Live Updates

غلط ٹکٹوں کی تقسیم پر سزاوں کے حوالے سے تحریک انصاف کی قیادت کا دوہرا معیار

muhammad ali محمد علی پیر 9 نومبر 2015 20:43

غلط ٹکٹوں کی تقسیم پر سزاوں کے حوالے سے تحریک انصاف کی قیادت کا دوہرا ..
اسلام آباد(اردو پوائنٹ تازہ ترین اخبار.9 نومبر 2015 ء) غلط ٹکٹوں کی تقسیم پر سزاوں کے حوالے سے تحریک انصاف کی قیادت کا دوہرا معیارشدید تنقید کی زد میں ہے۔ تفصیلات کے مطابق گزشتہ دنوں این اے 56 راولپنڈی میں بلدیاتی انتخابات کیلئے ٹکٹوں کی غلط تقسیم کے الزام پر ڈپٹی سیکرٹری اطلاعات فیاض الحسن چاہان کو ان کے عہدوں سے برطرف کردیا گیا تھا۔ اس فیصلے کے بعد سے تحریک انصاف کے کارکنان میں ایک نئی بحث چھڑ گئی ہے۔

(جاری ہے)

کارکنان کی جانب سے اپنی پارٹی کی قیادت کے دوپرے معیار کو شدید تنقید کا نشانہ بنایا جارہا ہے۔ کارکنان کا کہنا ہے کہ ایک جانب پارٹی کے نیشنل آرگنائزر شاہ محمود قریشی کے غلط فیصلوں اور ٹکٹوں کی غلط تقسیم سے تحریک انصاف کو پے درپے شکستوں کا سامنا کرنا پڑا ہے لیکن ان کیخلاف کوئی کاروائی نہیں کی گئی جبکہ دوسری جانب سے پارٹی کے محنتی کارکن کو بلدیاتی انتخابات کے نتائج آنے سے قبل ہی سزا سنا دی گئی ہے۔
Live پاکستان تحریک انصاف سے متعلق تازہ ترین معلومات

متعلقہ عنوان :