شریفوں اور زرداریوں کا پاکستان نہیں ،قانون کی بالادستی اور منصفانہ نظام چاہتے ہیں،عمران خان
جمہوری ملک میں پارٹی چیئرمین کوبلدیاتی مہم میں عوام کے پاس جانے سے روکناکہاں کاانصاف ہے،پولیس جلسہ کرنے پرمقدمہ بنادے ڈرتانہیں،ظالم کے آگے جھکنے سے ظلم بڑھتاہے،چیئرمین تحریک انصاف کا ترامڑی چوک میں بلدیاتی جلسے سے خطاب
جمعہ 27 نومبر 2015 21:41
اسلام آباد (اُردو پوائنٹ اخبارتازہ ترین - این این آئی۔27 نومبر۔2015ء) پاکستان تحریک انصاف کے چیئرمین عمران خان نے کہاہے کہ ہم شریفوں اور زرداریوں کا پاکستان نہیں چاہتے قانون کی بالادستی اور منصفانہ نظام چاہتے ہیں، غلامی سے نجا ت کاوقت آگیا ہے،چور چور کااحتساب نہیں کرسکتا،ملک میں جمہوریت کی بجائے پرویزمشرف سے بدترین جمہوری آمریت ہے،جمہوری ملک میں پارٹی چیئرمین کوبلدیاتی مہم میں عوام کے پاس جانے سے روکناکہاں کاانصاف ہے،پولیس جلسہ کرنے پرمقدمہ بنادے اس سے نہیں ڈرتا،ظالم کے آگے جھکنے سے ظلم بڑھتاہے۔
جمعہ کو ترامڑی چوک میں بلدیاتی جلسے سے خطاب کرتے ہوئے چیئرمین عمران خان نے کہاکہ نواز شریف کرکٹ ایمانداری سے نہیں کھیل سکتے تو الیکشن کیسے کرائیں گے۔(جاری ہے)
نواز شریف آؤٹ ہو جاتے تو ایمپائر نوبال قرار دے دیتا۔ وزیراعظم کرکٹ کھیلنے کیلئے بھی اپنا ایمپائر ساتھ لاتے تھے۔ عمران خان نے کہا نواز شریف نے کہا کہ زرداری کی لوٹی ہوئی رقم واپس لائیں گے لیکن آج تک آصف زرداری کے 6 ارب روپے واپس نہیں لائے گئے اور کرپشن کیسز بھی کبھی نہیں سنے گئے کیونکہ چور، چور کا احتساب نہیں کر سکتا۔
نواز شریف کے خلاف کرپشن کے 12 کیس ہیں نیب کیوں نہیں پکڑتی۔نواز شریف کے دور آمریت سے پرویز مشرف کا دور بہتر تھا۔ ان کا مزید کہنا تھا ہم شریفوں اور زرداریوں کا پاکستان نہیں چاہتے قانون کی بالادستی اور منصفانہ نظام چاہتے ہیں۔ عمران خان نے کہا کہ نوجوان وعدہ کریں کہ کسی قسم کی ناانصافی اور ظلم نہیں ہونے دیں گے ورنہ حکمرانوں کے بچے باریاں لینے کو تیار بیٹھے ہیں۔ اس وقت 500 خاندان ملک کو لوٹ کر کھا رہے ہیں۔ ہر پاکستانی ایک لاکھ 10 ہزار روپے کا مقروض ہے ۔ میگا پروجیکٹ لگا کر کمیشن لیا جا رہا ہے۔ پینے کا صاف پانی میسر نہیں لیکن پیسہ سڑکوں اور بسوں پر لگایا جا رہا ہے۔ عمران خان نے کہاملک میں اس وقت جمہوریت نہیں بلکہ آمریت جیسا نظام چل رہا ہے ، یہ جمہوریت پرویز مشرف کی آمریت سے زیادہ بری ہے ،پرویز مشرف کے دور میں ملک کے حالات اتنے برے نہیں تھا جتنے برے حالات میاں نواز شریف نے کردئیے ہیں ۔ عمران خان نے بتا یا کہ ضلعی انتظامیہ کی جانب سے مجھے جلسے میں آنے سے روکا گیا لیکن میں نے طے کر لیا تھا کہ کچھ بھی ہو جائے جلسے میں شرکت یقینی بنانی ہے ۔اس لیے جلسے میں شرکت کے لیے کھیتوں کے راستے سے آگیا ۔ انہوں نے استفسار کیا کہ اگر ہم جمہوری نظام میں رہ رہے ہیں تو کیا عمران خان کا حق نہیں کہ اپنا منشور لوگوں تک پہنچا سکے ۔عمران خان نے کہا کہ وزیر اعظم خود لودھراں میں ضمنی انتخاب سے پہلے ڈھائی ارب کے پیکج بانٹ رہے ہیں اور مجھے جلسوں سے روکا جا رہا ہے ۔ عمران خان نے کہاکہ دھاندلی کے خلاف 126دن کا دھرنا دیا تو جوڈیشل کمیشن نے فیصلہ دیا کہ الیکشن میں ڈھائی کروڑ ووٹ غائب ہوا ،جوڈیشل کمیشن کے فیصلے پر کسی ذمہ دار کو سزا نہیں دی گئی تو پھر بلدیاتی الیکشن میں بھی دھاندلی ہوئی ۔عمران خان نے کہا کہ لوگوں کو نا انصافی اور ظلم کیخلاف کھڑے ہونا ہو گا کیو نکہ اگر ظلم کیخلاف کھڑے نہ ہو ئے تو ظالم مزید مضبوط ہو جائیگا ۔متعلقہ عنوان :
مزید اہم خبریں
-
پاکستان ایران نئے معاہدوں پرپیشرفت ہوئی تو پابندیاں لگ سکتی ہیں، امریکہ کی پھردھمکی
-
صدرزرداری سینیٹ کا اجلاس کل جمعرات کی شام طلب کرلیا
-
سولر پینل بنانے والوں کو 10 سالہ مراعات دینے کی پالیسی تیار
-
نکاح نامے کے کالموں کو نامکمل چھوڑنے اور شک کی صورت میں اس کافائدہ بیوی کوپہنچے گا،سپریم کورٹ
-
اسپیکرقومی اسمبلی سردارایاز صادق سے پرتگال کے سفیر فریڈریکو پنہیرو دا سلوا کی ملاقات
-
افغان طالبان کی کامیابی سے متعلق بیان پر قائم ہوں، افغان طالبان نے جدوجہد سے استعماری طاقت کو شکست دی، وفاقی وزیردفاع خواجہ آصف
-
مختلف علاقوں میں زلزلے کے شدید جھٹکے
-
صدر مملکت آصف علی زرداری سے چائنہ انٹرنیشنل ڈویلپمنٹ کوآپریشن ایجنسی کے چیئرمین لوئو چائو ہوئی کی قیادت میں وفد کی ملاقات، پاکستان اور چین کے درمیان دوطرفہ تعلقات مزید بہتر بنانے کیلئے مل کر کام ..
-
ملک میں یکم مئی سے پیٹرولیم مصنوعات کی قیمتوں میں کمی کا امکان
-
وزیراعلیٰ سندھ نے وزیراعظم کو وفاق کی جانب سے سندھ کو نظرانداز کرنے کا شکوہ کر دیا
-
عمران خان اور پی ٹی آئی ایک حقیقت ہے ان کو مان لیں اور بات چیت کریں
-
کسان بورڈ پاکستان کا احتجاجی دھرنوں کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.