پاک چائنہ دوستی پر جتنا بھی ناز کیا جائے کم ہے ، چین نے ہر مشکل وقت میں پاکستان کا ساتھ دیا اس کی مثال کہیں نہیں ملتی‘ رفیق رجوانہ
پاکستان سے چین کی دوستی لازوال راستوں اور با کمال رابطوں میں بدل چکی ہے ، چین پاکستانیوں کیلئے چَین کا باعث ہے ‘گورنر پنجاب
اتوار 29 نومبر 2015 17:35
لاہو ر(اُردو پوائنٹ اخبارتازہ ترین - این این آئی۔29 نومبر۔2015ء ) گورنر پنجاب ملک محمد رفیق رجوانہ نے کہاہے کہ پاک چائنہ دوستی پر جتنا بھی ناز کیا جائے کم ہے ،جس طرح چین نے ہر مشکل وقت میں پاکستان کا ساتھ دیا ہے اس کی مثال دنیا میں کہیں نہیں ملتی ،دنیا میں امن اور بھائی چارے کی فضا قائم کرنا ہو یا انسانوں کے مختلف طبقوں کو ایک دوسرے کے قریب لانا ہو اس سلسلے میں دونوں ممالک کے مقاصد مشترک ہیں۔
ان خیالات کا اظہار انہوں نے چائنہ سے آئے ہوئے دس رکنی میڈیا وفد سے ملاقات کے دوران کیا جنہوں نے گورنر ہاؤس لاہور میں ان سے ملاقات کی -گورنر پنجاب نے کہا کہ پاکستان سے چین کی دوستی لازوال راستوں اور با کمال رابطوں میں بدل چکی ہے ۔ چین پاکستانیوں کے لیے چَین کا باعث ہے ۔(جاری ہے)
انہوں نے کہا کہ تابندہ دوستی کے پچھلے68سال روشنی کا نیا زمانہ بن کر پاکستان اور چین میں جگمگا رہے ہیں، یہ دوستی شہد سے میٹھی ،ہمالہ سے اونچی،سمندروں سے گہری ا ور فولاد سے زیادہ مضبوط ہے۔
گورنر پنجاب نے کہا کہ پاکستان اور چین کے درمیان تعلقات باہمی اعتماد اور اتحاد کے حوالے سے بے مثال ہیں- انہوں نے کہا کہ سیاسی اور عوامی سطح پر دونوں ممالک نے ہر طرح کے حالات میں جس طرح دوستی کا حق ادا کیا ہے وہ ہم سب کے لیے فخر کاباعث ہے ۔گورنر پنجاب نے کہا کہ پاکستان کو موجودہ بحرانوں سے نکالنے کے لیے سیاسی اور عسکری قیادت ایک پیج پر ہیں‘ملک کو دہشت گردی سے پاک کرنے کے لیے ضرب عضب آپریشن اپنے منطقی انجام کی طرف کامیا بی سے جاری ہے جبکہ سیاسی اور عسکری قیادت کے مشترکہ نیشنل ایکشن پلان پر بھی موثر انداز میں عملدرآمد جاری ہے ،انہو ں نے کہا کہ وزیر اعظم محمد نواز شریف اور وزیر اعلی پنجاب کی قیادت میں ملک کے طول و عرض میں عوامی فلاح کے لاتعداد منصوبوں پر تیزی سے کام جاری ہے - انہوں نے کہا کہ بجلی کے بحران کے حل کے لیے توانائی کے متعدد منصوبوں کے آغاز کے ساتھ ساتھ نئے ڈیم تعمیر کرنے پر بھی توجہ دی جار ہی ہے - میڈیا کے وفد نے گورنر پنجاب کو بتایا کہ چین کو پاکستان کے ساتھ اپنے تعلقات پر ناز ہے اور وقت گذرنے کے ساتھ ساتھ دونوں ملکوں کے درمیان دوطرفہ تعاون میں وسعت آر ہی ہے -وفد نے پاکستان میں اپنے قیام کو یاد گار قرار دیا اور زندہ دلان ِ لاہور کی مہمان نوازی کی خاص طور پر تعریف کی -متعلقہ عنوان :
مزید اہم خبریں
-
قوم اور پاکستان نو مئی کے مجرموں کو بھولے ہیں نہ بھولیں گے، وزیراعظم محمد شہباز شریف کی سوشل میڈیا ایکس پر پوسٹ
-
جتنی بھی سیاسی جماعتیں ہیں، وہ فارم 47 کے چھتری تلے سرکاری سسٹم میں آ گئی ہیں
-
پاکستان اور عالمی بنک اصلاحات اور ترقی کے ایجنڈے کو آگے بڑھانے کے لئے پارٹنرشپ فریم ورک پر کام کرنے پر متفق
-
وزیر اعظم شہباز شریف سے ازبکستان کے وزیر خارجہ کی ملاقات،تجارت، معیشت، سیکورٹی، دفاع، سماجی روابط اور دیگر شعبوں میں تعاون بڑھانے پر تبادلہ خیال
-
تکنیکی و فنی تعلیم کو یکساں کرنے اور بیرون ملک پاکستانی افرادی قوت کیلئے پاکستان سکل کمپنی اور سکل ڈویلپمنٹ فنڈ کے قیام کافیصلہ
-
33 سی ایم اسپیشل پراجیکٹس کی ٹائم لائن کے اندرتکمیل کے لیے ہدایات جاری
-
وزیراعلیٰ مریم نواز سے ترکمانستان کے سفیر عطاجان نورلیو یچ مولاموف کی ملاقات،تجارتی تعلقات بڑھانے پر اتفاق
-
وزیراعلیٰ مریم نواز سے جمہوریہ قازقستان کے سفیر کی ملاقات، شہدا کے بچوں کیلئے قازقستان میں سٹڈی کیلئے سکالرشپ کا اعلان
-
وزیراعظم محمد شہبازشریف سے عالمی بینک کے نائب صدر برائے جنوبی ایشیا کی ملاقات
-
ماہ ذی القعدہ کے چاند کی رویت کا اعلان
-
ڈی جی آئی ایس پی آر نے اب کہا، پی ٹی آئی تو پہلے دن سے جوڈیشل انکوائری کا کہہ رہی ہے
-
آپ محافظ ہیں مالک نہیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.