انگلینڈ کیخلاف ٹی ٹونٹی سیریز ، پاکستان نے ہتھیاروں کو دھار لگانا شروع کردی
پیر 23 نومبر 2015 15:35
دبئی (اردو پوائنٹ تازہ ترین اخبار 23نومبر- 2015ء) آئندہ سال فروری میں بھارت میں ہونے والے آئی سی سی ورلڈ ٹی 20میں میزبان بھارت اور پاکستان ایک ہی گروپ میں ہیں۔ ٹورنامنٹ کی تیاریوں کے لئے انگلینڈ کے خلاف سیریز میں پاکستان کی کارکردگی اہم ترین ہوگی۔ دو سال پہلے بنگلہ دیش میں ہونے والے ٹورنامنٹ میں پاکستانی ٹیم پہلے رائونڈ سے آگے نہیں بڑھ سکی تھی جس کے بعد محمد حفیظ کو قیادت سے ہاتھ دھونا پڑا تھا۔
اب شاہد آفریدی کو اپنے آخری آئی سی سی ٹورنامنٹ کو اپنی کارکردگی سے یادگار بنانا ہوگا ۔ پاکستان اور انگلینڈ کی ٹیموں نے ٹیسٹ اور ون ڈے سیریز کے ختم ہونے کے بعد تیسرے فارمیٹ ٹی 20 کے لئے اتوار سے آئی سی سی کرکٹ اکیڈمی میں اپنی تیاریوں کا آغاز کردیا ہے ۔(جاری ہے)
مصباح الحق ٹیسٹ سیریز دو صفر سے جیتنے میں کامیاب ہوئے۔ اظہر علی ون ڈے سیریز کی آزمائش میں ناکام رہے۔
اب شاہد آفریدی کے لئے ایک مشکل آزمائش جمعرات سے شروع ہورہی ہے ۔ دونوں ٹیموں نے بھرپور پریکٹس سیشن کے ساتھ اپنے اپنے ہتھیاروں کو اہم ترین معرکے کے لئے دھار لگانا شروع کردی ہے ۔ پاکستان اور انگلینڈ کی ٹیمیں تقریباً تین سال بعد ایک دوسرے کے خلاف ٹی 20 میچ کھیل رہی ہیں۔ تین سال پہلے متحدہ عرب امارات میں ہونے والی سیریز میں انگلینڈ نے پاکستان کو دو ایک سے شکست دی تھی ۔ انگلش ٹیم نے اوئن مورگن کی قیادت میں انگلش کرکٹ ٹیم نے ون ڈے سیریز میں پاکستان کو تین ایک سے شکست دی تھی۔ مورگن ہی ٹی 20 ٹیم کی بھی قیادت کریں گے ۔ ورلڈ ٹی 20سے قبل شاہد آفریدی اور ان کے کھلاڑیوں کو ٹیم کی رینکنگ اور اپنی کارکردگی میں تسلسل لانا ہے۔ پاکستان کی جس ون ڈے ٹیم نے انگلینڈ کے خلاف سیریز میں حصہ لیا تھا اس میں چھ تبدیلیاں ہیں۔ کپتان شاہد خان آفریدی کے علاوہ متنازع عمر اکمل، مڈل آرڈر بیٹسمین صہیب مقصود، اوپنر رفعت اللہ مہمند، فاسٹ بولر سہیل تنویر اور عمران خان جونیئر نے دبئی پہنچ کر احمد شہزاد، شعیب ملک، محمد رضوان، سرفراز احمد، بلال آصف، محمد عرفان ، وہاب ریاض اور عامر یامین کو جوائن کر لیا ہے۔39 سالہ رفعت اللہ مہمند ڈومیسٹک کرکٹ میں عمدہ بیٹنگ کا مظاہرہ کر کے سلیکٹرز کو متاثر کرنے میں کامیاب ہوئے ہیں ۔ انہیں مختار احمد کی جگہ اوپنر کی حیثیت سے منتخب کیا گیا ہے۔ امکان ہے کہ وہ احمد شہزاد کے ساتھ اننگز اوپن کریں گے۔ رفعت اللہ جارحانہ بیٹنگ اور غیر معمولی فیلڈنگ کی وجہ سے شہرت رکھتے ہیں۔ رفعت اللہ کا کہنا ہے کہ میرا جتنا بھی کیر یئر بچا ہے میں چاہوں گا کہ پاکستان کی طرف سے کھیلتے ہوئے اچھی سے اچھی پرفارمنس دوں اور میچ جتوا سکوں۔ میری سلیکشن درحقیقت تمام کرکٹروں کے لیے پیغام بھی ہے کہ محنت کبھی رائیگاں نہیں جاتی۔ رفعت اللہ مہمند فرسٹ کلاس کرکٹ میں 19سال گزار چکے ہیں۔ اس طویل کیریئر میں ان کے نام کے آگے فرسٹ کلاس کرکٹ میں دوسری وکٹ کے لیے 580 رنز کی سب سے بڑی شراکت کا عالمی ریکارڈ بھی درج ہے۔ دسمبر 2009ء میں عامر سجاد کے ساتھ قائم کی گئی اس شراکت میں رفعت اللہ کا اپنا سکور 302رنز ناٹ آؤٹ تھا۔رفعت اللہ کہتے ہیں کہ جب میں نے یہ عالمی ریکارڈ بنایا تو مجھے قوی امید تھی کہ میں پاکستان کی نمائندگی کرنے میں کامیاب ہو جاؤں گا لیکن مجھے موقع نہ ملا سکا جس پر میں بہت زیادہ مایوس تھا ۔ وہ چند سال پہلے افغان کرکٹ ٹیم میں بھی شامل ہوئے لیکن شہریت کے تنازع نے انہیں افغانستان کی جانب سے کھیلنے کے سنہری موقع سے محروم کردیا تھا ۔ پاکستان اور انگلینڈ کے درمیان تین ٹی 20 انٹرنیشنل 26، 27 کو دبئی ا ور 30 نومبر کو شارجہ میں کھیلے جائیں گے ۔مزید کھیلوں کی خبریں
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
ورلڈ اوپن اسکواش،پاکستان کے حمزہ خان مین ڈراز میں شامل
-
نیشنل ویمن فٹ بال چیمپئن شپ ملتوی
-
اولمپیئن جیولن تھرور ارشد ندیم نے ساؤتھ افریقا میں ٹریننگ کا آغاز کر دیا
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
پاکستا ن اور نیوزی لینڈ کے درمیان پانچ میچوں پر مشتمل ٹی ٹوئنٹی سریز کا دوسرا میچ (کل) کھیلا جائیگا
-
ورلڈ چیمپئن شپ آف لیجنڈز میں پاک۔ بھارت میچ کے ٹکٹ ہاتھوں ہاتھ فروخت
-
ہولگر رونے اور الیگزینڈر زویروف نے بی ایم ڈبلیو ٹینس چیمپئن شپ کے کوارٹر فائنل میں جگہ بنا لی
-
انڈین پریمیئر لیگ میں واحد میچ دہلی کیپٹلز اورسن رائزرز حیدرآباد کی ٹیموں کے مابین کل کھیلا جائے گا
-
آئی پی ایل کے دوران سٹیڈیم میں بکیز پکڑے گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.