آل راونڈر عبد الرزاق کا فرسٹ کلاس کرکٹ سے ریٹائرمنٹ کا اعلان
لاہور (اردو پوائنٹ تازہ ترین اخبار7نومبر۔2015ء ) پاکستان کرکٹ ٹیم سے مسلسل نظرانداز کئے جانے پر آل راؤنڈر عبدالرزاق نے زرعی ترقیاتی بنک سے استعفیٰ دینے کے ساتھ ساتھ فرسٹ کلاس کرکٹ سے بھی کنارہ کشی کا اعلان کر دیا ہے ۔ ذرائع کے مطابق عبدالرزاق نے اپنے قریبی دوستوں کے ساتھ مشاورت کے بعد اپنے بینک کو چھوڑنے کا فیصلہ کیا ہے تاکہ بینک ڈومیسٹک سیزن کے لئے کسی نوجوان کھلاڑی کو ان کی جگہ نوکری دے سکے ۔
ذرائع کے مطابق 35 سالہ عبدالرزاق نے پاکستان کرکٹ بورڈ اور سلیکشن کمیٹیوں کی جانب سے مسلسل پانچ سالوں سے نظرانداز کئے جانے پر مستقل بنیادوں پر انگلینڈ میں شفٹ ہونے کا فیصلہ کیا ہے تاکہ وہیں پر رہ کر لیگ کھیل سکیں ۔ عبدالرزاق نے گذشتہ روز باقاعدہ اپنے ادارے زرعی ترقیاتی بنک کو اپنا استعفیٰ دیدیا ہے ۔(جاری ہے)
واضح رہے کہ 35 سالہ عبدالرزاق کو گذشتہ 9 سال سے ٹیسٹ ٹیم میں شامل نہیں کیا گیا ہے جب کہ ایک روزہ کرکٹ میں آخری مرتبہ انہیں نومبر 2011ء میں سری لنکا کے خلاف موقع دیا گیا تھا ، دیگر تجربہ کار کھلاڑیوں شعیب ملک، یونس خان سمیت ایسے کئی کھلاڑی ہیں جنہیں وقفے وقفے سے قومی ٹیم میں موقع دیا جاتا رہا ہے تاہم عبدالرزاق مسلسل نظر انداز کئے جاتے رہے ہیں ۔
عبدالرزاق نے 123 فرسٹ کلاس میچز میں 32.55 کی اوسط سے 5371 رنز سکور کیے جس میں 8 سنچریاں اور 29 نصف سنچریاں شامل ہیں جب کہ آل راونڈر نے 31.42 کی اوسط سے 355وکٹیں بھی حاصل کررکھی ہیں ۔متعلقہ عنوان :
مزید کھیلوں کی خبریں
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
ورلڈ اوپن اسکواش،پاکستان کے حمزہ خان مین ڈراز میں شامل
-
نیشنل ویمن فٹ بال چیمپئن شپ ملتوی
-
اولمپیئن جیولن تھرور ارشد ندیم نے ساؤتھ افریقا میں ٹریننگ کا آغاز کر دیا
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
پاکستا ن اور نیوزی لینڈ کے درمیان پانچ میچوں پر مشتمل ٹی ٹوئنٹی سریز کا دوسرا میچ (کل) کھیلا جائیگا
-
ورلڈ چیمپئن شپ آف لیجنڈز میں پاک۔ بھارت میچ کے ٹکٹ ہاتھوں ہاتھ فروخت
-
ہولگر رونے اور الیگزینڈر زویروف نے بی ایم ڈبلیو ٹینس چیمپئن شپ کے کوارٹر فائنل میں جگہ بنا لی
-
انڈین پریمیئر لیگ میں واحد میچ دہلی کیپٹلز اورسن رائزرز حیدرآباد کی ٹیموں کے مابین کل کھیلا جائے گا
-
آئی پی ایل کے دوران سٹیڈیم میں بکیز پکڑے گئے
