اسلام آباد میں پہلی بار بلدیاتی انتخابات کیلئے شہریوں میں جوش و خروش،کارنر میٹنگز، پوسٹرز اور بینرز آویزاں،انتخابی مہم نے زور پکڑ لیا
جمعرات 19 نومبر 2015 15:16
اسلام آباد ۔ 19 نومبر (اُردو پوائنٹ اخبارتازہ ترین - اے پی پی۔19 نومبر۔2015ء) وفاقی دارالحکومت اسلام آباد میں پہلی بار ہونے والے بلدیاتی انتخابات کیلئے شہریوں کا جوش و خروش دیدنی ہے، ہر طرف مختلف سیاسی جماعتوں سے تعلق رکھنے والے امیدواروں کے پوسٹرز اور بینرز آویزاں ہیں۔ پولنگ کی تاریخ جوں جوں قریب آ رہی ہے انتخابی مہم بھی زور پکڑ تی جا رہی ہے۔
انتخابات کیلئے پولنگ اس مہینے کی 30 تاریخ کو ہوگی جس میں 11 دن باقی ہے۔ امیدوار رائے دہندگان کو اپنی حمایت میں قائل کرنے کیلئے گھر گھر جا رہے ہیں اور کارنر میٹنگز منعقد کر رہے ہیں۔ اس مقصد کے لئے انہوں نے کئی بینرز بھی آویزاں کر رکھے ہیں۔ انتخابات کے حوالے سے وفاقی دارالحکومت اسلام آباد میں بڑا جوش و خروش دیکھا جا رہا ہے۔(جاری ہے)
ضلعی انتظامیہ اسلام آباد نے وفاقی دارالحکومت میں ہونے والے بلدیاتی انتخابات کے لئے سیکورٹی انتظامات کو حتمی شکل دیدی ہے۔
وفاقی دارالحکومت اسلام آباد کی تاریخ میں پہلی مرتبہ ہونے والے بلدیاتی انتخابات کے انعقاد میں 11 دن باقی رہ گئے سیاسی جماعتوں کے نامزد امیدواروں اور آزاد حیثیت سے میدان میں اترنے والے پینل نے سیاسی گٹھ جوڑ، رابطہ عوام مہم اور جلسے جلوس، ریلیوں کی تیاریاں زور و شور سے شروع کردی ہیں۔ الیکشن کمیشن کی طرف سے انتخابی شیڈول کے اجراء کے فوری بعد سیاسی میدان میں اترنے والے امیدواروں نے اپنی سیاسی جماعتوں سے ٹکٹ کے حصول کی کوشش کردی تھی۔ اس دوران انتخابی امیدواروں نے اپنے اپنے تعارفی بینرز، پوسٹرز اور منشور جگہ جگہ چسپاں کئے اور ڈور ٹو ڈور رابطہ عوام مہم کا سلسلہ شروع کیا تھا۔ سیاسی جماعتوں کی طرف سے امیدواروں کی نامزدگی کے بعد پینل والے پوسٹرز اور انتخابی نشان اور سیاسی جماعت کے نام کے ہمراہ اپنی شناخت متعارف کرانے کی نئی دوڑ کا آغاز ہوا جو 30 نومبر کو ہونے والے پہلے بلدیاتی انتخابات سے قبل کے آخری عشرہ میں جلسے جلوس کارنر میٹنگز اور ریلویوں کی شکل اختیار کرگئی ہیں موسم سرد ہونے کے باوجود انتخابی امیدواروں اور ان کے حامیوں ‘ ووٹروں کا جذبہ دیدنی ہے جگہ جگہ انتخابی کیمپ قائم ہیں جہاں ووٹر، سپورٹر اور امیدوار رات گئے تک براجمان رہتے ہیں، ہر نئے دن کو انتخابی مہم کو نیا موڑ دینے کے لئے مشاورت اور انتخابی تیاریاں زور وشور سے جاری ہیں شہری علاقہ کی نسبت دیہی علاقوں میں انتخابی مہم نئے جوش و خروش اور ولولہ سے جاری ہے جہاں بڑی تعداد میں کارکن کیمپوں میں جمع رہتے ہیں ۔ بلدیاتی انتخابات میں پاکستان مسلم لیگ(ن) ‘ تحریک انصاف ‘ جماعت اسلامی کے امیدوار میدان میں ہیں جبکہ پیپلزپارٹی ‘ ایم کیو ایم ‘ جے یو آئی ایف کی طرف سے کوئی امیدوار میدان میں نہیں بلکہ ان جماعتوں کے کارکن مختلف الیکشن لڑنے والے امیدواروں کی حمایت کررہے ہیں ۔ اسلام آباد کی تاریخ میں پہلی بار ہونے والے انتخابات میں حصہ لینے والے امیدواروں کا بھی بلدیاتی الیکشن لڑنے کا پہلا تجربہ ہے۔ آزاد امیدوار الیکشں میں حصہ لینے والی مختلف جماعتوں اور بیشتر امیدوار پارٹی کا ٹکٹ نہ ملنے کی وجہ سے آزاد الیکشن میں حصہ لے رہے ہیں ۔متعلقہ عنوان :
مزید اہم خبریں
-
کراچی، غیر ملکیوں کی گاڑی پر حملہ کرنے والے دہشتگردوں کی شناخت بارے تفصیلات سامنے آگئیں
-
سعودی عرب کے نائب وزیر دفاع جنرل طلال بن عبداللہ آل سعود کی پاک فوج کے سربراہ جنرل سید عاصم منیر سے ملاقات، دفاعی تعاون کو مزید فروغ دینے کے اقدامات پر تبادلہ خیال
-
وفاقی وزیر داخلہ محسن نقوی کی کراچی کے علاقے لانڈھی میں خودکش حملے کی مذمت
-
عدالتوں میں زیر سماعت مقدمات کو زیر بحث نہیں لایا جا سکتا،سپیکر قومی اسمبلی
-
لاہور ہائیکورٹ کا ڈپٹی ڈائریکٹر ماحولیات لاہور اور ڈپٹی ڈائریکٹر شیخوپورہ کو فوری تبدیل کرنے کا حکم
-
وفاقی وزیر داخلہ محسن نقوی کا کچے کے علاقے میں مشترکہ آپریشن کرنے کا فیصلہ
-
ورلڈ پریس فوٹو ایوارڈ: مردہ بچی کو تھامے فلسطینی خاتون کی تصویر کو
-
ٹوبہ ٹیک سنگھ ،باپ ،بھائی کے ہاتھوں قتل ہونے والی ماریہ کی ڈی این رپورٹ میں زیادتی کے شواہدنہیں ملے
-
پاکستان میں سال 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
اینٹ کا جواب پتھر سے دیا جائیگا،دہشتگردوں سے مذاکرات نہیں ہونگے،اعظم نذیر تارڑ
-
رمضان شوگر مل ریفرنس کیس وزیراعظم شہبازشریف اور حمزہ شہبازکی حاضری سے معافی کی درخواست منظور
-
سپیکر پرلازم ہے کہ وہ آئین اور قانون کی پاسداری کریں،عمر ایوب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.