جان سٹیورٹ کا ایچ بی او کے ساتھ معاہدہ
جمعرات 5 نومبر 2015 13:45
نیویارک (اُردو پوائنٹ اخبارتازہ ترین - آن لائن۔5 نومبر۔2015ء) امریکہ کے مقبول ٹی وی پروگرام دی ڈیلی شو کے سابق میزبان جان سٹیورٹ نے معروف ٹیلی ویڑن نیٹ ورک ایچ بی او کے ساتھ ایک معاہدہ کیا ہے۔ اس معاہدہ کے تحت وہ نیٹ ورک کی انٹرنیٹ سروسز کے لیے مختلف موضوعات پر ویڈیوز تیار کریں گے۔ وہ ویڈیوز ایچ بی او نیٹ ورک کی سٹریمنگ سروسز ایپس، ایچ بی او ناوٴ اور ایچ بی او گو اور دیگر پلیٹ فارمز سے نشر کی جائے گیں۔
چار سالہ معاہدے میں مزید روایتی ٹیلی ویڑن منصوبوں کے امکانات بھی شامل ہیں۔ سٹیورٹ نے رواں سال اگست میں ہر رات پیش کیے جانے والے طنز ومزاح پر مبنی نیوز شو کی میزبانی سے دستبرداری کا اعلان کیا تھا۔ ایک بیان میں ایچ بی او نے کہا کہ ’سٹیورٹ حالیہ واقعات کو اپنے منفرد نقطہ نظر سے دیکھیں گے۔(جاری ہے)
‘ ایچ بی او نے اپنے اس منصوبے کے آغاز کی تاریخ کا اعلان نہیں کیا ہے لیکن نیٹ ورک کے حکام نے غیر ملکی خبر رساں ادارے کو بتایا ہے کہ منصوبے کو اگلے سال شروع ہونا چاہیے۔
نیٹ ورک کے مطابق سٹیورٹ ایک گرافکس کمپنی کے ساتھ مل کر مختصر دورانیے پر مبنی مواد بنائیں گے جسے ایک دن میں کئی مرتبہ ریفریش کیا جائے گا۔سٹیورٹ نے ایچ بی او کے ایک بیان میں از راہِ مذاق کہا کہ ’ہر رات 22 منٹ تک ٹیلی ویڑن پر نظر آنا نے مجھے واضح طور پر توڑ کر رکھ دیا تھا۔ میں پراعتماد ہوں کہ میں وقتا فوقتا چند لمحوں پر مبنی مواد تخلیق کر سکتا ہوں۔
‘ روایتی نیٹ ورک مختلف نوواردوں جیسے انٹرنیٹ پر ٹی وی پروگرام اور فلمیں دکھانے والی امریکی کمپنی نیٹ فلکس اور ایمازون پرائم ویڈیوز کا مقابلہ کرنے کے لیے اپنی انٹرنیٹ سٹریمنگ سروسز پر زیادہ سرمایہ کاری کر رہے ہیں۔ پیر کو سی بی ایس نے ایک نئی سٹار ٹریک ٹی وی سیریز کا اعلان کیا ہے جسے خصوصی طور پر اس کی سٹریمنگ سروس پر نشر کیا جائے گا اور اس کا آغاز 2017 میں ہو گا۔ سٹیورٹ کے اگلے کریئر کے متعلق اس وقت قیاس آرائیاں شروع ہو گئی تھیں جب انھوں نے فروری میں اپنے ڈیلی شو کو چھوڑنے کا اعلان کیا تھا۔ سٹیورٹ نے یہ نہیں بتایا تھا کہ وہ اس کے بعد کیا کرنے والے ہیں۔ ڈیلی شو کو چھوڑنے کے بعد سے انھوں نے کئی خیراتی (چیریٹی) مقاصد کے لیے کام کیے۔ انھوں نے اپنے دوست اور ڈیلی شو کے پرانے اور تجربہ کار میزبان سٹیفن کولبرٹ کے نئے چیٹ شو کے پہلے پروگرام میں خصوصی طور پر شرکت کی تھی۔مزید فن و فنکار کی خبریں
-
نینا گپتا اورویوین رچرڈز کی بیٹی مسابا کے ہاں ننھے مہمان کی آمد متوقع
-
50 سال سے زائد عمر کی خواتین سرخ لپ اسٹک لگاتے ہوئے شرماتی ہیں، ٹوئنکل کھنہ
-
فلم کی کمائی کے پہلے چیک سے چائے اور پکوڑے والے کا ادھار چکایا تھا،منوج باجپائی
-
سلمان خان اگلے ماہ فلم سکندر کی شوٹنگ کا آغاز کریں گے
-
بھارتی اداکارہ شلپا شیٹھی کے شوہر کی کروڑوں کی جائیداد ضبط
-
اپنے لیے خود کھڑی ہوں، کہیں سے مدد نہیں آئیگی، مایا خان کا خواتین کو مشورہ
-
میں نے کبھی دوبارہ شادی کرنے کا سوچا بھی نہیں، ابرارالحق
-
سلمان خان کی رہائش گاہ پر فائرنگ کیلئے 4 لاکھ کی ڈیل تھی، ملزمان کا انکشاف
-
سلمان خان کے گھر کے باہر سیکیورٹی بڑھادی گئی
-
عثمان مختار کا مستقبل میں کبریٰ خان کیساتھ کام کرنے سے انکار
-
مومنہ اقبال کی کرکٹرز کے میسجز سے متعلق بیان کی وضاحت
-
معروف اداکارہ نیمل خاور نے اپنے پرستاروں کے ساتھ براہ راست رابطے کیلئے یو ٹیوب چینل کا آغاز کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.