ہیٹ اسٹروک مینجمنٹ پلان کراچی کی ضرور ت ہے ،کمشنر کراچی
بدھ 25 نومبر 2015 16:39
کراچی(اُردو پوائنٹ اخبارتازہ ترین - این این آئی۔25 نومبر۔2015ء) کمشنر کراچی شعیب احمد صدیقی نے کہا ہے کہ ہیٹ اسٹروک مینجمنٹ پلان کراچی جیسے شہر کی اہم ضرورت ہے کراچی میں ہیٹ اسٹروک سے بچاؤ کے لیے ہیٹ اسٹروک مینجمنٹ پلان کی تیاری کی کوششوں میں حوصلہ افزا پیش رفت ہوئی ہے امید ہے ہیٹ اسٹروک پلان جلد مکمل ہو جائے گا۔ ہیٹ اسٹروک پلان کی تیاری سے کراچی میں گرمی کے موسم میں کسی بھی نا گہانی صورتحا ل میں لوگوں کو ہیٹ اسٹروک سے بچانے کے اقدامات کر نے اورلوگوں کی رہنمائی میں مدد ملے گی ۔
کراچی انتظامیہ اورتمام سرکاری اور غیر سرکاری متعلقہ ادارے منصوبہ بندی میں لیڈ پاکستان اور اربن یونٹ کی مدد کررہے ہیں،۔وہ کمشنر کراچی کے شعبہ منصوبہ بندی اور ترقیات کے تعاون سے غیر سرکاری تنظیم لیڈ پاکستان اور اربن یونٹ کے زیر اہتمام منعقدہ ہیٹ اسٹرو ک منصوبہ پر منعقدہ ورکشاپ سے خطاب کر رہے تھے۔(جاری ہے)
ورکشاپ میں ایڈیشنل کمشنر ون اسلم کھوسو ڈائریکڑ لوکل گورنمنٹ روبینہ آصف پنجاب کے مختلف شہروں کے صحت کے شعبہ میں کام کر نیو الے والے ماہرین اور سندھ کے محکمہ صحت کے افسران اور کراچی کے مختلف اسپتالوں کے نمائندوں نے شر کت کی۔
دی لیڈ پاکستان کے سی ای او علی توقیر شیخ ، ، ڈائریکڑ ترقیات و منصوبہ بندی کمشنر کراچی آفس سید محمد شکیب او ر انتظامیہ کے افسران کے علاوہ محکمہ صحت ،صوبائی ڈیزاسسٹر مینجمبٹ اتھارٹی ،سپار کو اور آئی یو سی این کے افسران اور، ،آغا خان یو نیورسٹی سول اسپتال جناح اسپتال اور دیگر سرکاراسپتالوں اور صحت کے شعبہ میں کام کر نے والے اداروں کے نمائندوں نے شر کت کی اور اظہار خیا ل کیاکمشنرکراچی نے کہا ورکشاپ میں ماہرین کی تجاویز اور سفارشات کی تیاری ایک اہم کام ہے۔
انھوں نے تمام اداروں کی کوششوں کو سراہا اور امید ظاہر کی کہ مستقبل میں ہیٹ اسٹراک سے نمٹنے میں یہ تجاویز اور سفارشات رہنما ثابت ہوں گی۔ انھوں نے کہا کہ شہر میں قدرتی آفات سے بچاؤ کے لیے اقدامات کیے جا رہے ہیں۔ انھوں نے کہا کہ تمام متعقلہ ادارے ان کوششوں میں بھر پور حصہ لیں معلومات کے تبادلہ اور اپنی تجاویز پلا ن میں شامل کریں تاکہ کسی بھی ناگہانی صورتحال میں ہیٹ اسٹروک سے نمٹنے کے لئے ایک حقیقت پسندانہ ہیٹ اسٹروک پلان تیا ر کیا جا سکے ورکشاپ میں کراچی میں ہیٹ اسٹروک سے انسانی جانوں کے زیاں پر ماہرین نے مختلف پہلوؤں پر روشنی ڈالی ۔ مقریرین نے کہاکہ شہریوں میں ہیٹ اسٹروک سے بچنے کے اصولوں سے آگاہی بہت ضروری ہے۔ لوگوں کو موسم کی شد ت سے بچانے کے لیے بجلی کی عدم فراہمی اور دیگر جوہات پر بھی تفصیل سے اظہار خیال کیا گیا شرکا نے اس بات کا اظہار بھی کیا کہ اداروں اور شہریوں میں ہیٹ اسٹروک سے نبرد آزما ہو نے کی معلومات اور شعور کی کمی محسو س کی گئی ۔،اجلا س میں مقررین نے کہا کہ کراچی کے کسی بھی علاقہ میں کوئی بھی ایمر جنسی ہو تی ہے لوگ صرف جناح اسپتال سول اسپتا ل یا عباسی اسپتال کی طرف طبی مد د کے لیے رخ کر تے ہیں۔ ضرور ت اس بات کی ہے کہ دیگر مو جو د اسپتالو ں پر عوام کا اعتماد بڑھا یا جا ئے اور انھیں بہتر کیا جا ئے اس بات کی نشاندہی کی گئی کہ کراچی میں گھروں کی تعمیر میں ہوا کے راستوں کے تقاضے نظر انداز کیے جارہے ہیں اجلاس میں گلوبل وارمنگ کے پہلو پر بھی اظہار خیال کیا گیا۔۔متعلقہ عنوان :
مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.