آئی سی سی نے تاریخ میں پہلی دفعہ خواتین کو وویمنز ورلڈ ٹی ٹوئنٹی کوالیفائر میں امپائر مقرر کر دیا

جمعرات 26 نومبر 2015 17:57

دبئی(اُردو پوائنٹ اخبارتازہ ترین - آئی این پی۔26 نومبر۔2015ء) انٹرنیشنل کرکٹ کونسل (آئی سی سی) نے تاریخ میں پہلی دفعہ چار خواتین کو تھائی لینڈ میں ہونے والے وومنز ورلڈ ٹی ٹوئنٹی کوالیفائر 2015 کے لیے امپائر مقرر کر دیا۔ اس سے قبل نیوزی لینڈ سے تعلق رکھنے والی کیتھی کراس کو 2014 میں آئی سی سی ایسوسی ایٹ امپائروں کے پینل میں شامل کیا گیا تھا جبکہ انھوں نے 2000،2009 اور 2013، 2011 کے وومنز ورلڈ کپ کوالیفائر اور 2013 کے وومنز ورلڈ ٹوئنٹی کوالیفائر میں بھی امپائرنگ کا اعزاز حاصل کیا تھا۔

تاہم یہ پہلا موقع ہو گا کہ کسی میچ میں مکمل طور پر صرف خواتین امپائرنگ کے فرائض سرانجام دیں گی۔ آئی سی سی کی جانب سے جاری کردہ خواتین امپائروں میں نیوزی لینڈ کی کیتھلین کراس، آسٹریلیا کی کلیئر پولوسیک، انگلینڈ کی سو ریڈفرین اور ویسٹ انڈیز سے تعلق رکھنے والی جیکولین ولیمز شامل ہیں۔

(جاری ہے)

آسٹریلیا کی 27 سالہ پولوسیک کم عمر امپائر ہیں وہ آسٹریلیا کے لسٹ اے میں امپائرنگ کرنے والی پہلی خاتون ہیں۔

وومنز ورلڈ ٹی ٹوئنٹی کوالیفائر 28 نومبر سے 5 دسمبر تک تھائی لینڈ کے دارالحکومت بنکاک میں ہوگا جس میں بنگلہ دیش، چین، آئرلینڈ، نیدر لینڈ، پاپوا نیوگنی، اسکاٹ لینڈ، تھائی لینڈ اور زمبابوے کے درمیان مقابلہ ہوگا جس میں سے دو کامیاب ٹیمیں 2016 میں ہونے والے ورلڈ ٹی ٹوئنٹی کے لیے کوالیفائی کریں گی۔

Facebook Twitter Google + Share on Whatsapp

آئی سی سی نے تاریخ میں پہلی دفعہ خواتین کو وویمنز ورلڈ ٹی ٹوئنٹی کوالیفائر میں امپائر مقرر کر دیا

مزید کھیلوں کی خبریں