عمران خان کا مولانا سمیع الحق کی رہائش گاہ پر جاکر معروف عالم دین مولاناڈاکٹر شیر علی شاہ صاحب کی وفات پر تعزیت
پاکستان تحریک انصاف کے سربراہ کی دینی مدارس کی عظیم خدمات، معیاری تعلیم کیلئے کوششوں کی تعریف ، دینی مدارس کے مکمل دفاع کا اعلان
بدھ 11 نومبر 2015 22:41
اکوڑہ خٹک ( اُردو پوائنٹ اخبارتازہ ترین - آئی این پی۔11 نومبر۔2015ء ) تحریک انصاف کے سربراہ عمران خان نے مولانا سمیع الحق کی رہائش گاہ پر آکر ان سے معروف عالم دین مولاناڈاکٹر شیر علی شاہ صاحب کی وفات پر تعزیت کی اور ان کی بلند پایہ شخصیت کو خراج عقیدت پیش کیا ، اس موقع پر مولانا سمیع الحق مہتمم دارالعلوم حقانیہ اور مولانا محمد حنیف جالندھری ناظم اعلیٰ وفاق المدارس العربیہ نے عمران خان کو ملک کے دینی طبقوں کو سیکولر ، لبرل حلقوں اور حکمرانوں کے بعض بیانات اور اقدامات کی وجہ سے لاحق تشویش سے آگاہ کیا باالخصوص میاں نواز شریف کی طرف سے ملک کو لبرل بنانے کے اعلانات اور نیشنل ایکشن پلان کے مدارس کے خلاف مذموم عزائم کی طرف توجہ دلائی گئی۔
مولانا سمیع الحق اور ناظم وفاق مولانا حنیف جالندھری نے ان کی توجہ ہولڈنگ ٹیکس کا دائرہ مساجد اور مدارس کی طرف بڑھانے اور مدارس کو دی گئی زکوٰۃ خیرات سے بھی ٹیکس وضع کرنے کی طرف بھی دلائی۔(جاری ہے)
عمران خان نے اس موقع پر دینی مدارس کے عظیم خدمات، معیاری تعلیم کیلئے کوششوں کو سراہتے ہوئے دینی مدارس کے مکمل دفاع کا اعلان کیا اور کہا کہ اگر کوئی مدرسہ فرقہ پرستی اور دہشت گردی میں ملوث ہے تو اس کی نشاندہی کی جائے تمام مدارس پر مبہم الزامات نہ لگائے جائیں، انہوں نے کہا کہ برطانیہ نے برصغیر پر تسلط کے بعد نظام تعلیم کو دین سے سیکولربنا دیا، ان مدارس نے ہماری دینی شناخت کا تحفظ کیا اور دینی تعلیم کی لاج رکھ لی۔
اس موقع پر مولانا سمیع الحق نے کہا کہ کسی ملک کو زبردستی لبرل بنانا بھی انتہا پسندی اور دہشت گردی ہے بلکہ اسلام نے دین کے معاملہ میں بھی جبریہ اقدامات کی اجازت نہیں دی۔ اس موقع پر مولانا سمیع الحق کے رہائش گاہ پر علماء و طلباء کی ایک بڑی تعداد تھی۔ عمران خان کے ساتھ وزیر صحت جناب شاہ فرمان اور وزیر جنگلات اشتیاق ارمڑ اور مرکزی رہنما نعیم الحق اور علاقہ کے ایم پی اے جناب محمد ادریس خٹک وغیرہ بھی موجود تھے۔دریں اثنا ۱۲ نومبر 2بجے ظہر مولانا ڈاکٹر شیر علی شاہ مرحوم کی یاد میں دارالعلوم حقانیہ میں ایک عظیم الشان تعزیتی اجتماع منعقد ہو رہا ہے۔ ملک بھر سے علماء مشائخ اور سیاسی رہنما خطاب کرینگے۔مزید قومی خبریں
-
اے این ایف کی انسداد منشیات کارروائیاں ، 60 کلوگرام منشیات برآمد، 5 ملزمان گرفتار
-
دریائوں اور آبی ذخیروں میں پانی کی صورتحال
-
فیض آباد دھرنا لاہور سے شروع ہوا ،تمام ایجنسیوں کی متفقہ رائے تھی لاہور میں روکا تو ہلاکتیں ہونگی‘ رانا ثنا اللہ
-
فیصل آباد، تا جر کو اغوا کے بعد تشدد کر کے قتل کر د یا گیا، پولیس نے نعش قبضے میں لے کر ملزما ن کی تلا ش شروع کر دی
-
پاکستان کے تیسرے بڑے صنعتی شہر فیصل آباد میں امن وامان کی صورتحال خراب ہو گئی
-
وزیر اعلی ٰبلوچستان میر سرفراز بگٹی سے سیکرٹری ویلفیئر فنڈ منسٹری آف اوورسیز پاکستانی ذوالفقار خان کی ملاقات
-
ملک بھر میں این ایچ اے روڈ انفراسٹرکچر کو بڑھانے کے لئے پرعزم ہیں ،نئی پالیسی لائیں گے، عبدالعلیم خان
-
گوجرخان پولیس کی موثر کارروائی، سکولوں اور کالجوں میں منشیات سپلائی کرنے والا منشیات فروش گرفتار
-
سوات ،نوجوان نے خودکو گولی مارکر خودکشی کرلی
-
وزیراعلی سندھ نے کابینہ میں توسیع کرتے ہوئے مزید 8وزرا کو شامل کرلیا
-
گورنرسندھ کے زیر صدارت سندھ انڈسٹریل لائڑن کمیٹی کا اعلیٰ سطح اجلاس
-
پی ٹی آئی نے مزار قائد پر حاضری دیکر کراچی جلسہ کی تیاریاں شروع کر دی،
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.