جام صادق پُل پر ہیوی ٹریفک کی آمد و رفت ممنوع قرار دی جائے، زاہد سعید
کورنگی صنعتی علاقے کے لیے آنے والی ہیوی ٹریفک کو متبادل روٹس فراہم کیے جائیں، صدر کاٹی
منگل 6 اکتوبر 2015 18:05
کراچی(اُردو پوائنٹ اخبار تازہ ترین۔ 06 اکتوبر۔2015ء) کورنگی ایسوسی ایشن آف ٹریڈ اینڈ انڈسٹری(کاٹی) کے صدر زاہد سعید نے مطالبہ کیا ہے کہ جام صادق پُل پر ہیوی ٹریفک کی آمد و رفت ممنوع قرار دی جائے۔ انہوں نے کہا کہ جام صادق پل پر ہونے والے تعمیر نو اور مرمت کے کام کی وجہ سے شہریوں کو پہلے ہی شدید دشواری اور کوفت کا سامنا کرنا پڑا ہے، پہلے بھی یہ پُل ہیوی ٹریفک کی آمد و رفت کے باعث خستہ حالی کا شکار ہوا تھا اب طویل انتظار کے بعد جب اس کی مرمت تکمیلی مراحل میں ہے اگر اسے دوبارہ بھاری گاڑیوں کے لیے کھول دیا گیا تو خدشہ ہے جلد اس کی حالت دوبارہ پہلے جیسی ہی ہوجائے گی۔
انھوں نے کہا کہ کورنگی صنعتی علاقے کے لیے آنے والی ہیوی ٹریفک کو متبادل روٹس فراہم کیے جائیں اور جام صادق پُل کی مرمت کے بعد کورنگی صنعتی علاقے کو شہر سے ملانے والے دیگر راستوں کی دیکھ بھال پر بھی خصوصی توجہ دی جائے۔(جاری ہے)
زاہد سعید نے کہا کہ صنعتوں کے فروغ کے لیے انفرااسٹرکچر میں بہتری اولین شرط ہے، اور انفرااسٹرکچر میں سڑکوں اور ذرائع رسل و رسائل کو بنیادی اہمیت حاصل ہے انھوں نے مطالبہ کیا کہ کورنگی انڈسٹریل ایریا سمیت شہر کے تمام صنعتی علاقوں کو درپیش انفرااسٹرکچر کے مسائل ترجیحی بنیادوں پر حل کیے جائیں کاٹی کے صدر زاہد سعید کا مزید کہنا تھا کہ شہر میں ٹریفک کی روانی کو برقرار رکھنے اور بد انتظامی کے تدارک کے لیے شہر میں ہیوی ٹریفک کی آمد و رفت کے لیے مقررہ اوقات پر سختی سے عمل درآمد کروایا جائے۔
متعلقہ عنوان :
مزید اہم خبریں
-
رشوت خوری کا الزام، روس کے نائب وزیر دفاع گرفتار
-
وزیراعظم شہا ز شریف کی مزار قائد پر حاضری، پھول چڑھائے اور فاتحہ خوانی کی
-
ایران کے صدرڈاکٹرابراہیم رئیسی دورہ پاکستان مکمل کرکے واپس روانہ
-
وزیراعظم کا کراچی کے لیے 150 بسیں دینے کا اعلان
-
معاشی استحکام کے لیے وفاق اور صوبوں کو مل کر کام کرنا ہوگا،وزیراعظم
-
وزیراعظم کی وزیراعلی سندھ کو صوبے کے مالی مسائل حل کرنے کی یقین دہانی
-
ہیلری کلنٹن کیساتھ کام کرنے پر ملالہ یوسف زئی کو تنقید کا سامنا
-
190 ملین پاؤنڈز کیس: عمران خان کی درخواست ضمانت پر سماعت 29 اپریل تک ملتوی
-
پاکستان الیکٹرک گاڑیوں ں تیاری میں اپنی صلاحیتوں کو بڑھانے کے لیے بین الاقوامی کمپنیوں کے ساتھ تعاون کوفروغ دے رہا ہے، رپورٹ
-
پاکستان اور ایران کا آزاد تجارتی معاہدے کو جلد حتمی شکل دینے، دوطرفہ تجارت پانچ سال میں 10 ارب ڈالر تک بڑھانے پر اتفاق ، ایران کے صدر ڈاکٹر سیّد ابراہیم رئیسی کے دورے کے اختتام پر مشترکہ بیان جاری
-
تاجروں کا معاشی استحکام کیلئے وزیراعظم کو عمران خان سے بات چیت کا مشورہ
-
غزہ کے لیے امداد، عارضی امریکی بندرگاہ کی تعمیر کا آغاز بہت جلد
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.