تیونس میں خودکش بمبار کی شناخت، 30 مشتبہ افراد گرفتار

حسان نامی نوجوان تیونس میں ریڑھی لگاتاتھا،عمر ستائیس سال ہے،وزارت داخلہ

جمعہ 27 نومبر 2015 18:02

تیونس(اُردو پوائنٹ اخبارتازہ ترین - این این آئی۔27 نومبر۔2015ء) تیونس میں حکام نے دارالحکومت میں صدارتی محافظوں کی بس پر خودکش حملہ کرنے والے بمبار کو شناخت کرلیا ہے اور انتہا پسندی سے تعلق کے الزام میں تیس مشتبہ افراد کو گرفتار کر لیا ہے۔غیرملکی خبررساں ادارے کے مطابق تیونس کی وزارت داخلہ نے جاری کردہ ایک بیان میں کہا ہے کہ خودکش بمبار کی شناخت ڈی این اے ٹیسٹ سے ہوئی ہے۔

اس کا نام حسان بن ہدی بن ملد عبدالعلی ہے۔اس کی عمر ستائیس سال تھی اور وہ دارالحکومت تیونس ہی میں رہتا تھا۔وہ مزدور طبقے سے تعلق رکھتا تھا اور ریڑھی لگاتا تھا۔عراق اور شام میں برسر پیکار سخت گیر جنگجو گروپ داعش نے تیونس کے وسط میں گذشتہ منگل کو صدارتی محل کے محافظوں کی بس میں اس خودکش بم دھماکے کی ذمے داری قبول کی تھی۔

(جاری ہے)

اس بم دھماکے میں بارہ صدارتی محافظ اور حملہ آور ہلاک ہوگیا تھا۔

وزارت داخلہ نے ایک اور بیان میں اطلاع دی ہے کہ حکام نے گذشتہ چوبیس گھنٹے کے دوران ملک بھر میں 526 چھاپہ مار کارروائیاں کی ہیں اور ان میں انتہا پسند گروپوں سے تعلق کے رکھنے کے الزام میں تیس مشتبہ افراد کو گرفتار کر لیا ہے۔ان سے بھاری تعداد میں ہتھیار بھی برآمد کیے گئے ہیں۔تاہم بیان میں یہ نہیں بتایا گیا ہے کہ آیا ان مشتبہ افراد کا خودکش حملے سے بھی کوئی تعلق تھا یا نہیں۔

Facebook Twitter Google + Share on Whatsapp

تیونس میں خودکش بمبار کی شناخت، 30 مشتبہ افراد گرفتار

حسان نامی نوجوان تیونس میں ریڑھی لگاتاتھا،عمر ستائیس سال ہے،وزارت داخلہ

متعلقہ عنوان :

مزید بین الاقوامی خبریں