پی سی بی نے ڈومیسٹک کرکٹ میں بھی آئی سی سی اینٹی کرپشن کوڈ نافذ کر دیا

جمعہ 20 نومبر 2015 15:21

کراچی(اُردو پوائنٹ اخبارتازہ ترین - آئی این پی۔20 نومبر۔2015ء) پی سی بی نے ڈومیسٹک کرکٹ میں بھی آئی سی سی کا اینٹی کرپشن کوڈ نافذ کر دیا، گذشتہ دنوں گورننگ بورڈ نے بھی اس کی منظوری دے دی، البتہ اپیل کیلیے عالمی ثالثی عدالت کے بجائے اپنے ٹریبونل سے رابطے کی تبدیلی ہوئی ہے۔تفصیلات کے مطابق انٹرنیشنل کرکٹ کونسل بورڈ نے کچھ عرصے قبل تمام ارکان سے کہا تھا کہ وہ یکساں اینٹی کرپشن کوڈ اپنائیں تاکہ مسائل سے نمٹنے میں آسانی ہو، پاکستان نے بھی اس پر عمل کرتے ہوئے مکمل طور پر ا?ئی سی سی کے ہی اینٹی کرپشن کوڈ کو اپنا لیا، اس کا اطلاق تمام ڈومیسٹک مقابلوں پر ہوگا۔

گذشتہ دنوں لاہور میں منعقدہ گورننگ بورڈ اجلاس میں اس کی تمام ارکان نے متفقہ طور پر منظوری بھی دے دی، انھیں مطالعے کیلیے اس کوڈ کی کاپی بھی فراہم کر دی گئی تھی۔

(جاری ہے)

ذرائع کے مطابق پی سی بی نے اس میں صرف ایک تبدیلی کی ہے، ا?ئی سی سی کوڈ میں درج ہے کہ سزا کیخلاف اپیل عالمی ثالثی عدالت میں کی جا سکے گی، پاکستان نے اس کا اختیار اپنے ٹریبونل کو دیا ہے۔

نئے کوڈ کے تحت کسی ڈومیسٹک کھلاڑی نے مشکوک معاملے کی رپورٹ نہ کی تو اسے سزا کا سامنا کرنا پڑے گا، پی سی بی کو بھی ایجوکیشن کورسز کا متواتر اہتمام کرنا ہو گا۔ کرپشن کا الزام ثابت ہونے پرکم ازکم 5 سال اور زیادہ سے زیادہ تاحیات کرکٹ سرگرمیوں سے دور کیا جا سکے گا، جوئے پر ایک سے 5 سال تک پابندی عائد ہو گی۔ٹیم کی اندرونی معلومات کے غلط استعمال کا جرم ثابت ہونے پر بھی ایک سے پانچ سال کھیل سے دور رہنا پڑے گا، اسی جرم میں اگر دوسری شق کا استعمال ہوا تو سزا6ماہ سے 5سال کے دوران ہوگی، عمومی نوعیت کے اینٹی کرپشن کوڈ کی خلاف ورزی پر 6ماہ سے5 سال جبکہ دوسری شق کے اطلاق پر صفر سے 5 سالہ سزا دی جا سکے گی، اسی کے ساتھ ملوث کھلاڑیوں پر جرمانے بھی عائد ہوں گے۔

Facebook Twitter Google + Share on Whatsapp

پی سی بی نے ڈومیسٹک کرکٹ میں بھی آئی سی سی اینٹی کرپشن کوڈ نافذ کر دیا

متعلقہ عنوان :

مزید کھیلوں کی خبریں