ساس کا انتقال ،قومی ٹیم کو دوسرے ٹیسٹ میں بھی اظہر علی کی خدمات حاصل نہ ہونگی

پیر 19 اکتوبر 2015 16:57

دبئی(اُردو پوائنٹ اخبار تازہ ترین۔ 19 اکتوبر۔2015ء) پاکستان کو انگلینڈ کے خلاف دوسرے ٹیسٹ میچ سے قبل دھچکا لگا ہے جہاں قومی ٹیم کے نائب کپتان اور اہم بلے باز اظہر علی دبئی ٹیسٹ کیلئے ٹیم کو دستیاب نہیں ہوں گے۔اظہر علی کی ساس کا انتقال ہو گیا ہے اور اسی وجہ سے وطن واپس آرہے ہیں اور ممکنہ طور پر دوسرا ٹیسٹ میچ نہیں کھیل سکیں گے۔

(جاری ہے)

30 سالہ بلے باز پیر میں انفیکشن کے سبب ابوظہبی میں ہونے والے پہلے ٹیسٹ میچ میں بھی شرکت نہیں کر سکے تھے جو ڈرا پر منتج ہوا تھا۔

ٹیم منیجر انتخاب عالم نے کہا کہ اظہر وطن لوٹ جائیں گے اور ابھی تک یہ بات واضح نہیں کہ وہ دوسرے ٹیسٹ کے آغازسے قبل ٹیم کو جوائن کر سکیں گے یا نہیں۔نائب کپتان پیر کی انجری سے صحتیاب ہو گئے تھے اور انہوں نے جمعہ اور ہفتے کو ٹریننگ کی تھی۔تاہم قومی ٹیم کیلئے اچھی خبر یہ ہے کہ کمر کی انجری کے سبب پہلے ٹیسٹ سے باہر ہونے والے لیگ اسپنر اسپنر یاسر شاہ دوسرے ٹیسٹ کیلئے دستیاب ہوں گے۔

Facebook Twitter Google + Share on Whatsapp

ساس کا انتقال ،قومی ٹیم کو دوسرے ٹیسٹ میں بھی اظہر علی کی خدمات حاصل نہ ہونگی

مزید کھیلوں کی خبریں