انگلینڈ اینڈ ویلز کرکٹ نے ڈومیسٹک کرکٹ میں اہم تبدیلی کا اعلان کردیا

لندن(اُردو پوائنٹ اخبارتازہ ترین - آن لائن۔27 نومبر۔2015ء) انگلینڈ اینڈ ویلز کرکٹ بورڈ(ای ڈبلیو سی بی) نے ڈومیسٹک کرکٹ میں اہم تبدیلی لاتے ہوئے میچ سے قبل ٹاس کو غیر ضروری قرار دینے کا اعلان کردیا۔ای ڈبلیو سی بی کے گزشتہ روز کے اجلاس میں فیصلہ کیا گیا کہ ڈومیسٹک کرکٹ کیا اگلے سیزن کے دونوں کاوٴنٹی چمپیئنز شپ کے مقابلوں میں ٹاس کو غیرضروری قرار دیتے ہوئے مہمان کپتان کو اگر لینا چاہے تو پہلے باوٴلنگ کرنے کا موقع دیا جائے گا۔

کرکٹ کی گزشتہ ایک سو سالہ تاریخ میں ٹاس کے ذریعے پہلے بیٹنگ یا باوٴلنگ کا فیصلہ کرنے کا موقع اس وقت دیا جائے گاجب مہمان کپتان پہلے باوٴلنگ کرنے سے انکار کرے۔یہ فیصلہ ای سی بی کی بورڑ کے اجلاس میں ایک سال کے لیے تجزیاتی طورپر کیا گیا، کرکٹ کمیٹی کے سربراہ پیٹررائٹ کا کہنا تھا کہ یہ قرارداد انگلش اسپنرز کی بہتری کے حوالے سے کی گئی تشویش کے نتیجے میں لائی گئی تھی۔

(جاری ہے)

اس فیصلے کا ایک مقصد میزبان ٹیم کو ٹاس جیت کر پچ کا فائدہ اٹھاتے ہوتے ہوئے بیٹنگ میں مشکلات کھڑی کرنے سے روکنے کے لیے مہمان کپتان کو موقع دینا ہے۔پیٹررائٹ کا کہنا تھا کہ "یہ سب صرف اسپن کے لیے نہیں ہے"۔ان کا کہنا تھا کہ"کئی سالوں سیچمپیئنز شپ میں پچ کے حوالے سے تشویش کا اظہار کیا جاتا رہا ہے لیکن یہ حقیقت ہے کہ اسپن باوٴلنگ نے ملک میں کچھ چیزوں پر توجہ دلائی ہے'۔

انھوں نے کہا کہ کمیٹی کے اجلاس میں چمپیئنز شپ 2015 میں پیش کردہ اعداد شمار میں اسپن باوٴلنگ کا حصہ کل باوٴلنگ کا 21.5 فی صد دکھایا گیا جس کے باعث وہ اس فیصلے پر پہنچے کہ اسپن باوٴلنگ کی حوصلہ افزائی کے لیے بہترین پچ بنائی جائیں۔پیٹر رائٹ کا مزید کہنا تھا کہ"ہر ملک میچوں میں کامیابی حاصل کرنا چاہتا ہے جس کا عام مطلب یہی ہے کہ 20 وکٹیں حاصل کی جائیں جس کی وجہ سے ہم نے بہت ساری پچز دیکھیں جو شروع میں گرین ہوتی ہیں اور پھر نمی آجاتی ہے اور جیسے جیسے کھیل آگے بڑھتا ہے بہتر ہوتی جاتی ہیں بجائے اس کے کہ اسپنروں کو بھی مدد ملے"۔دوسری انگلینڈ کی ون ڈے ٹیم کے کپتان آئن مورگن سمیت کئی سابق کھلاڑیوں نے بھی اس فیصلے کی حمایت کی ہے.