عمران خان ملک و قوم کیلئے جدوجہد کی وجہ سے اقتدار میں آنیوالے مافیا کی آنکھوں میں کھٹک رہے ہیں ‘ جمشید چیمہ
ہفتہ 28 نومبر 2015 13:56
لاہور( اُردو پوائنٹ اخبارتازہ ترین - این این آئی۔28 نومبر۔2015ء) تحریک انصاف پنجاب میڈیا ٹاسک فورس کے کنوینر جمشید اقبال چیمہ نے کہا ہے کہ عمران خان کی قیادت میں ملک اور قوم کو خون چوسنے والے مافیا کے چنگل سے آزاد کرائیں گے ،پنجاب حکومت نے صوبے کو تجربہ گاہ میں تبدیل کر دیا ہے اورعوام کے ٹیکسوں سے جمع ہونے والے اربوں روپے اس کی نذر کئے جارہے ہیں،حکومت کی طرف سے40ارب روپے جمع کرنے کیلئے 313درآمدی اشیاء پر ریگولیٹری ڈیوٹی بڑھانے سے سمگلنگ کوتقویت ملے گی اور انڈر انوئسنگ بھی کنٹرول میں نہیں رہے گی۔
اپنے ایک بیان میں جمشید اقبال چیمہ نے کہا کہ موجودہ حکومت کی کوئی ترجیحات نہیں اور چل چلاؤ پالیسی پر عمل کیا جارہا ہے ۔مہنگے قرضوں کے حصول کے لئے ملک و قوم کو گروی رکھنے سے بھی گریز نہیں کیا جارہا جس کے نتائج انتہائی تباہ کن ہوں گے ۔(جاری ہے)
انہوں نے کہا کہ حکومتی اداروں میں کرپشن کی وجہ سے ٹیکس نیٹ کا دائرہ بڑھنے کی بجائے مزید سکڑ رہا ہے اور صرف ایک سہ ماہی میں ٹیکس ریو نیو میں ایک ہزار ارب سے زائد کمی واقع ہوئی ہے ۔
تجربہ کار حکمرانوں کے دور میں قرضوں کا حجم 207کھرب سے تجاوز کر گیا ہے جو پوری قوم کے لئے لمحہ فکریہ ہے ۔ انہوں نے کہا کہ عمران خان اپنی ذات کی بجائے ملک و قوم کے لئے جدوجہد کیوجہ سے اقتدار میں آنے والے مافیا کی آنکھوں میں کھٹک رہے ہیں لیکن ہمارا عزم ہے کہ ملک و قوم کو ا س مافیا کے چنگل سے آزاد کرائیں گے ۔ انہوں نے مزید کہا کہ تحریک انصاف میں ممبر سازی کے بعد انٹر پارٹی انتخابات کرائے جائیں گے جس سے پارٹی مزید مضبوط ہو کر سامنے آئے گی۔متعلقہ عنوان :
مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
پرائیویٹ اسکیم کے تحت حجاج اکرام کی بکنگ تاحال جاری ہے ختم نہیں ہوئی،طاہر محمود اشرفی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.