صدر سے منسوب غریبوں کے قرضوں پر سود کو جائزقراردینے کیلئے علماء سے اپیل کی خبریں بے بنیا د ہیں ، یہ طرز عمل صحافتی اقدار کے منافی ہے،ایوان صدر کے ترجمان کا وضاحتی بیان

جمعرات 26 نومبر 2015 20:26

اسلام آباد(اُردو پوائنٹ اخبارتازہ ترین - آئی این پی۔26 نومبر۔2015ء)ایوان صدر کے ترجمان نے کہا ہے کہ ذرائع ابلاغ کے ایک حصے میں یہ تاثر دیا جارہا ہے کہ صدر مملکت ممنون حسین نے فیصل آباد میں ایک تقریب کے دوران علمائے کرام سے یہ کہا ہے کہ وہ غریب لوگوں کو گھروں کی تعمیر کے لیے حاصل کیے گئے قرضوں پر سود کی ادائیگی کوجائز قرار دینے کے بارے میں غور کریں۔

ایوان صدر نے کہا ہے کہ تاثر بالکل غلط ، بے بنیاد اور گمراہ کن ہے۔

(جاری ہے)

ترجمان نے کہا کہ صدر مملکت نے فیصل آباد کی تقریب میں ممتاز اسلامی مفکر ڈاکٹر حمید اﷲ کا ذکر کرتے ہوئے کہا تھا کہ وہ اس بارے میں ایسی رائے رکھتے ہیں اور انھوں نے ہی علماء سے اس معاملے میں غور کرنے کے لیے کہا تھا۔ایک علمی بحث کو غلط رنگ دینے اور اسے صدر مملکت سے غلط طور پر منسوب کرنے پر ترجمان نے افسوس کا اظہار کرتے ہوئے کہا کہ یہ طرز عمل صحافتی اقدار کے منافی ہے۔اس لیے صحافیوں کو چاہئے کہ وہ گفتگو اور واقعات کے درست تناظر میں رپورٹ کیا کریں۔

Facebook Twitter Google + Share on Whatsapp

مزید اہم خبریں