عباس ملیشیاء بھی اسرائیلی فوج کے نقش قدم پر چلنے لگی، بغیر جرم زیر حراست طالبعلم پر بدترین تشدد
ہفتہ 28 نومبر 2015 12:40
نابلس (اُردو پوائنٹ اخبارتازہ ترین - این این آئی۔28 نومبر۔2015ء) انسانی حقوق تنظیموں کی جانب سے جاری بیانات میں دعویٰ کیا گیا ہے کہ فلسطینی اتھارٹی کے زیرانتظام جیلوں میں سیاسی بنیادوں پر ڈالے گئے فلسطینی شہریوں پر ہولناک تشدد کیا جا رہا ہے۔ گرفتار کئے جانیوالوں میں بعض طلباء بھی شامل ہیں جنہیں دوران حراست اذیتیں دی جاتی ہیں۔ برطانیہ میں قائم عر ہیومن رائیٹس نامی ادارے نے اپنی رپورٹ میں بتایا ہے کہ حال ہی میں غرب اردن کے شمالی شہر نابلس میں قائم جنید نامی ایک عقوبت خانے میں فلسطینی اتھارٹی کی ڈیفنس فورس نے احمد نجم موالید نامی ایک طالبعلم کو ہولناک تشدد کا نشانہ بنایا ہے جس کے نتیجے میں اس کی حالت تشویشناک ہوچکی ہے۔
انسانی حقوق کی تنظیم کا کہنا ہے کہ نجم کا تعلق جنین کے نواحی علاقے سیریس سے ہے اور وہ جامعہ پولی ٹیکنیک کے انجینئرنگ کالج میں آخری سال کا طالبعلم ہے۔(جاری ہے)
اسے حال ہی میں عباس ملیشیا نے نابلس سے یونیورسٹی کے باہرسے گرفتار کیا اور 19 نومبر کو اسے جنید جیل منتقل کیا گیا جہاں عباس ملیشیا کے اہلکار اسے ہولناک تشدد کا نشانہ بناتے رہے ہیں۔رپورٹ میں کہا گیا ہے کہ تشدد کا نشانہ بننے والے طالبعلم پرکوئی الزام بھی عائد نہیں کیا گیا ہے۔
دوران حراست عباس ملیشیا کے اہلکار اسے آہنی لاٹھیوں اور کریسوں سے تشدد کا نشانہ بنانے کے ساتھ اسے بجلی کے جھٹکے لگاتے رہے ہیں۔ وہ کئی روز سے نیند سے بھی محروم ہے جس کے نتیجے میں اس کی حالت مزید تشویشناک ہوچکی ہے۔رپورٹ میں بتایا گیا ہے کہ جامعہ النجاح سے وابستہ طالب علم نجم کو ماضی میں بھی متعدد مرتبہ عباس ملیشیا کی جیلوں میں ڈالا جاتا رہا ہے۔ اسے پچھلے سال فروری میں بھی حراست میں لیا گیا اور 21 دن تک جیل میں رکھا گیا تھا۔ رواں سال 13 مئی کو بھی اسے گرفتارکیا گیا تھا۔متعلقہ عنوان :
مزید بین الاقوامی خبریں
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
افغانستان، خواتین کو کھلے میدان میں سنگسار کرنے کا اعلان
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
مسجد حرام میں زائرین کے لیے روبوٹ گائیڈ سسٹم فعال
-
حماس کے ساتھ مذاکرات ختم نہیں کیے گئے ،امریکہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.