بالی ووڈ اداکارہ ریکھا 61برس کی ہوگئیں،فلمی کیریئر کا آغاز 1966 سے چائلڈ سٹار کی حیثیت سے فلم ’رنگولارتنم‘ سے کیا

ہفتہ 10 اکتوبر 2015 12:44

ممبئی (اُردو پوائنٹ اخبار تازہ ترین۔ 10 اکتوبر۔2015ء) ماضی کی مقبول بالی ووڈ اداکارہ ریکھا 61برس کی ہوگئیں۔ 10اکتوبر 1954کو بھارتی ریاست تامل ناڈوکے شہر چنائے میں پیدا ہونیوالی بھانو ریکھا گنیسان نے اپنے فلمی کیرئیر کا آغاز1966میں چائلڈ اسٹار کی حیثیت سے فلم ’رنگولا رتنم‘ سے کیا۔بطور ہیروئن ریکھا کی پہلی فلم 1969میں کناڈا فلم انڈسٹری کیGoa dalli CID 999تھی جبکہ بالی وڈ فلم انڈسٹری میں ’ساون بھادوں‘ رہی۔

(جاری ہے)

پچھلے40سالوں سے بالی ووڈ فلم نگری میں اپنی اداکارانہ صلاحیتوں کے جوہر دکھانے والی ریکھااب تک180سے زائد فلموں میں کئی لازوال کردار نبھا چکی ہیں۔بالی ووڈ فلم نگری کیلئے بے مثال خدمات انجام دینے والی ریکھا نے امراؤ جان،خون بھری مانگ،کھلاڑیوں کا کھلاڑی،گھر،مقدر کا سکندر،جدائی،جیون دھارا،سلسلہ،مجھے انصاف چاہیے،پھول بنے انگارے، لجا اور دیگر کئی فلموں میں بہترین کارکردگی کا مظاہرہ کیا۔انہوں نے لائف ٹائم اچیومنٹ ایوارڈ سمیت لاتعداد ایوارڈزحاصل کئے۔2010ء میں ریکھا کو بھارت کے چوتھے بڑے سویلین اعزاز پدما شری سے بھی نوازا جاچکا ہے۔

Facebook Twitter Google + Share on Whatsapp

بالی ووڈ اداکارہ ریکھا 61برس کی ہوگئیں،فلمی کیریئر کا آغاز 1966 سے چائلڈ سٹار کی حیثیت سے فلم ’رنگولارتنم‘ سے کیا

مزید فن و فنکار کی خبریں