چیئرمین پی سی بی شہریارخان اورنجم سیٹھی وطن واپس پہنچ گئے

پیر 23 نومبر 2015 12:38

لاہور (اردو پوائنٹ تازہ ترین اخبار 23نومبر- 2015ء) دبئی میں پاک بھارت کرکٹ سیریز پر بات چیت کے بعد چیئرمین پی سی بی شہریارخان اورنجم سیٹھی وطن واپس پہنچ گئے ۔ برطانوی نشریاتی ادارے نے دعویٰ کیا ہے کہ کرکٹ سیریز آئندہ ماہ سری لنکا میں ہوسکتی ہے ۔ دبئی میں پاکستان کرکٹ بورڈ کے چیئرمین شہریار خان اور بھارتی کرکٹ بورڈ کے سربراہ ششانک منوہر کے درمیان ڈیڑھ گھنٹہ بات چیت ہوئی جو کسی نتیجے پر نہ پہنچ سکی ۔

(جاری ہے)

شہریار خان اور نجم سیٹھی وطن واپس آئے تو ایئر پورٹ پر میڈیا سے بات چیت کیے بغیر روانہ ہوگئے لیکن یہ ضرور کہہ گئے کہ بات چیت سے متعلق آئی سی سی ٹاسک ٹیم کے سربراہ جائلز کلارک آج بریفنگ دیں گے ۔ ادھر برطانوی نشریاتی ادارے نے خبر دی ہے کہ پاک بھارت کرکٹ سیریز آیندہ ماہ سری لنکا میں کھیلے جانے کا امکان ہے۔ یہ سیریز طے شدہ پروگرام کی مکمل ٹیسٹ، ون ڈے اور ٹی ٹونٹی سیریز کے بجائے پانچ یا چھ محدود اوورز کے میچز پر مشتمل ہوگی ۔ انگلینڈ اینڈ ویلز کرکٹ بورڈ کے صدر جائلز کلارک کا کہنا ہے کہ بین الاقوامی کرکٹ کے وسیع تر مفاد میں پاک بھارت کرکٹ روابط بہت اہمیت کے حامل ہیں ، یہ سیریز ہر صورت ہونی چاہیے ۔

Facebook Twitter Google + Share on Whatsapp

چیئرمین پی سی بی شہریارخان اورنجم سیٹھی وطن واپس پہنچ گئے

مزید کھیلوں کی خبریں