غلام اسحاق خان انسٹی ٹیوٹ ایک اعلیٰ معیاری تعلیمی ادارہ ہے، اسکا شمار ملک کے بہترین یونیورسٹیوں میں ہو تا ہے ،اسد قیصر
ہفتہ 28 نومبر 2015 22:34
پشاور (اُردو پوائنٹ اخبارتازہ ترین - آن لائن۔28 نومبر۔2015ء)سپیکر خیبر پختونخوا اسمبلی اسد قیصر نے کہا ہے کہ غلام اسحاق خان انسٹی ٹیوٹ ایک اعلیٰ معیاری تعلیمی ادارہ ہے۔ جس کا شمار ملک کے بہترین یونیورسٹیوں میں ہو تا ہے ۔ ان خیالات کااظہار انہوں نے غلام اسحاق خان انسٹی ٹیوٹ ٹوپی میں نئے سائنسی بلاک کا افتتاح کر تے ہوئے کیا۔ اس موقع پر یونیورسٹی کے ریکٹر جہانگیر بشر ، ایم پی ایز شیراز خان اور ڈاکٹر حیدر علی خان کے علاوہ عمائدین علاقہ بھی موجود تھے۔
سپیکر نے انرجی سسٹم انجینئرنگ کے پروگرام کے لئے صوبائی حکومت کی جانب سے افتتاحی طور پر دس کروڑ روپے کی فراہمی کا اعلان کیا۔ یونیورسٹی ہذا کے پروفیسر ڈاکٹر زاہد ایوب نے سپیکر کو بتاتے ہوئے کہا کہ مذکورہ پروگرام کے اجراء کے لئے کورسز کا تعین کر نے کے لئے وہ امریکہ کی اعلیٰ یونیورسٹیوں سے رابطہ میں ہیں۔(جاری ہے)
سپیکر نے یونیورسٹی حکام کے مطالبہ پر صوبائی حکومت کی جانب سے دیئے جانے والے بیس سکالر شپ کو بڑھا کر چالیس سکالر شپ کر نے کا بھی اعلان کیا۔
انہوں نے کہا کہ غلام اسحاق خان انسٹی ٹیوٹ ملک میں اعلیٰ تعلیم پھیلانے کا ایک بہترین ذریعہ ہے ۔اور یہاں سے فارغ التحصیل طلبہ ملک کے بہت سے شعبوں میں بہترین خدمات انجام دے رہے ہیں۔ انہوں نے کہا کہ یہ بات ہمارے لئے باعث فخر ہے کہ ایک بہترین تعلیمی ادارہ ہمارے ضلع صوابی میں موجود ہے۔ انہوں نے کالج انتظامیہ کو یقین دہانی کر واتے ہوئے کہا کہ ان کے بس میں جتنا ممکن ہو سکا وہ کالج کے فلاح و بہبود کے لئے کام کرینگے۔ سپیکر نے کہا کہ ہمیں ایسا تعلیمی نظام مرتب کرنا ہو گا کہ جس کے تحت طلبہ کو تعلیمی اداروں سے فارغ التحصیل ہونے کے بعد فوری روزگار میسر ہو سکے۔ انہوں نے کہا کہ کوئی ملک یا قوم اعلیٰ تعلیم و تربیت کے بغیر ترقی سے ہمکنار نہیں ہو سکتی۔لہٰذا ہمیں اپنے نوجوانوں کو اعلیٰ تعلیم و تربیت کے زیور سے آراستہ کر نے کے لئے بہترین حکمت عملی اپنانا ہو گی۔ انہوں نے کہا کہ تعلیم صوبائی حکومت کی اولین ترجیحات میں شامل ہیں ۔ جس کے لئے رواں سال خطیر رقم رکھی گئی ہے انہوں نے کہا کہ ہماری کوشش ہے کہ تعلیمی نظام کو اس قدر بہتر بنایا جائے تاکہ ہماری آئندہ نسلیں اس سے مکمل طور پر مستفید ہو سکے۔ سپیکر نے کہا کہ استاد کی عزت کی بحالی نہایت ضروری ہے ایک باعزت استاد ہی طلبہ کی بہترین تعلیمی نشوونما میں کر دار ادا کر سکتا ہے۔ اساتذہ کی فلاح و بہبود کے لئے مختلف اقدامات صوبائی حکومت کے زیر غور ہے۔ بعد ازاں یونیورسٹی حکام کی جانب سے سپیکر کو بریفنگ دی گئی ۔جس میں انہوں نے یونیورسٹی ہذا کے مختلف پروگراموں کے لئے سپیکر سے مالی معاونت کی استدعا کی سپیکر نے اس موقع پر کہا کہ یونیورسٹی کے مختلف پروگراموں اور انفر ا سٹرکچر کے لئے صوبائی حکومت اپنے وسائل کے اندر رہتے ہوئے ہر ممکن تعاون کرئے گیمزید قومی خبریں
-
کامن ویلتھ یوتھ سیکرٹریٹ پاکستان میں بننے سے نوجوانوں کو 56ممالک تک رسائی ہو گی، رانا مشہود احمد
-
عدالت کا سیل کردہ تندور ڈی سیل اور گرفتارلوگوں کو رہا کرنے کا حکم
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
-
وزیراعلیٰ پنجاب نے طلبہ کیلئے لیپ ٹاپ سکیم کی منظوری دیدی
-
شمالی وزیرستان، لڑکیوں کے نجی اسکول کو دھماکے سے اڑا دیا گیا
-
پا کستا ن کے تیسرے بڑے شہر فیصل آبا د میں ڈکیتی‘ راہزنی اور چوری کی وارداتوں کا سلسلہ جاری
-
چیئرمین و ڈپٹی چیئرمین سینیٹ کاگوادر میں معصوم مزدورں کے قتل پر افسوس کا اظہار
-
ساہیوال،شور روم مالک کا اغوا جعلی پولیس افسر نے بھتہ لے کر چھوڑ دیا،مقدمہ درج ،تین گرفتار
-
خطے میں امن صرف ایک قابل عمل، خودمختار اور ملحقہ فلسطینی ریاست کے قیام سے ہی یقینی بنایا جا سکتا ہے،وزیر خارجہ اسحاق ڈار
-
پولیس ہیلپ لائن 15 کو انٹیلی جنس ایجنسیوں سے منسلک کر دیا گیا
-
9 مئی ایک سیاہ دن ہے ، واقعہ میں ملوث لوگوں کو سزائیں ملنی چاہیں، وزیر داخلہ محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.