پنجاب میں چنے کی فصل کی کاشت کارقبہ بڑھ کر 23لاکھ 45ہزار ایکڑ سے زائد ہو گیا ، ترجمان محکمہ زراعت
ہفتہ 28 نومبر 2015 13:50
لاہور( اُردو پوائنٹ اخبارتازہ ترین - این این آئی۔28 نومبر۔2015ء)محکمہ زراعت کے ترجمان کے مطابق پنجاب میں چنے کی فصل کی کاشت کے رقبے میں مزید اضافہ ہو گیا جو بڑھ کر 23لاکھ 45ہزار ایکڑ سے زائد ہو گیا ۔ترجمان کے مطابق پنجاب میں کاشت ہونے والے چنے کی فصل ملک میں چنے کی کل رقبہ کا تقریباً80فیصد ہے۔ پنجاب میں چنے کا 92فیصد رقبہ بارانی علاقے میں کاشت کیا جاتاہے جس میں زیادہ تر تھل بشمول بھکر، خوشاب، لیہ ، میانوالی اور جھنگ کے اضلا ع شامل ہیں۔
ان علاقوں کے کاشت کاروں کی معیشت کا بنیادی انحصار زیادہ تر اسی فصل پر ہے۔ چنے کی دیسی اقسام زیادہ تر کم بارش والے بارانی علاقوں میں کاشت کی جاتی ہیں۔ جبکہ کابلی اقسام کی کھیت میں روز بروز اضافہ ہورہا ہے۔ جس کو پورا کرنے کے لیے مختلف ممالک مثلاًایران ، آسٹریلیا اور ترکی وغیرہ سے کابلی چنے کی درآمد کی جاتی ہے۔(جاری ہے)
ترجمان کے مطابق چنے کی فصل پر متعدد کیڑے حملہ آور ہوتے ہیں۔
جو فصل کے آغاز سے برداشت تک نقصان پہنچاتے ہیں جس کی وجہ سے فصل کی فی ایکڑ پیداوار میں کمی واقع ہوتی ہے۔ فصل کے آغاز میں دیمک ، چورکیڑا اورسست تیلہ کا حملہ نمایاں ہوتاہے۔ ٹاڈ کے بنتے وقت لشکری سنڈی اورٹاڈ کی سنڈی کا حملہ نمایاں ہوتا ہے۔ اچھی فصل کا انحصار ساز گار موسم ،صحیح اور بروقت تحفظ نباتات پر ہے۔ ترجمان کے مطابق کسان جڑی بوٹیاں تلف کریں۔ کسان دوست کیڑوں خاص طور پر کچھوا بھونڈی ، لیڈی برڈ ، بیٹل یا کرائی سو پرلاکی حوصلہ افزائی کریں۔ نائیٹن پائرام 10اے ایس بحساب 200ملی لیٹر یا امیڈا کلوپرڈ 200ایس ایل بحساب 120ملی لیٹر فی ایکڑ 100لیٹر پانی میں سپرے کریں۔ترجمان کے مطابق گرمیوں میں 2سے 3سال تک گہرے ہل چلا دیں تاکہ زمین میں موجود کویے ختم ہو سکیں۔ اگیتی کا شت کو پروان چڑھا ئیں۔ جڑی بوٹیوں کے میز بان پودوں کو تلف کریں۔ چڑیاں سنڈیوں کو بڑے شوق سے کھاتی ہیں اس لیے کھیتوں میں انہیں بیٹھنے کے لیے درختوں یا ڈنڈوں سے رسیاں باند ھ کر جگہ مہیا کریں۔ روشنی کے پھندے لگائیں۔ جلد تیار ہونے والی اقسام کا شت کریں۔ پودوں کے درمیان مناسب فاصلہ رکھیں۔مزید تجارتی خبریں
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.