٹیڈنگ قونصل خواجہ امتیاز کو ہدایت کی ہے کہ وہ وزارت داخلہ سے پوچھ کر بتائیں کہ گوانتاناموبے میں پاکستانی قیدیوں سے متعلق بنائی گئی کمیٹی کام کررہی ہے یا نہیں ۔
متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.