دورہ بنگلہ دیش کے لیے آسٹریلین کپتان سٹیو سمتھ کا روایتی جارحیت ترک کرنے پر غور
سڈنی (اردو پوائنٹ تازہ ترین اخبار19ستمبر ۔2015ء ) آسٹریلین کرکٹ ٹیم کے دورہ بنگلہ دیش کے دوران کپتان سٹیو سمتھ نے کینگروز کی روایتی جارحانہ حکمت عملی ترک کرکے دفاعی انداز اختیار کرنے امکان ظاہر کیا ہے ۔ کینگروز حال ہی میں انگلینڈ کےخلاف ایشز سیریز ہار چکے ہیں اور ان کا جنوبی ایشیا میں ریکارڈ زیادہ اچھا نہیں ہے ۔ آسٹریلیا نے اس خطے میں گذشتہ 15 میں سے صرف ایک ٹیسٹ اپنے نام کیا ہے جب کہ انہیں 2010ء اور 2013ء میں بھارت نے اور گذشتہ برس پاکستان نے امارت میں کلین سوئپ کی ہزیمت سے دوچار کیا تھا۔
بنگلہ دیشی ٹیم تیزی سے بہتری کی جانب گامزن ہے اور اس نے پاکستان، جنوبی افریقا اور بھارت کو ون ڈے سیریز میں شکست دے کر نئے دور کا اشارہ دیا ہے۔ اس ریکارڈ کے پیش نظر آسٹریلین ٹیم کے کپتان سٹیو سمتھ نے ٹائیگرز کے خلاف جارحانہ انداز ترک کرنے کا عندیہ دیا ہے۔(جاری ہے)
ان کا کہنا ہے کہ ہم آسٹریلیا میں کسی بھی ٹیم کے خلاف جارحیت کا مظاہرہ کرکے اسے آئوٹ کرسکتے ہیں لیکن برصغیر میں ایسا ممکن نہیں ، وہ سمجھتے ہیں کہ بنگلہ دیش میں ہمیں وکٹیں لینے کیلیے بیٹسمینوں کو وکٹ پر کھڑے کھڑے ’’بور‘‘ کرنا ہوگا اور وہ انہیں اکتا کر ہی آئوٹ کرسکتے ہیں۔
بولنگ کی ابتدا میں دفاعی فیلڈنگ زیادہ فائدہ مند ثابت ہوسکتی ہے ، گیند پرانی ہونے پر جب وہ سپن اور ریورس سوئنگ شروع کرے تو ہم انداز تبدیل کرسکتے ہیں ۔ خیال رہے کہ دونوں ممالک کے درمیان پہلا ٹیسٹ 9 سے 13 اکتوبر تک چٹاگانگ اور دوسرا 17 سے 21 اکتوبر تک ڈھاکا میں کھیلا جائے گا ۔مزید کھیلوں کی خبریں
-
پاکستان نیوزی لینڈ کی کمزور ٹیم کیخلاف بھی سیریز نہ جیت سکا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
بسمہ معروف کا کرکٹ سے فوری ریٹائرمنٹ کا اعلان
-
پاکستان باولر کا اچھا کم بیک، کیوی بلے باز تگڑا ہدف دینے میں ناکام ہو گئے
-
سیریز جیتنے کا آخری موقع، کیویز کیخلاف چوتھے میچ کیلئے قومی ٹیم میں 5 تبدیلیاں کر دی گئیں
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
سابق زمبابوین کرکٹر گائے وٹل چیتے کے حملے میں زخمی ہوگئے
-
آفریدیوں کو سمجھانا بہت مشکل کام ، شاہین کو اسی لیے نہیں سمجھا پاتا کہ وہ بھی آفریدی ہے : شاہد آفریدی
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
