ایف پی سی سی آئی حکومت سے تاجروں کی مشکلات ‘ مسائل اور ریفنڈ جیسے مسائل کے حل میں ناکام ہو چکی ہے،سینیٹر غلام علی
پیر 23 نومبر 2015 16:58
کراچی (اُردو پوائنٹ اخبارتازہ ترین - این این آئی۔23 نومبر۔2015ء)ایف پی سی سی آئی کا کردار ختم ہو کر رہ گیا ہے اور کمزور قیادت کی وجہ سے ایف پی سی سی آئی حکومت سے تاجروں کی مشکلات ‘ مسائل اور ریفنڈ جیسے مسائل کے حل میں ناکام ہو چکی ہے۔ کمزور قیادت کی وجہ سے ایف پی سی سی آئی اپنا مقام کھو چکی ہے ۔ جبکہ ہی سہی کسر یو بی جی نے ایف پی سی سی آئی کی صدارت کیلئے ایسے شخص کو نامزد کرکے پوری کردی ہے جس کا کوئی کاروبار نہیں اور نہ ہی بزنس کمیونٹی کے مسائل کا علم ہے ۔
جس سے اندازہ ہوتا ہے کہ یو بی جی قیادت بزنس کمیونٹی کے مسائل کے حل کیلئے قطعاً سنجیدہ نہیں ہے ۔پاکستان کی بزنس کمیونٹی کو اتحاد و اتفاق کیساتھ مل کر تمام مسائل کے حل کیلئے کوششیں کرنا ہونگی ۔ ان خیالات کا اظہار بزنس مین پینل کے چیئرمین سلطان احمد چاؤلہ ‘ ایف پی سی سی آئی کے صدارتی امیدوار سینیٹر حاجی غلام علی ‘نائب چیئرمین میاں زاہد حسین ‘ چیئرمین پنجاب ریجن میاں انجم نثار ‘ ایف پی سی سی آئی کے نائب صدر زاہد انوار اور ایف پی سی سی آئی کے ایگزیکٹیو ممبر تنویر احمد صوفی نے لاہور میں بزنس مین پینل پنجاب ریجن کے چیئرمین میاں انجم نثار کی جانب بزنس مین پینل قائدین و ایف پی سی سی آئی کے ایگزیکٹیو ممبران کے اعزاز میں دئیے گئے ظہرانے سے خطاب کرتے ہوئے کیا ۔(جاری ہے)
اسلئے اس نے ایف پی سی سی آئی کی صدارت کیلئے کوئی بھی کاروبار نہ کرنے والے شخص کو امیدوار نامزد کیا ۔ انہوں نے کہا کہ بزنس کمیونٹی ایف پی سی سی آئی کی صدارت کیلئے ایسے شخص کو لائیں جس میں حکومت اور سرکاری محکموں کے آگے بزنس کمیونٹی کے مفاد ات کیلئے ڈٹ جانے کی نہ صرف صلاحیت ہو بلکہ دل گردہ بھی ہو اور جو ہر فورم پر بزنس کمیونٹی کیلئے آواز اٹھانے کی صلاحیت رکھتا ہوں ۔
انہوں نے کہا کہ ایف پی سی سی آئی عہدیدار اور یو بی جی گروپ کے قائدین 2015میں پورا سال صدر ‘ وزیر اعظم ‘ وفاقی و صوبائی وزراء سمیت مختلف اداروں کے سربراہان سے ملاقات نہیں کر سکے وہ بزنس کمیونٹی کے کیا مسائل حل کرینگے۔ سینیٹر حاجی غلام علی نے مزید کہا کہ وقت کی ضرورت ہے کہ پاکستان کی بزنس کمیونٹی کے سب سے بڑے ادارے وفاقی ایوانہائے صنعت و تجارت پاکستان کو تسلط سے آزاد کرایا جائے اور پاکستان کی بزنس کمیونٹی ود ہولڈ ٹیکس کیخلاف گزشتہ5ماہ سے احتجاج کر رہی ہے اور ریفنڈ نہیں دیا جارہا ‘ بزنس کمیونٹی کو تنگ کرنے کیلئے چھاپے مارے جا رہے ہیں لیکن فیڈریشن آ ف پاکستان چیمبرز آف کامرس اینڈ انڈسٹری نے کوئی کردار اداکرنا تو دور کی بات کوئی آواز بھی نہ اٹھا سکی۔ انہوں نے کہا کہ ایف پی سی سی آئی میں نوکر نہیں بلکہ بزنس کمیونٹی کی بھاگ دوڑ سنبھالنے والے سپہ سالار کو لانے کی ضرورت ہے جو بزنس کمیونٹی کا ایجنڈا ایوان میں پیش کرنے کی جرأت اور صلاحیت رکھتا ہو۔انہوں نے کہا کہ ایف پی سی سی آئی اور اس کی موجودہ قیادت نے بزنس کمیونٹی کے مسائل اور تجارتی ایشوز پر کوئی توجہ نہیں دی بلکہ سرکار کی تعریف کے پل باندھے جاتے رہے ۔ حکومت کی ناقص پالیسیوں کے باعث پاکستان کی ایکسپورٹ میں کمی ہوئی اور اب حکومت نے روپے کو9فیصد ڈی ویلیو کرکے عوام اور بزنس کمیونٹی کے حقوق پر ڈاکہ ڈالا جس پر ایف پی سی سی آئی اور اس کی قیادت مسلسل خاموشی اختیار کیے ہوئے ۔ بزنس کمیونٹی کو سیلز اور انکم ٹیکس کے ریفنڈ نہیں ملے اور ٹی ڈی اے پی کے چیف بھی کچھ نہ کر سکے ۔ یو بی جی نے گزشتہ الیکشن کے دوران بہت بلند و بانگ دعوے کیے ۔ بزنس کمیونٹی کو بہت امید تھی مگر کامیابی کے بعد یو بی جی کچھ نہیں کر سکی ۔ انہوں نے کہا کہ سینیٹر حاجی غلام علی کے ایف پی سی سی آئی کے دور صدارت کے دوران بزنس کمیونٹی کا ہر چھوٹا او ربڑا تاجر ایف پی سی سی آئی کا صدر تھا اور بزنس کمیونٹی کے مسائل منٹوں میں حل کیے جاتے تھے ۔ انہوں نے کہا کہ پاکستان کی بزنس کمیونٹی اور بالخصوص ایگزیکٹیو و جنرل باڈی ممبران ایف پی سی سی آئی کے الیکشن میں نوکر کے بجائے سپہ سالا ر کو منتخب کرائیں تاکہ ان کے مسائل ترجیحی بنیادوں پر حل ہوں ۔مزید اہم خبریں
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
-
موسمیاتی خطرات سے نمٹنے کے لئے زیادہ فعال اور ذمہ دارانہ عالمگیر مالیاتی تحفظ کا نظام ضروری ہے، وزیرخزانہ محمداورنگزیب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.