انسداد دہشت گردی لاہور کی خصوصی عدالت نے مبینہ طور پر شراب نوشی کر کے طیارہ اڑانے والے گرفتار پائلٹ کوچودہ روزہ جوڈیشل ریمانڈ پر جیل بھجوا دیا۔
عمر جمشید جمعہ 27 نومبر 2015 14:16
لاہور(اُردو پوائنٹ اخبارتازہ ترین۔27 نومبر۔2015ء) انسداد دہشت گردی لاہور کی خصوصی عدالت کے جج خواجہ ظفر اقبال نے کیس کی سماعت کی۔تھانہ سرور روڈ کے تفتیشی افسرنے ملزم کیپٹن عصمت محمود کو سخت سکیورٹی میں ہتھکڑیاں لگا کر عدالت میں پیش کیا۔تفتیشی افسر نے کہا پائلٹ عصمت محمود نے شراب کے نشے میں دھت ہو کر طیارے کی اڑان بھری اور نشے کی حالت میں ہی طیارہ اڑاتا رہا جبکہ علامہ اقبال انٹرنیشنل ائیرپورٹ پر لینڈنگ کے دوران طیارہ قابو نہ کر سکا جس سے طیارے میں موجود سو سے زائد مسافروں کی زندگی داو پر لگ گئی۔
تفتیشی افسر کی جانب سے کیپٹن عصمت محمود کو مزید جسمانی ریمانڈ پر پولیس کے حوالے کرنے کی استدعا کی گئی ہے۔سول ایوی ایشن کے وکیل نے عدالت کو بتایا کہ عصمت محمود کی میٹرک کی سندجعلی ہے جبکہ اسکے پاس پائلٹ ہونے کا جعلی لائسنس موجود ہے جبکہ عصمت محمود انسانی سمگلنگ میں بھی ملوث ہے۔(جاری ہے)
ملزم کے وکیل نے کہا کہ عصمت محمود نے شراب پی کر طیارے کی اڑان نہیں بھری بلکہ طیارے میں فنی خرابی کے بعد اسے ہنگامی لینڈنگ کرنا پڑی اور اس نے اپنی مہارت سے طیارے کو بحفاظت نیچے اتار لیا۔جس پر عدالت نے فریقین کے وکلاءکے دلائل سننے کے بعد تفتیشی افسر کی جانب سے مزید جسمانی ریمانڈ کی استدعا مسترد کر دی۔عدالت نے پائلٹ عصمت محمود کو چودہ روزہ جوڈیشل ریمانڈ پر جیل بھجوا دیا۔
مزید اہم خبریں
-
وائنسٹین کی سزاؤں کا خاتمہ زیادتی کا شکار خواتین کے لیے پریشان کن
-
ہماری جماعت کسی سے معافی نہیں مانگے گی
-
ہر اس مسئلے پر جوڈیشل کمیشن بننا چاہئے جہاں طاقت کے بل پر آئین قانون کی پامالی ہوئی
-
وولکر ترک کا روس سے صحافیوں پر جبروستم ختم کرنے کا مطالبہ
-
ہیٹ ویو سے پریشان شہریوں کیلئے ٹھنڈی ٹھنڈی خوشخبری
-
9 مئی کے ملزمان کو ایک سال بعد بھی کٹہرے میں کھڑا نہیں کیا گیاتو کس نے منع کیا؟
-
گوتیرش کا اسرائیل اور حماس سے جنگ بندی پر اتفاق کرنے کی اپیل
-
بعض طاقتیں بلوچستان اور ملک میں استحکام نہیں چاہتیں‘بلوچستان کے مستقبل کا لائحہ عمل طے کرنے کے لیے تمام سیاسی قوتوں سے بات چیت کریں گے.صدر آصف زرداری
-
لاہور میٹرو بس پر ڈیزل کے نرخوں میں اضافے کا بوجھ بڑھنے لگا
-
9 مئی کرنے اور کروانے والوں کو آئین کے مطابق سزا دینا ہوگی،ترجمان پاک فوج
-
پاکستان کو عالمی بینک سے 8 ارب ڈالرز ملنے کی توقع
-
نواز شریف چاہتے تھے کہ ن لیگ اپوزیشن میں آ کر بیٹھے ، حکومت پی ٹی آئی کو دیدی جائے،مولانا فضل الرحمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.