اسرائیل امن بات چیت کا احترام نہیں کرتا، مذاکرات وقت کا ضیاع ہے، عبدالرحیم الفرا
پیر 30 نومبر 2015 14:15
برسلز (اُردو پوائنٹ اخبارتازہ ترین - این این آئی۔30 نومبر۔2015ء) یورپی یونین، بلجیم اور لکسمبرگ کیلئے مقرر کردہ فلسطینی اتھارٹی کے سفیر نے اسرائیل کیساتھ امن مذاکرات کو وقت کا ضیاع قرار دیتے ہوئے کہا ہے کہ اسرائیل امن بات چیت کا احترام نہیں کرتا۔ اس لئے اس سے بات کرنا بے سود ہے۔ بلجیم، فلسطین فرینڈ شپ کونسل کے زیراہتمام برسلز میں منعقدہ اجلاس سے خطاب کرتے ہوئے فلسطینی سفیر عبدالرحیم الفرا نے کہا کہ جب تک اسرائیل فلسطینی قوم کے حق خود ارادیت کو تسلیم کرتے ہوئے آزادی فلسطین کی حمایت نہیں کرتا اس وقت تک صہیونی ریاست سے مذاکرات بے سود ہیں۔
انہوں نے تسلیم کیا کہ فلسطینی اتھارٹی اور اسرائیل کے درمیان امن مذاکرات اور 1994 ء میں طے پایا اوسلو معاہدہ ناکام ہوچکے ہیں۔(جاری ہے)
آج کے بعد فلسطینی اتھارٹی اور اسرائیل کے درمیان امن بات چیت کی کوششیں بے سود ثابت ہونگی کیونکہ صہیونی ریاست فلسطینیوں کے حقوق کو تسلیم کرنے کے بجائے اپنی ہٹ دھرمی پرقائم ہے۔ فلسطینی سفیر عبدالرحیم الفرا نے کہا کہ اوسلو سمجھوتے سمیت آج تک اسرائیل اور فلسطینی اتھارٹی کے درمیان جتنے بھی معاہدے طے پائے ہیں اسرائیل نے ان میں سے کسی معاہدے کی پاسداری نہیں کی اور نہ ہی فلسطینیوں سے کئے گئے وعدے ایفا کئے گئے ہیں۔
فلسطینی سفیر نے کہا کہ اگر اسرائیل کیساتھ بات چیت ناگزیر ہی ہوجائے تو فلسطینی اتھارٹی کو چند واضح شرائط کیساتھ بات چیت کرنا چاہئے۔ فلسطینی اتھارٹی کسی بھی قسم کی بات چیت شروع کرنے سے قبل اسرائیل سے یہ مطالبہ کرے کہ وہ 1967 ء کی جنگ سے پہلے والی پوزیشن پر جانے کا اعلان کرے۔ آزاد اور خود مختار فلسطینی ریاست کاحق تسلیم کرے۔ فلسطینی اسیران کی رہائی کی یقین دہانی کرائے اور فلسطینی پناہ گزینوں کی آباد کاری کا مطالبہ تسلیم کرے۔ اگر اسرائیل یہ تمام مطالبات تسلیم کرتے ہوئے انہیں پورا کرنے کا یقین دلائے تو اس کیساتھ مذاکرات کئے جاسکتے ہیں ورنہ تل ابیب سے بات چیت محض وقت کا ضیاع ہوگا۔مزید بین الاقوامی خبریں
-
اسکول میں نمازپڑھنے کی اجازت کا معاملہ ، برٹش مسلم طالبہ ہائیکورٹ میں کیس ہارگئی
-
جنوبی لبنان سے شمالی اسرائیل کی طرف 6 میزائل فائر
-
امریکی یونیورسٹی نے ذہین ترین مسلمان طالبہ کی تقریر منسوخ کردی
-
اسرائیل سے معاہدہ ختم کرنے کیلئے گوگل ملازمین کا احتجاج، متعدد گرفتار
-
کینیڈا، حکومت کا پہلی بار حلال مارٹیگیج کا جائزہ لینے کا فیصلہ
-
یو اے ای میں نظام زندگی مفلوج، سوشل میڈیا پر ویڈیوز وائرل
-
دبئی میں طوفانی بارشوں نے 75 سال کا ریکارڈ توڑ دیا
-
ایرانی سفارتخانے پرحملہ ویانا کنونشن کی خلاف ورزی تھی، ترک صدر
-
اس سے پہلے کہ بہت دیر ہو جائے ایران کو روکا جائے، اسرائیل
-
اسرائیل کے کسی نئی حملے کا سکینڈز میں جواب دیں گے، ایران
-
سعودی عرب نے اسرائیل پر ایرانی حملے روکنے میں حصہ نہیں لیا، ذرائع
-
سڈنی کے چرچ میں لائیو نشریات میں پادری پر چاقو حملہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.