ایرانی تیل کی اسملنگ کی اجازت نہ ملنے کیخلاف مکران کوچزاونرایسوسی ایشن کا احتجاج
زیروپوائنٹ اوتھل سے مکران کوسٹل ہائی وے بلاک ، پولیس کامظاہرین کو منتشرکرنے کیلئے لاٹھی چارج، 3 اہلکار زخمی
ہفتہ 28 نومبر 2015 20:14
اوتھل(اُردو پوائنٹ اخبارتازہ ترین - این این آئی۔28 نومبر۔2015ء) ایرانی تیل کی اسملنگ کی اجازت نہ ملنے کیخلاف مکران کوچزاونرایسوسی ایشن نے زیروپوائنٹ اوتھل سے مکران کوسٹل ہائی وے اور مین آرسی ڈی شاہراہ بلاک کردی،رات سے صبح تک دومین قومی شاہراہیں بلاک ہونے کی وجہ سے مسافروں کو شدید پریشانی کا سامنا،تیل مافیا کے پتھراؤسے اے ایس آئی سمیت 3اہلکار شدید زخمی ،پولیس کامظاہرین کو منتشرکرنے کیلئے شیلنگ،ہوائی فائرنگ اور لاٹھی چارج،زیروپوائنٹ رات سے صبح تک میدان جنگ بنارہا،پولیس نے تیل مافیاکے 12افراد کو گرفتارکرکے 40نامعلوم افراد کے خلاف مقدمہ درج کردیا،3کوچوں سمیت نوگاڑیاں اور ہزاروں لیٹرایرانی ڈیزل پولیس نے اپنی تحویل میں لے لیا،تفصیلات جمعہ اور ہفتہ کی درمیانی شب مکران کوچز اونرایسوسی ایشن نے زیروپوائنٹ اوتھل چیک پوسٹ سے ایرانی تیل کراچی اسمگل کرنے کی اجازت نہ ملنے کے خلاف زیروپوائنٹ اوتھل کے مقام پر مین قومی شاہراہ اور مکران کوسٹل ہائی وے پر گاڑیاں کھڑی کرکے روڈ بلاک کردیاجسکی وجہ سے گاڑیوں کی لمبی قطاریں لگ گئیں اور کوئٹہ سے کراچی ، کراچی سے کوئٹہ اورکراچی سے مکران جانے والی دومین قومی شاہراہیں بلاک ہوگئیں جسکی وجہ سے مسافروں کو شدید پریشانی کا سامنا کرنا پڑااور مسافر شدید سردی میں ٹھٹھرتے رہے مسافروں کے رش کی وجہ سے ہوٹلوں پر کھانے پینے کی اشیاء ناپیدہوگئیں اور اس دوران ایمبولیسیں بھی پھنس گئیں تاہم ڈی ایس پی اوتھل جمیل باجوئی اور ایس ایچ اواوتھل حاصل خان قمبرانی موقع پر پہنچ گئے اور کوچ مالکان سے مذاکرات کی کوشش کی لیکن کوچ مالکان نے مذاکرات سے انکارکردیا پولیس کی باربارمذاکرات کی کوشش کے باوجود کوچ مالکان نے صاف انکارکردیا اور کوچ مالکان نے مشتعل ہوکر پولیس پر پتھراؤ شروع کردیا جسکے نتیجے میں اوتھل پولیس کا ایک اے ایس آئی محمد علی شیخ اور دوکانسٹیبلزسوماررونجھو اور اﷲ ڈنہ شدید زخمی ہوگئے جس پر ڈی ایس پی اوتھل جمیل باجوئی نے حب سے پولیس کی اضافی نفری طلب کرلی اورپولیس نے مظاہرین کو منتشرکرنے کیلئے ہوائی فائرنگ ،شیلنگ اور لاٹھی چارج کیا اس دوران پوری رات زیروپوائنٹ اوتھل میدان جنگ بنارہا اور مظاہرین اور پولیس میں آنکھ مچولی کا سلسلہ چلتارہا صبح کے وقت اوتھل پولیس نے 12کوچ مالکان کو گرفتارکرکے 40نامعلوم افراد کے خلاف مقدمہ درج کرلیا اور پولیس نے تین کوچوں سمیت نوگاڑیاں اور ہزاروں لیٹرایرانی ڈیزل اپنی تحویل میں لے لیابعدازاں ایس ایچ اواوتھل حاصل خان قمبرانی نے صحافیوں سے گفتگوکرتے ہوئے کہا کہ حکومت کی جانب سے ایرانی تیل کی اسمگلنگ پر پابندی عائد کی گئی ہے اور ہمیں ہدایت ہے کہ اوتھل کے راستے سے ایرانی تیل کی اسمگلنگ کسی صورت نہ ہونے پائے اس پر ہم نے کوچز مالکان کو باربارآگاہ کیا کہ وہ ایرانی تیل اسمگل کرنے کی کوشش نہ کریں لیکن انہوں نے پولیس کی بات ماننے سے انکارکردیا جس پر پولیس نے گزشتہ روز دومسافرکوچوں سے 4ہزار لیٹرایرانی تیل برآمد کرکے دوملزمان کو گرفتارکیا تھا جسکے ردعمل میں کوچ مالکان نے رات گئے زیروپوائنٹ اوتھل سے مین قومی شاہراہیں بلاک کردی تاہم پولیس کی باربارکی کوششوں کے باوجود کوچ مالکان نے مذاکرات سے انکارکردیا اور انہوں نے پولیس پر پتھراؤ شروع کردیا جسکی وجہ سے پولیس نے مظاہرین کو منتشرکرنے کیلئے آنسوگیس ،ہوائی فائرنگ اور لاٹھی چارج کا سہارالیا ۔
مزید قومی خبریں
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
ججز کے خط نے ہمارے موقف کی تائید کردی، لطیف کھوسہ
-
سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلی سطح اجلاس
-
رانا ثنا اللہ کیخلاف کراچی میں مقدمے کی درخواست، ایس ایچ او کو نوٹس جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.