دسمبر میں باہمی سیریزکے لئے رابطہ سے قبل ہی بنگلہ دیش نے لال جھنڈی دکھا دی
منگل 3 نومبر 2015 12:43
ڈھاکا(اُردو پوائنٹ اخبارتازہ ترین - این این آئی۔3 نومبر۔2015ء) بنگلہ دیش نے پاکستان کرکٹ بورڈ کی جانب سے دسمبر میں باہمی سیریز کے لئے باضابطہ رابطہ سے قبل ہی لال جھنڈی دکھا دی ہے اور بی سی بی کے صدر نظم الحسن نے کہا ہے کہ ہمارے لیے اگلے چند ماہ کافی مصروف ہیں، اضافی میچز سے کھلاڑیوں کو فٹنس مسائل سے دوچار کرنے کا خطرہ مول نہیں لے سکتے۔اطلاعات کے مطابق چیئرمین پی سی بی شہریار خان رواں برس کے آغاز سے ہی اس بات پر اصرار کررہے تھے کہ بھارتی بورڈ کی جانب سے سیریز سے انکار کی صورت میں انکے پاس پلان بی موجود ہے، مگر یہ بھی حقیقت سب کے سامنے تھی کہ دسمبر میں بنگلہ دیش اور زمبابوے کے سوا اور کوئی ٹیم فارغ ہی نہیں ہوگی۔
گذشتہ دنوں شہریارخان نے ایک بنگلہ دیشی چینل سے بات چیت میں عندیہ دیا کہ دسمبر میں ہم بی پی ایل کے بعد ٹائیگرز سے دبئی میں سیریز کھیل سکتے ہیں۔(جاری ہے)
ان کے آفیشل رابطہ کرنے سے قبل ہی بی سی بی کے صدر نظم الحسن کہتے ہیں کہ درحقیقت ہمارے پاس وقت بہت کم ہے، نومبر میں ہم زمبابوے سے سیریز کھیل رہے ہیں، اس کے بعد بی پی ایل ہوگی، پھر ہمارے کھلاڑیوں کو آرام کا مختصر وقت ملے گا اور زمبابوین ٹیم ٹیسٹ ٹور کیلیے دوبارہ پہنچ جائے گی۔
ایشیا کپ اور ورلڈ ٹوئنٹی 20 ایونٹ بھی ہونے ہیں۔ نطم الحسن نے کہا کہ مصروف ترین شیڈول کے درمیان ہمارے کھلاڑیوں کو تازہ دم ہونے کیلیے صرف15 دن ہی میسر آئیں گے، اس میں ہم اضافی میچز کھیل کر ان کے انجری کا شکارہونے کا خطرہ مول نہیں لے سکتے۔ واضح رہے کہ 22 نومبر سے شروع ہونے والی بی پی ایل 15 دسمبر کو ختم ہوگی جبکہ زمبابوین ٹیم ٹیسٹ ٹور پر جنوری کے شروع میں بنگلہ دیش کا رخ کرے گی۔ دوسری جانب بنگلہ دیشی بورڈ کے چیف ایگزیکٹیو نظام الدین چوہدری نے واضح کیا کہ پی سی بی کی جانب سے ٹور کے حوالے سے آفیشل طور پر ہم سے رابطہ نہیں کیا گیا۔مزید کھیلوں کی خبریں
-
افغان سپنر مجیب الرحمان انجری کے باعث آئی پی ایل سے باہر
-
کبھی کبھی سوچتا ہوں کیا آئی پی ایل کرکٹ بھی ہے؟، روی ایشون کی اشتہاری شوٹ کرنے والے کھلاڑیوں پر تنقید
-
کپتان کی ممکنہ تبدیلی، پی سی بی نے شاہین آفریدی کو اندھیرے میں رکھا
-
پی سی بی کا ریڈ اور وائٹ بال کرکٹ کیلئے الگ الگ کوچ مقرر کرنے کا فیصلہ
-
بابر اعظم کو ایک بار پھر قومی ٹی ٹونٹی ٹیم کی کپتانی سونپنے کا فیصلہ
-
پاکستان کے دورہ آئرلینڈ کے ٹی ٹونٹی میچز کے شیڈول کا اعلان
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی
-
بنگلہ دیش اور سری لنکا کی کرکٹ ٹیموں کے درمیان دوسرا اورآخری ٹیسٹ میچ 30 مارچ سے شروع ہوگا
-
پاکستان نیوزی لینڈ ٹی ٹوئنٹی سیریزکی ٹکٹوں کی فروخت جمعہ سے شروع ہوگی۔
-
ٹینس اسٹارعشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
پنجاب کنگزکی نمائندگی کرنے والے سابق انگلش کرکٹرروی بوپارا نے دلچسپ واقعہ شیئرکردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.