پیپلز پارٹی کی قیادت نے ڈاکٹر ذوالفقار مرزا اور ان کی اہلیہ فہمیدہ مرزا کی مخالفت کو توڑ نکال لیا
منگل 15 ستمبر 2015 11:39
بدین (اُردو پوائنٹ اخبار تازہ ترین۔ 15 ستمبر۔2015ء)پاکستان پیپلز پارٹی کی قیادت نے ڈاکٹر ذوالفقار مرزا اور ان کی اہلیہ فہمیدہ مرزا کی مخالفت کو توڑ نکال لیا ہے اور بدین سے سابق رکن پارلیمان پپو شاہ اور یاسمین شاہ نے پیپلز پارٹی میں شمولیت اختیار کرلی ہے۔پاکستان پیپلز پارٹی کے برسر اقتدار آنے اور ڈاکٹر ذوالفقار مرزا کے وزرات داخلہ کا قلمدان سنبھالنے کے بعد مسلم لیگی رہنما اور سابق صوبائی وزیر پپو شاہ نے خود ساختہ جلاوطنی اختیار کرلی تھی۔
وزیر اعلیٰ ہاوٴس میں سید قائم علی شاہ اور سابق صدر آصف علی زرداری کی ہمشیرہ فریال ٹالپر کی موجودگی میں علی بخش شاہ عرف پپو شاہ اور ان کی اہلیہ یاسمین شاہ نے پاکستان پیپلز پارٹی میں شمولیت کا اعلان کیا۔وزیر اعلیٰ سید قائم علی شاہ نے پپو شاہ کو اپنا بھتیجا قرار دیا اور کہا کہ پپو شاہ کے ساتھ ان کے اچھے تعلقات رہے ہیں اور ان کی شمولیت سے یہ ثابت ہوتا ہے کہ آج بھی اچھی اور معروف شخصیات پیپلز پارٹی میں شمولیت اختیار کر رہی ہیں۔(جاری ہے)
ایک ساتھی کی گرفتاری پر انھوں نے بدین میں پولیس تھانے کے عملے سے مبینہ طور پر بدتمیزی کی جس کے بعد ان کی گرفتاری کے لیے کئی روز مرزا فارم ہاوٴس کا پولیس نے گھیراوٴ جاری رکھا تھا۔
پپو شاہ اور یاسمین شاہ کی شمولیت کے موقعے پر فریال ٹالپر نے واضح کیا کہ وہ وزیر ہیں اور نہ ہی ان کے پاس کوئی سرکاری ذمہ داری ہے صرف وہ سیاسی معاملات دیکھتی ہیں انتظامی اشوز سے ان کا کوئی تعلق نہیں۔علی بخش شاہ عرف پپو شاہ 1985 کے غیر جماعتی انتخابات سے لیکر نو بار قومی و صوبائی اسمبلی کے انتخابات لڑ چکے ہیں، جس میں انھیں صرف دو بار صوبائی نشست پر کامیابی حاصل ہوئی ہے۔ اس سے پہلے وہ مسلم لیگ ق، مسلم لیگ فنکشنل، مسلم لیگ ن اور مسلم لیگ جونیجو میں رہ چکے ہیں۔عام اور ضمنی انتخابات میں پپو شاہ، ڈاکٹر ذوالفقار مرزا اور ان کے فرزند حسنین شاہ جبکہ ان کی اہلیہ یاسمین شاہ فہمیدہ مرزا سے شکست کھاچکی ہیں۔ یاسمین شاہ کو 2002 میں مسلم لیگ ق کے ٹکٹ پر سینیٹر منتخب کیا گیا تھا۔پپو شاہ کا کہنا ہے کہ ڈاکٹر ذوالفقار مرزا بھی انسان ہے جن نہیں۔ صحافی مرزا مرزا کہتے نہیں تھکتے ، انھوں نے مشورہ دیا کہ ماضی کو نہ دیکھیں مستقبل پر نظر رکھیں۔بدین ضلع دو قومی اور پانچ صوبائی اسمبلی کی نشستوں پر مشتمل ہے، جبکہ مقامی حکومتوں میں ایل ضلع اور پانچ تحصیل کاوٴنسل موجود ہیں، آنے والے بلدیاتی انتخابات کے لیے بھی مقامی طور پر جوڑ توڑ جاری تھی۔مبصرین کا کہنا ہے کہ پپو شاہ اور یاسمین شاہ کی شمولیت سے پاکستان پیپلز پارٹی نے اپنی پوزیشن ضلعی سیاست میں مستحکم کی ہے کیونکہ پپو شاہ کا اپنا اثر رسوخ اور ووٹ بینک موجود ہے۔ بدین کی سیاست میں سابق وزیر اعلیٰ ارباب غلام رحیم اور مسلم لیگ فنکشنل بھی اثر رسوخ رکھتی ہے، ڈاکٹر مرزا کے لیے ارباب غلام رحیم کے ساتھ اتحاد ناممکن تو نہیں دشوار ضرور ہے جبکہ مسلم لیگ نے ابھی تک ڈاکٹر مرزا کے لیے اپنے دروازے بند رکھے ہیں۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.