میک سلیپرز کی دلسوز تصاویر، ایسے افراد جو میکڈونلڈز میں پناہ لیتے ہیں
سمیرا فقیرحسین جمعرات 19 نومبر 2015 16:19
ہانگ کانگ(اُردو پوائنٹ تازہ ترین اخبار. 19 نومبر 2015 ء): میک سلیپر کہیں یا میک پناہ گزین، یہ ایک ایسا نظریہ ہے جو ایشیا کے متعدد ممالک میں پروان چڑھ رہا ہے ، میک سلیپرز یا میک پناہ گزین وہ لوگ ہیں جو بے گھر ہونے کے سبب مختلف ممالک کے مختلف شہروں میں چوبیس گھنٹے سروس فراہم کرنے والے میکڈونلڈز میں پناہ لیتے ہیں۔ جاپان ، چین اور ہانگ کانگ میں پراپرٹی اور کرائے کی قیمتوں میں بتدریج اضافے کے بعد مضبوط خاندانی اور تعلیمی پس منظر رکھنے والے افراد کے پاس بھی میکڈونلڈ میں پناہ لینے کے علاوہ دوسرا کوئی چارہ نہیں ہے۔
غیر ملکی خبر ایجنسی کے ایک فوٹوگرافر نے ہانگ کانگ میں موجود میکڈونلڈز کی ایسی برانچز کا دورہ کیا جو چوبیس گھنٹے سروس فراہم کرنے کے ساتھ ساتھ متعدد افراد کی پناہ گاہ بھی ہیں۔
(جاری ہے)
اس طرح کی تصاویر سے ہانگ کانگ ، جاپان اور چائنہ میں رہنے والے بے بس افراد کی زندگی کا اندازہ لگایا جا سکتا ہے پراپرٹی اور کرائے کی قیمتوں میں بے پناہ اضافے نے ہی ان افراد کو پناہ لینے پر مجبور کر دیا ہے۔
میکڈونلڈز کی چوبیس گھنٹے کھُلی رہنے والی برانچز میں رات گزارنے والے افراد کا ایک سیلاب سا اُمڈ آیا ہے۔ ہانگ کانگ میں گھر کی قیمتوں میں 2008ء کے بعد سے130فیصد اضافہ ہو چکا ہے جس کے بعد ایک گھر کی قیمت ایک فرد کی اوسط تنخواہ سے سترہ گُنا زیادہ ہے۔ جبکہ ہانگ کانگ کو دنیا بھر میں سب سے مہنگی گھریلو پراپرٹی رکھنے والے تیسرے بڑے شہر کا اعزاز بھی حاصل ہے۔اُردو پوائنٹ ڈاٹ کام کی رپورٹ کے مطابق چینی یونیورسٹی کے ایک پروفیسر کا کہنا ہے کہ اس سے قبل نشے کی لت یا دماغی حالت ٹھیک نہ ہونے کے باعث گھر میسر نہیں آتے تھے لیکن حال ہی میں سڑکوں پر سوتے افراد میں زیادہ تر تعلیم یافتہ اور مضبوط خاندانی پس منظر کے حامل افراد کو دیکھا گیا ہے۔ جبکہ ایک ریسرچ کے مطابق ہانگ کانگ میں ہزار سے زائد نئے بے گھر افراد ہیں۔
ہانگ کانگ میکڈونلڈ کا کہنا ہے کہ ہم زیادہ زیادہ افراد کی جگہ بنانے کے کوشش کر رہے ہیں جن میں سے زیادہ تر افراد ایسے ہیں جو زیادہ وقت یہاں گزارنا چاہتے ہیں۔ میک سلیپرز اور میک پناہ گزینوں کے لیے سڑک پر سونے سے بہتر کسی میکڈونلڈ میں سوجانا یا رات گزارنا کہیں بہتر اور آرام دہ ہے لیکن ایک طرح سے اسے افسوسناک بھی تصور کیا جاتا ہے کیونکہ میکڈونلڈ میں بیٹھ کر بگ میک کھانے والے اکثر اس بات سے آگاہ نہیں ہوتے کہ انکی ساتھ والی میز پر کوئی پناہ گزین موجود ہے۔ ایسا ہی ایک واقعہ تب پیش آیا جب میکڈونلڈز میں موجود ایک خاتون کے کافی دیر تک نہ ہلنے پر پولیس کو طلب کیا گیا اور بعد ازاں معلوم ہوا کہ عورت کی موت ہو چکی ہے.میک سلیپرز۔ مکڈونلڈ میں رات گزارنے والے بے گھر افراد
مزید بین الاقوامی خبریں
-
آسڑیلین پاکستانی نینشل ایسوی ایشن اپنا کے زیر اہتمام عید کے موقع پرقیونسلنڈ میں سال 2023 میں سماجی ،معاشرتی اور مذہبی خدمات پر اپنا عید ایوارڈ دیے
-
حماس قیادت دوحا میں رہے گی، قطرکا دو ٹوک پیغام
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
امریکہ، طالب علموں سے زیادتی کرنے والی 25 خواتین اساتذہ گرفتار
-
روس اورچین نے باہمی تجارت کیلئے ڈالرکا استعمال ختم کردیا
-
امریکی سینیٹ نے ٹک ٹاک پر پابندی کے لئے قانون سازی کی منظوری دے دی
-
ایپل کا آن لائن ایونٹ کے انعقاد کا اعلان
-
ٹیسلا نے 4 ماہ قبل بنائی گئی یو ایس گروتھ ٹیم کو فارغ کردیا
-
ایرانی صدر ابراہیم رئیسی پاکستان سے سری لنکا کے دورے پر پہنچ گئے
-
شہزادہ ولیم اور کیٹ مڈلٹن کو نئی شاہی ذمہ داریاں سونپ دی گئیں
-
بھارت کا میڈیا عوام کے مسائل اجاگر کرنے کے بجائے مودی کے گن گاتا ہے،راہول گاندھی
-
تارکین وطن کے حوالہ سے صورتحال پر مغرب میں خانہ جنگی کا خدشہ ہے، ایلون مسک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.