وزیراعظم نے امدادی پیکیج کا اعلان کر کے کسانوں کو ٹرخایا ،اس سے کسانوں کی بجائے جاگیرداروں کو فائدہ ہو گا، ملک میں سیاست اور جمہوریت مصنوعی آکسیجن پر زندہ ہیں، یہ تجارت کا روپ دھار چکی ہیں، ہر ادارے سے کرپشن کی بو آ رہی ہے، ملک بھر میں کرپشن کے خلاف بلاتفریق آپریشن کیا جائے ، مغرب کی جمہوریت منافقت پر مبنی ہے
جماعت اسلامی کے امیر سینیٹر سراج الحق کی پارلیمنٹ ہاؤس کے باہر میڈیا سے گفتگو
منگل 15 ستمبر 2015 20:42
اسلام آباد (اُردو پوائنٹ اخبار تازہ ترین۔ 15 ستمبر۔2015ء) جماعت اسلامی پاکستان کے امیر سینیٹر سراج الحق نے کہا ہے کہ وزیراعظم نواز شریف نے کسانوں کیلئے پیکج کا اعلان کر کے انہیں ٹرخایا ہے،کسان پیکج غریب کسانوں کے مطالبات سے ہٹ کر ہے،جس سے بڑے جاگیرداروں کو فائدہ ہو گا جبکہ غریب کسان کو کچھ نہیں ملے گا، دنیا بھر میں جمہوریت کا دن منایا جا رہا ہے مگر ہمارے ملک میں سیاست اور جمہوریت ابھی بھی مستحکم نہیں اور دونوں مصنوعی آکسیجن پر زندہ ہیں، پاکستان میں جمہوریت اور سیاست تجارت بن گئی ہوئی ہے،ملک کے ہر ادارے سے کرپشن کی بو آ رہی ہے، پورے ملک میں کرپشن کے خلاف سیاست سے بالاتر ہو کر بلاتفریق آپریشن کیا جائے۔
وہ منگل کو پارلیمنٹ میں میڈیا سے گفتگو کر رہے تھے۔(جاری ہے)
انہوں نے کہا کہ وزیراعظم نواز شریف شریف نے کسانوں کیلئے پیکج کا اعلان کر کے انہیں ٹرخایا ہے، اعلان کردہ کسان پیکج سے بڑے جاگیرداروں کو فائدہ ہو گا جبکہ غریب کسان کو کچھ نہیں ملے گا، حکومت کو زرعی مصنوعات پر سیلز ٹیکس ختم کرنا چاہیے تھا اور کاشت کار کو سستی بجلی فراہم کرنی چاہیے تھی۔
انہوں نے کہا کہ وزیراعظم نواز شریف نے جو کسان پیکج کااعلان کیا ہے وہ کسانوں کے مطالبات سے بالکل ہٹ کرہے حکومت کو کسانوں کی تنظیموں سے مشاورت کرنی چاہیے تھی۔ سراج الحق نے کہا کہ کرپشن کسی صوبے یا شہر کا مسئلہ نہیں بلکہ پورے ملک کا مسئلہ ہے جو کینسر سے زیادہ خطرناک ہے، پورے ملک میں کرپشن کے خلاف سیاست سے بالاتر ہو کر بلاتفریق آپریشن کیا جائے۔ انہوں نے کہا کہ سیاسی جماعتوں کو چاہیے کہ وہ اپنے اندر موجود کرپٹ جرائم پیشہ عناصر کو اپنی پارٹی سے الگ کریں۔ سراج الحق نے کہا کہ آج دنیا بھر میں جمہوریت کا دن منایا جا رہا ہے مگر ہمارے ملک میں سیاست اور جمہوریت ابھی بھی مستحکم نہیں اور دونوں مصنوعی آکسیجن پر زندہ ہیں، پاکستان میں جمہوریت اور سیاست تجارت بن گئی ہوئی ہے اور نہ ہی کوئی سیاسی جماعت غریب کوٹکٹ دیتی ہے، بلکہ سیاست جاگیرداروں کا کھیل اور 18کروڑ عوام تماشائی بنی ہوئی ہے۔ انہوں نے کہا کہ جمہوریت کیلئے صاف شفاف الیکشن ہونا چاہیے اور اس کیلئے ہمیں الیکشن کمیشن کا از سر نو جائزہ لینا ہو گا۔ انہوں نے کہا کہ آج ہمارے ملک کے ہر ادارے سے کرپشن کی بو آ رہی ہے، نندی پور پاور پراجیکٹ پر تحقیقات ہونی چاہیے اور حقائق عوام کے سامنے پیش کئے جائیں۔ سراج الحق نے کہا کہ مغرب سمیت دنیا بھر میں جمہوریت ڈے منایا جا رہا ہے مگر حقیقت میں مغرب کی جمہوریت منافقت پر مبنی ہےمزید اہم خبریں
-
وزیر صحت خواجہ سلمان رفیق کی زیر صدارت فاطمہ جناح میڈیکل یونیورسٹی کا 36 واں سینڈیکیٹ اجلاس
-
چین کے لیے جاسوسی کا الزام، یورپی پارلیمنٹ میں جرمن عملے کا رکن گرفتار
-
صدر مملکت آصف علی زرداری سے پاکستان نیشنل ہارٹ ایسوسی ایشن (پناہ) کے وفد کی ملاقات
-
قوموں کی برادری میں نمایاں مقام حاصل کرنے کے لئے علم اور ہنر،سائنس اور ٹیکنالوجی پر خصوصی توجہ دینا وقت کی اہم ضرورت ہے،ایران کے صدر ابراہیم رئیسی کا جی سی یو میں خطاب
-
مارچ کے مہینے میں ملک میں غیر ملکی سرمایہ کاری 25 کروڑ 80 لاکھ ڈالر تک پہنچ گئی
-
بانی پی ٹی آئی اس ماہ کے آخر تک جیل سے باہر آجائیں گے،اسد قیصر
-
یونیسیف کے نمائندے کی وزیر تعلیم سے ملاقات ،تعلیمی شعبے میں یونیسیف کی خدمات کا اعتراف
-
صدرمملکت سے ایئر ایشیا ایوی ایشن گروپ کے وفد کی ملاقات ، مختلف امورپر غور
-
سعودی عرب جلد پاکستان میں 5 ارب ڈالر کی سرمایہ کاری کریگا ،احسن اقبال
-
سوئی سدرن گیس کے ہزاروں ملازمین کو ریگولرائز کرنے سے متعلق درخواستیں مسترد
-
اڈیالہ جیل والے صاحب کے دور میں پاکستان تنہائی کا شکار تھا، اب وہ معاملہ ختم ہو چکا، خارجہ پالیسی کے خلاف باتیں کرنے والے ماضی کا قصہ بن چکے ہیں، وفاقی وزیر اطلاعات عطاءاللہ تارڑ کی پریس کانفرنس
-
دیگر ممالک کے ساتھ فضائی روابط کو فروغ دینے کی ضرورت ہے، عوامی روابط بڑھا کر سیاحتی شعبے کی صلاحیت سے بھرپور استفادہ کیا جا سکتا ہے، صدر آصف علی زرداری کی وفد سے گفتگو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.