مصباح الحق کی اہلیہ نے شاہد آفریدی سے متعلق کی جانے والی ٹوئٹ پر معذرت کرلی

محمد علی ہفتہ 28 نومبر 2015 23:31

لاہور(اردو پوائنٹ تازہ ترین اخبار.28 نومبر 2015 ء) مصباح الحق کی اہلیہ نے شاہد آفریدی سے متعلق کی جانے والی ٹوئٹ پر معذرت کرلی ہے۔ تفصیلات کے مطابق قومی ٹیسٹ ٹیم کے کپتان مصباح الحق کی اہلیہ عظمہ خان نے شاہد آفریدی سے متعلق کی جانے والی ٹوئٹ پر معذرت کرلی ہے۔

(جاری ہے)

عظمہ خان نے انگلینڈ کیخلاف پہلے ٹی ٹوئنٹی میچ کے دوران شاہد آفریدی کی جانب سے صفر پر آوٹ ہو جانے پر طنزیہ ٹوئٹ کیا تھا کہ کاش آفریدی بھی "ٹک ٹک" کرسکتے۔ اس حوالے سے عظمہ خان کا کہنا ہے کہ ان کا مقصد کسی کی دل آزاری کرنا یا کسی کے جذبات کو ٹھیس پہنچانا نہیں تھا۔ اگر ایسا کچھ ہوا ہے تو وہ معذرت خواہ ہیں۔